Қидирув

от 1. Ўсимликларнинг ҳаводан озиқланиш ва газ алмашиниш учун хизмат қилувчи, одатда юпқа варақча шаклидаги асосий вегетатив аъзоларидан бири; барг.

Яшил япроқлар. Кузги япроқ. Гуллар япроқ чиқарди. Дарахт — япроғи билан кўркам, одам — меҳнати билан. — Мақол

Ҳадемай карнайгуллар ипларга чирмашиб, катта-катта япроқлар отди. — А. Қаҳҳор, Қўшчинор чироқлари

Куздан дарак берувчи сарғайган япроқлар ёʻл устида, ариқ бўйида ётарди. — Ж. Шарипов, Саодат

2. Бир бўлак юпқа нарса ҳақида.

Бир япроқ қази.

Ҳолвафуруш токчадаги қалин бир китобни очиб, унинг орасидан бир неча япроқ яп-янги, шалдироқ қоғоз олиб узатди. — Ойбек, Навоий

сфт. Япроғи бор, барглари ўсган.

от Япроқ сўзидан кичрайтириш шакли.

сфт. Баргсиз, новдалари яланғоч.

фл. 1. Барг чиқармоқ, япроқ ёзмоқ.

Баҳор келиб, дарахтлар япроқлай бошлади.

2. Юпқа-юпқа қилиб кесмоқ, парракламоқ.

Гўштни япроқламоқ. Япроқлаб кесмоқ.

У қазини ҳар япроқлаганда, пиёлани бўшатган кишининг оғзига ўзи солиб қўяди. — С. Аҳмад, Сайланма

Оқсоч рюмка билан унга керак бўладиган закуска [газак] ҳам олиб келди: япроқланиб, бетига шакар сепилган лимон, қовурилган хурмо мағзи. — Шуҳрат, Жаннат қидирганлар

фл. Япроқламоқ феълининг мажҳул нисбати.

от бот. айн. Баргизуб.

от айн. Ровоч.