Hayot Foundation лойиҳаси
Лойиҳа ҳақида
Ўз
Ўз

Қидирув

«ҚЎЛТИҚ» бўйича 11 та натижа

Филтр
Бўлим
Луғатлар Эртаклар Шевалар
Луғат тури
Изоҳли Таржима
Тилга
Русча Инглизча Қорақалпоқча Немисча Туркча

← Барча натижалар

Луғат мақолалари

11 та
қўлтиқ
Изоҳли луғат · яна 5 та луғатда

от 1. Қўлнинг елка билан туташган ерида ҳосил бўлган бурчак, қўл ости.

Қўлтиғи терлайдиган одам.

Бир қўлтиққа икки тарвуз сиғмас. — Мақол

Қиз сумкасини қўлтиғига суқиб, ичкаридан чиқди. — С. Аҳмад, Мўтти

У далани айланганда, қўлтиғидан эски сариқ чарм папкасини қўймасди. — Ҳ. Назир, Сўнмас чақмоқлар

Кейин ўғлининг қўлтиғидан олиб, бир четга тортди: — Булар билан тенг бўлманг, ўғлим. — М. Исмоилий, Фарғона тонг отгунча

Мен дарров қўлтиғидан кўтариб, устидаги чанг-тўзонларни қоққан бўлдим. — Ойдин, Болалик уйда ғийбат ёʻқ

2. Кийимнинг шу жойга тўғри келадиган, шу жойни беркитиб турадиган қисми.

Кўйлакнинг қўлтиғи. Палтонинг қўлтиғи. Тўннинг қўлтиғи сўкилибди.

  • Қўлтиғига кирмоқ 1. Қўллаб-қувватламоқ, ёрдам бермоқ. Касал бўлиб қолсам, нима бўлади? Қўлтиғимга ким киради? Акам бўлмаса, укам бўлмаса. — А. Қаҳҳор, Қўшчинор чироқлари[Олахўжа:] Энди, бу билан ҳазил қилма, каттароғини ака де, қўлтиғига кир, кичикроғини ука де, деб ўргатадиган бўлди. — П. Турсун, Ўқитувчи
  • Қўлтиғига сув пуркамоқ Бировга қарши оёқлантирмоқ, гижгижламоқ. Эшоннинг хотинини кимдир тезлаяпти, кимлардир қўлтиғига сув пуркаяпти. — С. Аҳмад, Ҳукм
  • Қўлтиғидан кўтармоқ (ёки суямоқ) Қўллаб-қувватламоқ, ёрдам бермоқ. Тағин мен, Бобоқулнинг ўғли, қўлтиғидан суяйдиган азамат бўлиб қолибди, деб қувониб юрибман-а! — С. Анорбоев, Оқсой
  • Тарвузи қултиғидан тушмоқ
Тўлиқ мақола →
қўлтиқламоқ
Изоҳли луғат · яна 5 та луғатда

фл. 1. Қўлтиғига қисиб тутмоқ, қўлтиғига жойлаб кўтармоқ, қўлтиққа урмоқ.

Роҳила плакатларни қўлтиқлаб, секин нари кетди. — С. Зуннунова, Гулхан

Бозоров тугунчасини қўлтиқлаб, тебраниб, машинага интилди. — И. Раҳим, Чин муҳаббат

2. Бирга юриш ёки суяб ёрдам бериш мақсадида бировнинг қўлтиғидан, юқори билагидан тутмоқ.

Фотима билан Сора рус тилидан таълим берган Антонина Анатолевнани икки томондан қўлтиқлаб, энг олдинда, жадал борадилар. — П. Турсун, Ўқитувчи

[Ёʻлчи] Чиройли саман отнинг жиловини тутиб, эгасини қўлтиқлаб, ерга туширди. — Ойбек, Танланган асарлар

Ота-бола уни қўлтиқлаб кўтардилар. — А. Мухтор, Қорақалпоқ қиссаси

3. кўчма Моддий ёки маънавий ёрдам бермоқ, кўмаклашмоқ, қўллаб-қувватламоқ.

  • Ўпкасини қўлтиқламоқ
Тўлиқ мақола →
қўлтиқтаёқ
Изоҳли луғат · яна 5 та луғатда

от 1. Оёғи хаста ёки ногирон кишилар қўлтиғига тираб, таяниб юрадиган, юқори қисми қўлтиққа қўйиш учун мосланган махсус ҳасса.

Қўлтиқтаёқ билан юрмоқ.

Икромжон судралиб бориб, қўлтиқтаёғини олди-да, чайқала-чайқала олдинга кетаверди. — С. Аҳмад, Уфқ

2. кўчма Суянчиқ, таянчиқ; ҳимоячи.

Бировга қўлтиқтаёқ бўлмоқ.

Тўлиқ мақола →
қўлтиқбардор

от 1. кам қўлл. Ногирон, бетоб ёки шикаст топган кишини қўлтиқлаб, суяб олган киши.

2. кўчма Ёрдамчи, қўллаб-қувватловчи одам.

Бу кишининг қўлтиқбардорлари бир қишлоқи муллавачча эди. — М. Муҳаммаджонов, Турмуш уринишлари

Тўлиқ мақола →
қўлтиқлатмоқ
  • Қўлтиқламоқ 1, 2 феълининг орттирма нисбати. Ҳудайчи бир йигитга тўн қўлтиқлатиб мудофелар ёнига чиқди. — А. Қодирий, Ўтган кунларМенга чўтни қўлтиқлатиб олдилар, орқаларидан эргашиб юрдим. — Ғ. Ғулом, Шум бола
Тўлиқ мақола →