Qidiruv

ot 1. Oʻsimlikning shoxlarini, barg, gul va mevasini koʻtarib turadigan, tik oʻsadigan yer usti qismi.

Joʻxori poyasi. Sholi poyasi.

Bugʻlanib ketgan deraza ortida qamish tomdan sizib tushayotgan tomchilar koʻrinib qolar, hovli etagidagi makkajoʻxori poyalari yomgʻirdan junjikib egilgan. — Oʻ. Hoshimov, Qalbingga quloq sol

Bugʻdoy qip-qizarib pishgan, poyalarigacha qovdek qovurilgan edi. — S. Ayniy, Qullar

2. Ishkom yoki soʻrining bagʻazlar mahkamlanadigan yogʻochi.

Bogʻda sakkiz uzun ishkom: hammasining poyalari yaxshi ishlangan, pushtalari chopilgan. — Oybek, Tanlangan asarlar

Koʻprikning nariyogʻida, ishkomga poyasi kesib olingan keksa tol yonida Dildor bilan Aʼzamjon turardi. — S. Ahmad, Ufq

Bultur ellik kishi borgan edi. Hammasi xursand ekan, tollari poyaga yarab qoldi. — H. Gʻulom, Feruza

3. Oyoq, pocha.

Karavot poyasi.

4. Ustun.

Ruzvon xola asta yurib kelib, Onaxonning qarshisidagi doʻkon poyasiga suyandi. — A. Muxtor, Opa-singillar

5. shv. ayn. Pocha 1.

Bir nechalar ketar qochib, Botir yurar jardan kechib, Ostidagi mingan oti Poyasidan qonni kechib. — Murodxon

6. Zambil, tobut kabilarning tutqichi, dastasi.

Koʻzlari qizargan odamlar navbat bilan tobutning poyasini yelkalariga qoʻyib, tez-tez qadam tashlab ketmoqdalar. — M. Osim, Karvon yoʻllarida

7. Pogʻona, pillapoya.

Oʻrtasi dahliz bilan ajralgan ikki xona bor, roʻparada boloxonaga chiqadigan yogʻoch zinaning baʼzi poyalari tushib ketgan, oʻzi lopillardi. — Mirmuhsin, Umid

8. koʻchma Pogʻona, daraja, bosqich.

[Navoiyning] Davlatda yuqori poyaga koʻtarilishi xabari uni [Sultonmurodni] samimiy quvontirdi. — Oybek, Navoiy

Tarbiyalab, yetishtirdi voyaga, Topdi shuhrat, chiqdi buyuk poyaga. — Habibiy

9. Baʼzi oʻsimliklarning nomi bilan birikib, ular ekilgan yer, maydon maʼnosini ifodalovchi qoʻshma soʻz yasaydi, masalan: sholipoya, bedapoya.

ot 1. geogr. Yer shari yuzasining yonma-yon joylashgan parallellar yoki ikki meridian oraligʻidagi, maʼlum belgilarga qarab ajratilgan qismi.

Meridianlar Yer yuzini 24 poyasga boʻladi. Vaqtning poyas hisobi. Poyas vaqti.

2. Yer shari yuzasining meridianlar bilan ajratilgan, tabiiy-iqlimiy sharoitlari bir xil qismi; mintaqa.

Moʻtadil poyas. Issiq poyas,

Bu joy juda koʻp issiqlik oladi va shuning uchun issiq poyas deb ataladi. — Geografiya

3. iqt. Mamlakatning maʼlum iqtisodiy belgilariga koʻra ajratilgan qismi.

Tarif poyasi. Poyas narxlari.

ot etn. tar. Chilim koʻtarib yurib, kashandalarga chektirib tirikchilik qilgan kishi.

U vaqtlarda bozorlarda baʼzi kishilar chilim koʻtarib yurar, chekuvchilarga chektirib, biror narsa olardilar. Bunday odamlarni poyaki der edilar. — S. Ayniy, Esdaliklar

Olma otdim poyakining qizina, Borib tegdi yuragining koʻzina. — Qoʻshiqlar

ot Oyoq kiyimi.

Yozlik poyabzal. Sport poyabzali. Poyabzal magazini.

Ochil Sharopov oʻgirilib, poygakdagi poyabzallar ichidan bir poy kavushni olib koʻrsatdi. — Sh. Xolmirzayev, Soʻnmas oʻt

Teridan boʻlgan poyabzalga haftada ikki marta krem surtish shart. — Saodat

ot 1. Alohida hurmatga sazovor kishini yoki kelin, kuyovni kutib olish uchun uning yoʻliga, oyogʻi ostiga solingan yoki solinadigan gilam, palos yoki mato.

Yoʻllariga poyandoz solmoq.

Xayribibi bilagiga tashlab chiqqan oq krepdeshin poyandozni kelin oyogʻi ostiga yozib, qoʻyarda-qoʻymay uni bostirdi, patnisdagi qand-qursni boshidan sochib yubordi. — D. Nuriy, Osmon ustuni

U [qiz] onalikka uzatilgan kun xotirida bir umr qolsin deb, toʻy-tomoshalar qildilar, yoʻliga poyandoz soldilar. — H. Ahmar, Yakkama-yakka

2. Umuman, polga toʻshalgan gilam, palos.

Toshpoʻlatov poyandoz solingan uzun kori-dordan bamaylixotir kirib borar ekan, oyoq sharpasini eshitib, ichkaridan Xosiyat xola chiqib qoldi. — R. Fayziy, Choʻlga bahor keldi

Sulton piyoladagi choyni jahl bilan gilam poyandozga sepib yubordi. — E. Usmonov, Yolqin

3. shv. Koʻrpacha.

páyekshi-lik

ot Poyabzal sanoati xodimi, ishchisi.

koʻpchilik poyabzalchilarimiz bir qarashdayoq Toshkent yoki Frunzeda tayyorlangan charmning farqiga borishadi. — Gazetadan

koʻchma Pogʻonama-pogʻona, bosqichma-bosqich.

Yulduzlarga boʻldim hamsoya, Chiqdim koʻkka poyama-poya. — M. Shayxzoda, Chorak asr devoni

Yillar oʻtaverib poyama-poya, Yillar — umidlarga otashin charogʻ. — A. Oripov, Yillar armoni

etik tigiwshilik

Обувная промышленность

n toddling (early walking of a child)

• teta-poya qilmoq toddle

надсемядольное колено

fl. Teta-poya boʻlmoq feʼlining birgalik nisbati.

fl. Teta-poya qilmoq feʼlining birgalik nisbati.

ot Yamoqchi ustalarning uchi qayrilgan temir asbobi.

ot 1. Toʻgʻon, damba qurishda, daryo va anhorlarning qirgʻoqlarini suv yuvib ketishidan saqlashda ishlatiladigan, uchta xodani uchburchak shaklida bir-biriga mahkamlab, poyalar orasi xarsangtosh va boshqalar materiallar bilan toʻlgʻaziladigan moslama.

Sepoyachilar daryoning oʻrtasiga sepoyalar oʻrnatdilar. — Sh. Rashidov, Qudratli toʻlqin

Koʻprik xiyla uzun boʻlganligi uchun uch-toʻrt joyida tagidan qoʻyilgan zoʻr sepoya tirgaklari bor edi. — P. Qodirov, Yulduzli tunlar

2. Biror narsa osish, ilish uchun moʻljallangan uch oyoqli asbob.

Sepoya ostida chimdib dimogʻni, Chelakda pishadi antiqa shoʻrva. — M. Ikrom, Baliqovida

3. shv. Novdadan uchburchak shaklida toʻqilgan chambarak.

U savat, (ichida) goʻsht bor. Yonidagi sepoyada sut, qatiq — S. Nurov, Narvon

ot Joʻxori va shu kabilar ayrim oʻsimliklarning juda pishib (qurib) ketmagan, mollarga ozuqa sifatida beriladigan mahsuli, poyasi.

Makkajoʻxori ular yerining mijoziga toʻgʻri kelmagani sababli, gektaridan 130 sentnerdan koʻkpoya olingan emish. — Mushtum

ot 1. Arpa ekilgan yer, maydon.

2. Arpa oʻsimligining poyasi.

ot ayn. Bedazor.

Namozshomda bedapoyaga yolgʻiz bordim. — M. Xidir, Qirgʻoqlar

Nusratbek ariqdan sakrab, bedapoyaga oʻtdi. Engashib, bir tutam yoʻngʻichqa yuldi. — S. Nurov, Narvoy

ot Ochiq havoda oʻtirishga, yotishga moʻljallangan, toʻrt oyoqli va panjarali katta keng yogʻoch karavot, soʻri.

Xola ayvondagi chorpoyaga koʻrpacha toʻshab, choy damlab keldi. — S. Nurov, Maysalarni ayoz urmaydi

Qizlar chorpoyaga chiqib, koʻrpachaga oʻtirgach, Rajabboy Sattorni oʻchoq boshiga chaqirdi. — Oʻ.Usmonov, Qismat