Қидирув

от 1. Қовун, бодринг каби ўсимликларнинг ерда ёйилиб ўсадиган тана, шох ва барглари.

Қовун палак отибди. Палак ёзган тарвуз.

Домлаларни чой ва дастурхон тайёр бўлгунча овутиб туриш учун мулла Обид палакдан уч-тўртта қовун узиб чиқади. — А. Қодирий, Обид кетмон

Ишком ва шафтолилар участка четидаги қовун-тарвуз палаклари устидан ўз сояларини йиғиб олмоқда эди. — П. Қодиров, Уч илдиз

2. Палак отмоқ Илдиз отмоқ, авж олмоқ; кўпаймоқ, мустаҳкамланмоқ.

Натижада ВИИИ—ИХ асрлардан бошлаб Термизда сайидлар авлоди палак отиб, машҳур бўлиб кетди. — Фан ва турмуш

Чунки бу ерда расмиятчилик палак отган: мендан кетгунча, эгасига етгунча, қабилида иш тутилмоқда. — Газетадан

3. Туп қўйиб, палак отмоқ Мустаҳкам ўрнашиб, мартабаси ошмоқ; бола-чақали бўлиб кетмоқ.

Стансиядаги мўтадил ҳаво секин-аста Салимжонни аввал доцент, кейин профессор қилиб, туп қўйиб, палак оттира бошлади. — Мирмуҳсин, Умид

Қайтиш бизнинг қисматимизда бўлмаса, сизларда бордир. Зурриётимиз ота юртда туп қўйиб, палак оца, минг бор шукр қиламиз. — Ёшлик

от Қуш кўринишга эга бўлган афсонавий учар от.

Тўрт қиз палак-қушга миниб, тўққиз кеча-кундузда Чамбилга етдилар. — Зулфизар билан Авазхон

от Икки жуфт оқ, кулранг ёки ранг-баранг қанотли нозик ҳашарот.

Капалак гулни соғинар, булбул — куйни. — Мақол

Райҳонлар қад кўтариб, ҳид сочди, бирин-кетин очилган ранг-баранг гуллар усти-да капалаклар қанот қоқа бошлади. — А. Қаҳҳор, Қўшчинор чироқлари

от Ўсимликларнинг баргларига оқиш доғлар тушириб, сўлдирадиган ва қуритадиган касаллик (вилт касалининг бир хили).

— Олимлар оқпалакка чидамли нав топишди-ку! — гапга аралашди талаффузи ширинроқ йигит. — С. Нуров, Нарвон

Оқпалак бўлаёзган пахтани ўғит сепиш билан соғайтириш мумкин. С. — Айний, Қуллар

от 1. Бодринг, қовун, ғўза сингари ўсимликларда тўртинчи барг чиқарган ниҳол.

Ғўзалар чорпалак бўлиб қолди.

2. Шундай ниҳоллар чиқариш даври.

от 1. Сув кучи билан айланиб, катта ариқдан юқорига сув чиқарадиган энг қадимий қурилма; чиғир.

Кеч енгил шабадада барглар аста шилдирар, бу майин сас ялқовланиб айланаётган чарх-палакнинг ғирч-ғирчига қўшилиб кетарди. — Й. Шамшаров, Тошқин

Чархпалак чуқурсой тубидан сув олиб, теваракка жон бахш этмоқда. — Ж. Абдуллахонов, Орият

2. Маданият-истироҳат боғларига, болалар майдонларига ўрнатиладиган, бир нечта кажаваси бўлган, горизонтал ўқ атрофида электр қуввати ёрдамида айланувчи катта ғилдирак тарзидаги кўнгилочар иншоот.

[Қиз] Қийқириб кулар, тезликни писанд қилмас, чархпалак яна ўн марта тезроқ чарх урса ҳам, унга камлик қиладигандек эди. — А. Мухтор, Давр менинг тақдиримда

от Қўлқанотли сутемизувчиларга мансуб, тунда фаол ҳаёт кечирувчи, кўзи яхши кўрмайдиган, эшитиш аъзоси ривожланган жонивор.

Қоронғи сомонхона, молхоналарнинг шифтида яшириниб ётган кўршапалакларгина энди яйрашар, учишар, пашша овлашар эди. — С. Анорбоев, Оқсой

от Сирти сертўр, ўзи этдор, ўртапишар қовун нави.

Маҳмуд яқиндаги полиздан битта шакарпалак узиб чиқиб, ерга қўйди-да, Ширмонхоннинг етиб келишини кутиб турди. — С. Зуннунова, Олов

Шакарпалак қовунлар, зилол бодринглар қуёш нурининг, тупроқнинг ажойиб неъматлари эмасми! — Э. Охунова, Қуёш — ошпаз

Меҳрибонлик ёки хушомадгўйлик билан атрофида айланмоқ.PERVANE OLMAK

вампиры