Поиск

sft. 1. Qorongʻilik bosgan, qorongʻilikka choʻmgan, ziyodan, nurdan mahrum boʻlgan; zid. yorugʻ.

Qorongʻi kecha. Qorongʻi uy.

Uzun, qorongʻi yoʻlakdan chiqqach, Unsin toʻxtadi. — Oybek, Tanlangan asarlar

Darcha ochilishi bilan qorongʻi hujraga sovuq yopirilib kirdi. — M. Ismoiliy, Fargʻona tong otguncha

Uyning ichi qorongʻi. Hamma shirin uyquda. — Yoshlik

2. ot Yorugʻlik, ziyo boʻlmagan payt, holat; qorongʻilik, zimiston.

Tun qorongʻisi. Tong qorongʻisi. Qorongʻi tushdi.

Oy hali chiqmagan, faqat uning zaif nuri qorongʻidan qoʻrqqandek yilt-yilt etib ketadi. — M. Ismoiliy, Fargʻona tong otguncha

Yormat qorongʻida yiqilib-surilib, ellikboshining uyiga keldi. — Oybek, Tanlangan asarlar

3. koʻchma Aniq emas; noaniq, nomaʼlum.

Suhbat kim haqida va nima haqida borganligi qorongʻi. — Sh. Rashidov, Boʻrondan kuchli

Lekin bizga komissiya nimalarga asoslanib shu fikrga kelganligi qorongʻi boʻlib qoldi. — S. Zunnunova, Olov

4. koʻchma Noaniq va yoqimsiz, boʻlmagʻur.

Kechqurun Gulnor oʻz uyiga qaytarkan, yoʻl-yoʻlakay hasratda yonib, qorongʻi xayollarga chulgʻandi — Oybek, Tanlangan asarlar

— Inim, — dedi Abdukarim aka Botiralining qoʻlini qoʻyib yubormasdan, — boʻlisimizning qorongʻi ishlari koʻp. — H. Gʻulom, Mashʼal

5. koʻchma Roʻshnolik, yaxshilikdan xoli; zid. yorugʻ.

Dunyo shunday yasalgan ekan, bolam. Birovga yorugʻ, birovga qorongʻi. — Oybek, Tanlangan asarlar

Qahramonlar bir-biriga yetishishni, qorongʻi yurtimizni ilm chirogʻi bilan yoritish yoʻlida birga ishlashni orzu qiladilar. — Gazetadan

ot Qorongʻi holat (toʻgʻri va koʻchma maʼnolarda).

Tunning qorongʻiligi. Masalaning qorongʻiligi. Qorongʻilikda toʻqnashmoq.

Koʻzi qorongʻilikka koʻnikkandan keyin, oxur yonidagi sigirni, ola buzoqni koʻrdi. — Oʻ. Hoshimov, Qalbingga quloq sol

Kech kirib, qorongʻilik tushganda, Huroyim koʻzini ochib qaradi. — Rustamxon

Hasan ovchining koʻnglini qorongʻilik qopladi. — Sh. Toshmatov, Erk qushi

Xalq yana qorongʻilikda qolaveradi. Bizni yana yuz yil orqaga tortishmoqchi. — Mirmuhsin, Chodrali ayol

fl. kam qoʻll. Qorongʻilik tushmoq, qorongʻi boʻla boshlamoq; qorongʻilashmoq.

Endi kech boʻldi, kun qorongʻilab qoldi.

fl. Qorongʻilamoq feʼlining majhul nisbati.

fl. Qorongʻilamoq feʼlining orttirma nisbati.

fl. 1. Qorongʻilik choʻkmoq, tushmoq; qorongʻi holat yuzaga kelmoq.

Oqshom tushib, tashqari qorongʻilashib qolgan, gupullatib yirik-yirik qor yogʻardi. — Gazetadan

Uch quloch ilgarilash bilan ungur ichi ancha qorongʻilashdi. — M. Ismoiliy, Fargʻona tong otguncha

Koʻkda sayohat qilib yurgan oy bulutlar ortida qoldi. Butun oʻrmon va keng dalalar qorongʻilashdi. — I. Rahim, Chin muhabbat

2. koʻchma Noaniqlashmoq, xiralashmoq; chigallashmoq (maʼno, tushuncha va shu kabilar haqida).

Masala oydinlashmadi, balki yanada qorongʻilashdi.

Bahorning fikri qorongʻilashdi-yu, koʻz oldini tuman chulgʻadi. — Sh. Rashidov, Qudratli toʻlqin

fl. Qorongʻilashmoq feʼlining orttirma nisbati.

fl. Qorongʻilashtirmoq feʼlining majhul nisbati.

yarım qarańğı.

sft. Qorongʻi soʻzining kuchaytirish shakli.

U [mingboshi] avaxta eshigiga kelib, tirqishidan qaradi. U yer qop-qorongʻi edi. — M. Ismoiliy, Fargʻona tong otguncha

Qop-qorongʻi uzun yoʻlakdan oʻtib, tashqari hovliga chiqiladi. — Oybek, Tanlangan asarlar

погов.ирон. ≈ рыбак рыбака видит издалека.

погов.ирон. (букв. слепой (узнает) слепого и в темноте), ≈ рыбак рыбака видит издалека.

У месяца одна половина темная, а другая половина — светлая., Жизнь, как луна: то полная, то на ущербе., Темна ноченька белу свету покорлива., Сегодняшний день не без завтрашнего., Темна ночь не навек.

— Sabot qiling, birodar. Zero, barcha mustabid shohlarning kuchi qilichida boʻlsa, ahli donishlarning iqtidori shundakim,— ular zulmatdan soʻng oftob chiqishini biladir. Oyning yarmi qorongʻi boʻlsa, yarmi yorugʻdir. Faqat bu oftobni sabot bilan kuta bilmoq kerakdur. — Будьте твердым, товарищ. Если сила тиранов-шахов в их саблях, то могущество людей науки в том, что они знают о неизбежности восхода солнца после кромешной тьмы. Хотя пятнадцать дней месяца и темны, зато вторые пятнадцать — светлы. Только надо уметь терпеливо ожидать это солнце. — О. Ёқубов, Улуғбек хазинаси.

погов. ≈ у каждой горести есть две радости, ≈ нет худа без добра.

sft. Yarim qorongʻi, unchalik yorugʻ ham, qorongʻi ham emas.

Erkin nimqorongʻi, zax xonaga ham, sukunatga ham asta koʻnika boshladi. — T. Malik,Iblis devori.

a dark, scantily lit

rvsh. Boshqorongʻilik holatida boʻlgan, shu holatni kechirayotgan; homilador.

Bu soʻz unga [xotiniga] qanday taʼsir qilganini faqat boshqorongʻi xotingina biladi. — A. Qahhor, Asarlar

kechasi tushiga kiribdi: xotin olgan emish, xotini shaftoliga boshqorongʻi boʻlgan emish. — A. Qahhor, Asarlar

ot Yarim qorongʻi, unchalik yorugʻ qorongʻi ham emas.

Erkin nimqorongʻi, zax xonaga ham koʻnika boshladi. — T. Malik Iblis devori