Изоҳли луғат
· яна 4 та луғатда
от 1. Дард-ҳасрат шикоят тарзидаги (асосан оғзаки) гап, мурожаат.
Чол бу бегона йигитнинг вазиятида тараддудланиш сезиб, қайтадан сўради: — Хўш, ўғлим, нима арзинг бор? — Ойбек, Танланган асарлар
Подшойим, бизлар сизга арзга келдик. — Равшан
2. эск. кт. Ер шари ёки унинг бир қисми.
- Арзи ҳол ёки арзи бандачилик Ўз аҳволи ҳақидаги оғзаки баён; дард-ҳасрат; ўтинчли илтимос. Мен минарман энди аста қушимга, Арзи ҳолим айтдим денг-у дўстимга. — Маликайи айёрҚуш тилини қуш билади деганларидек, Нодиранинг самимий арзи бандачилиги Моҳлар ойим билан Нигор келиннинг юракларини эзди. — А. Қодирий, Меҳробдан чаён
- Арз қилмоқ 1) билганини, ўйлаганини ёки дард-ҳасратини оғзаки айтмоқ, баён қилмоқ; ўтинчли илтимос билан мурожаат қилмоқ. - Мен хонни Тошкентдан жўнатиш олдида унинг холи вақтини топиб, бу фикримни бир даража арз қилиб ўтган эдим, — деди [қушбеги]. — А. Қодирий, Ўтган кунларҒофир бой ва қозиларга: Ҳой, бўрилар! Сўзларингдан қайт! Бўлмаса, ҳокимингга бормайман, мингбошингга ялинмайман, халққа арз қиламан, халққа! — Ҳамза, Бой ила хизматчи
- Арз сўрамоқ Арк — қадим Хоразм шоҳларининг арз сўрайдиган жойи. — Ж. Шарипов, Хоразм
- Куррайи арз Ер шари. Глобусни боболар Куррайи арз, дебдилар. Яшаган сайёрангни билмоқлик фарз, дебдилар. — А. Орипов
- Арзи Рум
- Арз-у само Ер билан осмон, бутун коинот.