Қидирув

от 1. кам қўлл. Кечириш, афв этиш.

Ёшликда ҳаммадан ҳам хатолик ўтади. Кичикдан — хато, каттадан — узр. — Ў. Ҳошимов, Қалбингга қулоқ сол

2. Бирон иш, хатти-ҳаракатни оқловчи нарса; сабаб, важ.

Ишлашдан қўрқишим тўғрисидаги узримни айтиб йиғладим. — Ғ. Ғулом, Тирилган мурда

Уйланиш сизга ҳам фарз, ҳам қарз. Бунга қолганда, албатта, бир узр кўрсатолмайсиз. — А. Қодирий, Ўтган кунлар

Молимизни ортган туякашлар шу саройга тайинланган эдилар. — Ҳар ҳолда, бу узр эмас! — А. Қодирий, Ўтган кунлар

3. Афв этиш, кечириш ҳақидаги илтимос; кечирим.

Ўтиб кетган, ҳозир ҳаммамизни ҳам хижолатга қўйган иш тўғрисида Фармонқул, узр тариқасида бўлса ҳам, гап очармикин, деб хавотирда эдим. — А. Қаҳҳор, Қўшчинор чироқлари

4. унд. с. Афв этинг, кечиринг маъноларида ишлатилади.

— Узр, сизни қўрқитиб юбордим, — деди Ғуломжон. — М. Исмоилий, Фарғона тонг отгунча

— Узр, айбга буюрмайсиз, — деди Нусратбек, олимни ишдан қолдираётганига ийманиб. — С. Нуров, Нарвон

(бош келишик билан) кўм. поет. Макон муносабатини билдиради; сиртида, устида ёки тепасида.

Ўрмонлар шувуллаган Олис юртда ҳали ҳам, Номсиз тепалик узра Ухлаб ётибди отам. — Э. Воҳидов

Адирдаги лолалар кўм-кўк майса узра чирой касб этган. — Газетадан

Кетмонни расмана ушлаб, боши узра баланд кўтарди. — С. Кароматов, Олтин қум

сфт. Кечирса бўладиган, сабаби бор, сабабли.

Бугун узрли иш чиқиб қолди: Шаҳардан божамиз совға-салом билан келган эди. — А. Қаҳҳор, Қўшчинор чироқлари

Одилжоннинг бошқа ҳар қандай хатти-ҳаракати, Саодатга кўрсатган марҳамати олдида кечиримли, узрли эди. Бироқ бу найранги тутадиган тутумга тўғри келмасди. — Ёшлик

сфт. Асосли сабаби бўлмаган; асоссиз, сабабсиз.

Узрсиз сабаб. Машғулотдан узрсиз қолмоқ.

от Кечирим сўраш ва афв этиш, кечириш; узр ва маъзур.

Узр-маъзур айтишмоқ.

Айб сизда бўлса, бир узр-маъзур кечаси қиламиз. — А. Қаҳҳор, Сароб

Куёви билан узр-маъзур қилиб олган Пошша хола кечга томон уйига қайтди-ю, кўча эшиги олдида асло кутмаган кишисига ёʻлиқди. — Д. Нурий, Осмон устуни

русчаизвинитьсяинглизчаapologize

ЧК БК + учун русчаизвиниться за ВП перед ТПинглизчаto present one's apologise to smb.немисчаentschuldigen A bei D

Илтимос, тоғангиздан (кимдан?) мен учун (ким учун?) узр сўраб қўйинг.

Извинитесь, пожалуйста, за меня (за кого?) перед дядей (перед кем?).

Please, present my (whose?) apologize to your uncle (whom...to?).

Entschuldigen Sie bitte mich (wen?) bei Ihrem Onkel (bei wem?).

русчабез уважительные причиныинглизчаinvalid reasons

ҳеч бир баҳона қолмаслик

от 1. эск. кт. Катта, улуғ.

Вазири бузрук Ислом-хўжа катта ишлар бошлаб юборди. — Ж. Шарипов, Хоразм

2. дин. Азиз, авлиё.

— Бузрукдан сўрайдиган тилакларингиз бор экан-да, — деди уста Олим ва кулди. — А. Қодирий, Ўтган кунлар

Ҳазрати Хизир, қирқ чилтон, жами бузруклар чодирнинг ичида ўтирибди. — Гулнорпари

3. ҳазил Туянинг лақаби.

4. (Б — катта) Шашмақом таркибидаги биринчи мақом номи.

сфт. 1. Улуғ, буюк.

— Умидимиз фақатгина бир бузруквор инсонда, — деди Абдулвоҳид ёстиқдан бош узиб, ингичка белига қўлларини тираб. — Ойбек, Нур қидириб

Рухсат этинг, бузруквор, ўша муборак омонатни муаззам манзилга етказишга биз ҳам уриниб кўрсак. — М. Мансуров, Ёмби

2. Улкан ҳурматга лойиқ, муҳтарам.

3. дин. Азиз авлиё; мулла.

Эй бувиш, кўнглингизда шундай бўлса, шу ерда бир бузруквор бор. — Нурали