Hayot Foundation loyihasi
Loyiha haqida
Oʻz
Oʻz

Qidiruv

«chimi» boʻyicha 49 ta natija

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik
Tildan
Oʻzbekcha Inglizcha Fransuzcha Lotincha Turkcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Turkcha

← Barcha natijalar

Lugʻat maqolalari

49 ta · 1-sahifa / 3
chim
Izohli lugʻat · yana 5 ta lugʻatda

ot 1. ayn. Ajriq.

Biz uchun koʻkarar doʻngliklarda chim, Biz uchun yashaydi koʻkda yulduzlar. — Yoshlik

2. Ajriqning ildizlari, poyalari bilan birga palaxsa-palaxsa qilib koʻchirilgan tuproq qatlami.

Suvni chim toʻxtatar, soʻzni — chin. — Maqol

Yerni haydashda va mol boqilganda chim buzilsa, tuproq eroziyasi roʻy beradi. — OʻzME

Yana besh chaqirimcha yurilgach, uchtacha oʻtov va chimdan yasalgan qoʻton chiqdi. — N. Aminov, Qahqaha

  • Chim bosmoq 1. Suv yoʻlini toʻsish yoki chimzor qilish uchun koʻchirib kelingan chimni maʼlum tartibda yerga yotqizmoq. Egatlarga chim bosmoq. Futbol maydoniga chim bosmoq.Biror joyni suv urib ketsa, ketmon bilan oʻsha joyga chim bosadi, bebosh suvni yana yoʻlga solib yuboradi. — J. Sharipov, SaodatPoshshaxon tushmagur, sekretarlikka saylandi-yu, barchasining yoʻliga chim bosdi. A. — Muqimov, Qipchoq senikiUkrop chimday chiqibdi.
Toʻliq maqola →
chimildiq
Izohli lugʻat · yana 5 ta lugʻatda

ot ayn. Goʻshanga.

Butun qizlar, butun juvonlar Chimildiqda erni koʻrdilar. — H. Olimjon

Gul-gul yonib, muqaddas Chimildiqqa kirarsan. — M. Yusuf.

Toʻliq maqola →
chimirmoq
Izohli lugʻat · yana 3 ta lugʻatda

fl. Qosh-qovoqni yigʻmoq, burushtirmoq (taajjub, norozilik, hadiksirash, kibr kabi his-tuygʻularni ifodalash uchun).

Dandonov siyrak qoshlarini chimirib, uzoq ezmalandi. — N. Aminov, Qahqaha

— Yoqmasa — Alimardon kinoyali jilmayib, qoshini chimirdi. — Yoqmasa Keta qol! — Oʻ. Hoshimov, Qalbingga quloq sol.

Asqar Bakirovich norozi qosh chimirdi. — N. Aminov, Qahqaha

  • Quloq chimirmoq Quloqlarini orqaga burib, tik qilib, biror harakatga hozirlanmoq (hayvonlar haqida). Qorabayir dumini silkitib, quloqlarini chimirganicha orqa oyogʻini havoga ura boshladi. — Sh. Toshmatov, Erk qushi
Toʻliq maqola →
chimirilmoq
Izohli lugʻat · yana 2 ta lugʻatda

fl. 1. Chimirmoq feʼlining oʻzlik va majhul nisbatlari.

Qoshlari chimirildi. Quloqlari chimirildi.

2. Qosh-qovoqni, peshonani tirishtirmoq (taajjub, achchiqlanish va shu kabilar his-tuygʻularni ifodalash uchun).

— Qanaqa hikoya ekan? — chimirilib soʻradi ayol. — Sharq yulduzi

Xolisa chimirilib, ana, aytmovdimmi, degandek eriga qarab qoʻydi. — S. Nurov, Maysalarni ayoz urmaydi

Toʻliq maqola →
chimdim
Izohli lugʻat · yana 3 ta lugʻatda

ot Ikki-uch barmoq bilan chimdib olarli miqdor.

Ovqatga uch-toʻrt chimdim tuz tashlamoq.

  • Bir chimdim 1. Bir marta chimdib olishli miqdor. [Chol] Bir chimdim nosni burushik kaftiga toʻkdi-da, uni tilining tagiga otdi. — YoshlikBir piyoladan choy ichib, bir chimdim hol-ahvol soʻralgach, doʻsti mehmonni tanishtirishga tushdi. — M. Mansurov, YombiXitobda ham, maqtovda ham bir chimdim kesatiq bor edi. M. — M. Doʻst, LolazorBir chimdim uxlasang, kuchga toʻlib yayraysan. — Oybek, Oltin vodiydan shabadalar
Toʻliq maqola →
chimmat

ot 1. ayn. Chachvon.

Oy yuzingqaro chimmat zulmidan qutultirgil. — Hamza

Zebi chimmatini yuzidan oldi. — Choʻlpon, Kecha va kunduz

Chimmatdagi bekaga koʻzi tushganlar bosh egib salom berishdi. — Mirmuhsin, Temur Malik

2. koʻchma Parda, toʻsiq.

Tunning qora chimmati jimirlab-jimirlab, yer betini qopladi. — I. Rahim, Taqdir

Toʻliq maqola →