ot 1. (astronomiyaga oid termin sifatida bosh harf bilan) Quyosh sistemasiga oid markaziy jism — oʻzidagi termoyadroviy reaksiyalar hisobiga yorugʻlik va issiqlik tarqatuvchi (chiqaruvchi) ulkan gazsimon shar shaklidagi yoritqich.
Yer Quyosh atrofida aylanadi. Quyoshning tutilishi.
Raketalar tufayli biz Quyosh sistemasini oʻzlashtirish imkoniyatiga ega boʻldik. — Fan va turmush
2. Shu jismdan taraluvchi nur, issiqlik.
Quyosh vannasi. Yoz quyoshida qoraymoq. Quyoshga tutmoq.
Murod quyosh yoyilganda turdi. — T. Ashurov, Oq ot
Uy, quyoshga teskari solinganligidan boʻlsa kerak, bir oz qorongʻiroq edi. S. — Zunnunova, Olov
Soldatlar qahqahlashib yuborishdi. Ayniqsa, qora qoshli, yuzlari quyoshda pishgan yigit silla-si qurib kulardi. — A. Ubaydullayev, Qonli izdan
3. koʻchma Nimaningdir hayot, yashash manbai, asosi hisoblanadigan, shunday deb qaraladigan narsa haqida.
Baxt-u iqbolim quyoshi chiqdi, koʻrsatdi jamol, Oʻzbekistonda qazildi zoʻr kanal, oqdi zilol. — Habibiy
4. Quyosh (erkaklar ismi).
- Quyosh batareyasi Yarimoʻtkazgichli foto-elementlarga asoslangan, quyosh radiatsiyasi energiyasini bevosita elektr energiyasiga aylantirib beradigan tok manbai. 2005 yil bizga grant asosida YUNESKO tomonidan quyosh batareyasi berishdi. — Gazetadan