Hayot Foundation loyihasi
Loyiha haqida
Oʻz
Oʻz

Qidiruv

«Sham» boʻyicha 124 ta natija

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik Frazeologik
Tildan
Oʻzbekcha Ruscha Inglizcha Qoraqalpoqcha Lotincha Turkcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Qozoqcha Turkmancha Turkcha Forscha

← Barcha natijalar

Lugʻat maqolalari

124 ta · 1-sahifa / 7
sham
Izohli lugʻat · yana 7 ta lugʻatda

ot 1. Toʻngadigan yoki quyuqlashgan yogʻdan oʻrtasiga pilik qoʻyib yasalgan tayoqchasimon chiroq.

Sham qoldigʻi. Shamni yoqmoq.

Qumri tokchadagi shamni oʻchirdi. Uy qorongʻilandi. — A. Qodiriy, Mehrobdan chayon

Tanish koshonaning behisob shamlar zoʻrgʻa yoritgan tor va uzun yoʻlaklari kimsasiz edi. — O. Yoqubov, Koʻhna dunyo

2. esk. fiz. Yorugʻlik kuchining oʻlchov birligi.

Kuchi yuz sham boʻlgan lampochka.

  • Sham puli Yormat bilan Gulsumbibi Gulnorning qabriga borishdi. Olib kelingan osh-nonni va sham pulini goʻrkovga topshirib qaytishdi — Oybek, Tanlangan asarlar
  • Shamday qotmoq 1. Oʻta sovqotmoq, toʻngmoq, muzlamoq. Masterskoy bitguncha, ochlikdan tirishib, sovuqda shamday qotadiganga oʻxshaymiz. — A. Muhiddin, HadyaSohib qorining hozirgi chimchilashi bir ozdan keyingi katta kaltakning shabadasi edi. Shuning uchun Xolida bisot sandigʻi oldida shamdek qotib qoldi. — I. Rahim, Chin muhabbat
  • Shami soʻnmoq (yoki oʻchmoq) Oʻzidan oldin qoʻllangan soʻz bildirgan narsaning nihoyasiga yetganini, tugaganini bildiradi. Hamid Olimjonning hayot shami kutilmagan bir paytda soʻndi. — N. Safarov, Olovli izlarUmiding shami oʻchib, yoʻllarda tolding. — Gʻayratiy
Toʻliq maqola →
shama
Izohli lugʻat · yana 6 ta lugʻatda

ot Damlab ichilgan choyning idish tagida choʻkib qolgan qismi.

Choynakka shama toʻlib qolibdi.

— Samovarchilik oʻlgudek mayda ish. Suv olib kel, oʻtin yor, ogʻiz-burning kulga toʻlib puflab, choʻp tiqib tur, piyola,art, shamani toʻk — dedi samovarchi. — Sh. Rizo, Qor yogʻdi, izlar bosildi

Rixsi bir qoʻlida shamasidan suv silqib yotgan choynakni ushlaganicha, titrab oʻrtada turardi. — S. Zunnunova, Gulxan

  • Shama qilmoq Shama tarzidagi (tag mazmunli) gap aytmoq. Ovqatdan keyin sekin shama qilib koʻrgan edim, Ha endi, ot bilan tuya boʻlardimi, deb qoldi. — T. Alimov, Jonim hiqildogʻimga keldiYoʻldosh avvaliga beparvogina tingladi. Keyin diqqat qilsa, Murzin nimagadir shama qilyapti. — Shuhrat, Shinelli yillar
Toʻliq maqola →
shams
Izohli lugʻat · yana 1 ta lugʻatda

ot 1. kt. ayn. Quyosh 1.

Bugun koinotda shams — podsho, qamar — vazirdir. — Oybek, Navoiy

2. Shams (erkaklar ismi).

Toʻliq maqola →
shamli
Izohli lugʻat · yana 1 ta lugʻatda

sft. 1. Shami bor; sham oʻrnatilgan.

Shamli quti.

2. fiz. Maʼlum sham kuchiga, yorugʻligiga teng.

Yuz shamli lampochka,

Toʻy koʻpaygandan beri Yolgʻizjonning bosh qashlashga qoʻli tegmay qoldi. Toʻyxonalarga, hovlilarga sim tortib, besh yuz shamli lampochkalar oʻrnatib berish uning ishi. — R. Rahmon, Mehr koʻzda

Toʻliq maqola →
shamol
Izohli lugʻat · yana 5 ta lugʻatda

ot Havoning yer sathi boʻylab (gorizontal) harakati.

Yoqimli shamol. Sovuq shamol. Qattiq shamol turdi. Tuyani shamol uchirsa, echkini osmonda koʻr. — Maqol

Shamol boʻlmasa, daraxtning uchi qimirlamaydi. — Maqol

Ochiq derazadan kirgan mayin shamol qizning ikki tola sochini boʻyniga, tomogʻining tagiga tegizib oʻynardi. — S. Ahmad, Bosh ogʻrigʻi

  • Koʻkragiga shamol tegmoq Tang holatdan qutulib, erkin, yengil sharoitga chiqmoq, erkin nafas oladigan boʻlmoq. Sharoitlar yaxshilanib, oddiy xalqning ham koʻkragiga shamol tegdi.
  • Shamolga uchmoq (yoki ketmoq) Behuda ketmoq, sarf boʻlmoq Ozgina yanglishsangiz ham, hamma qilganlaringiz shamolga uchadir. — A. Qodiriy, Oʻtgan kunlarSultonali qilgan harakatlarining shamolga ketganini xotirladi. — A. Qodiriy, Mehrobdan chayon
  • Shamolga qarshi tupurmoq Oʻziga zarar, yomon oqibat keltiradigan ishni qilmoq. Bu bola xonning qamchisidan hayiqmadi muttasil shamolga qarshi tupuradi. — S. Siyoyev, Avaz
  • Shamolni ravo koʻrmaydi Nihoyatda ehtiyot qiladi; ardoqlaydi, eʼzozlaydi. Otasi rahmatli, qariganimda koʻrgan bolam, deb shamolni ravo koʻrmagan bolasiga! — Sharq yulduzi
  • Qanday (yoki qaysi) shamol uchirdi? Qanday sabab, nimaning sharofati bilan tashrif buyurdingiz, keldingiz? Darvozani Nuriddinning xotini Halovat ochdi: — E, keling, Nabijon aka, qanday shamol uchirdi? — O. Husanov, DoʻstlarE, qadamlariga hasanot qaysi shamol uchirdi?! — Mushtum
Toʻliq maqola →
shamsa
Izohli lugʻat · yana 1 ta lugʻatda

ot Tarkibida quyosh tasviri boʻlgan gul yoki naqsh.

Uyning oltin rangli shamsasi, devorlardagi rango-rang naqshlar hislarni, zavqlarni qanotlantirar edi. — Oybek, Navoiy

Toʻliq maqola →
shamdon
Izohli lugʻat · yana 5 ta lugʻatda

ot Sham oʻrnatib qoʻyiladigan, metall, sopol, marmar va shu kabilardan qilingan moslama.

Katta shamdondagi shamlarni oʻchira boshladi.

Tilla shamdondagi pal-pal yonib turgan sham bilan oʻynashib turganday boʻlib, uxlabdi. — Ertaklar

Toʻliq maqola →
shamgin
Izohli lugʻat · yana 1 ta lugʻatda
  • Yuzi shamgin Joʻrabek bir yutinib oldi-da, boshini koʻtarib, shamgin yuz bilan gap boshladi. — S. Ahmad, Oydin kechalarUning jatiga kolxoz katta-kichiklari oldida Xolmirzaning yuzi shamgin boʻlib qoldi. — H. Nazir, Oʻtlar tutashgandaQarigan chogʻimda yuzimni shamgin qilding, yerga qaratding. — K. Yashin, Hamza
Toʻliq maqola →
shampan
Izohli lugʻat · yana 1 ta lugʻatda

ot s.t. ayn. Shampanskiy.

Stolga shampan vinosi, aroq, pivo, suv terib qoʻyilgan edi. — S. Nurov, Narvoy

Shampan tiqini paqillab otildi, dasturxonga vashillab vino oqdi. — Oʻ. Hoshimov, Qalbingga quloq sol

Toʻliq maqola →