Qidiruv

Object Query Language Obyektga yoʻnaltirilgan soʻrovlar tili.

sft. Oʻqi bor; oʻq joylanadigan; oʻqlangan.

Oʻqli miltiq. Yetti oʻqli toʻpponcha.

ot Oq xususiyatiga egalik.

Qorning oqligi. Sochning oqligi. Koʻngilning oqligi.

Otabek bilan Oʻtabboy qushbegi Qoʻqonga chaqiriladilar-da, soʻroqdan soʻng yana oqlikka chiqadilar. — A. Qodiriy, Oʻtgan kunlar

ot 1. Sut va sutdan tayyorlanadigan mahsulotlar (qatiq, qaymoq va shu kabilar).

Agar boʻlsa oqligʻing, bilinmaydi yoʻqligʻing. — Maqol

Echki boʻlsa hamki, bola-chaqaga oqlik oʻzimizdan chiqib turgan edi, goʻsht-poʻshtini olib, bitta sogʻin echki bersanglar. — S. Ahmad, Hukm

Anchadan beri oqliq koʻrmagan farzandlarimning sutni nihoyatda ishtaha va ishtiyoq bilan icha-yotganini koʻrib, oʻpkam toʻlib yigʻlab yubordim. — Gazetadan

2. Pishirilgan sutni ivitish (qatiq qilish) uchun unga solinadigan ozgina qatiq; tomizgʻi.

— Hozir sut soqqandirsiz, axir. — Sogʻdim Pishirib, oqliq solib qoʻygan edim. — A. Qahhor, Sarob

3. etn . Toʻyga rozilik belgisi sifatida sovchilarga sovgʻa qilinadigan oq yoki ochiq, och rangli gazlama, roʻmol, kiyim-kechak.

[Eshon] Qoʻynidagi bir kiyim chitni Surxonboyning oldiga qoʻydi-da, gap boshladi: — Mana bu xamir uchidan patir, hojim Oqliq Quda boʻlmoqchimiz. — I. Rahim, Taqdir

4. etn. Koʻmish marosimiga, azaga kelganlarga boʻlib beriladigan roʻmolchabop gazlama; yirtish.

Oqliq yirtish.

5. etn. Kafan, kafanlik.

Abdurahmonboy Olimjonni boyligiga sohib qilib, oʻzi ikki gazlikkina oqlikka ega boʻlib, hovli-joylarini tashlab, bir boʻygina chuqurgacha kirib, bedom-u darak ketdi. — Hamza, Tanlangan asarlar

ot ayn. Oʻqlogʻi.

— Oyim qoʻlidagi xamir yoyib oʻtirgan oʻqlov bilan boshimga astagina urdi, — dedi Shum bola. — Gʻ. Gʻulom, Shum bola

ot Oshxamir yoyish uchun ishlatiladigan uzun silliq tayoqcha.

Men bu boqqa faqat bir kinnachi sifatida kirgan edimki, buzoq yoʻqotgan egachim oʻqlogʻi koʻtarib qarshiladi. — A. Qodiriy, Kichik asarlar

fl. 1. Ohak, boʻr kabi oq tusga kirituvchi narsalar bilan boʻyamoq.

Devorni oqlamoq. Uyni oqlamoq.

Daraxtlarning tanasini oqlab yurgan chol yengi bilan peshonasini arta turib, shiyponga qarab qichqirdi: Hoy Komiljon! — S. Zunnunova, Olov

2. Ovqatga qatiq qoʻshmoq, qatiqlamoq.

Moshxoʻrdani oqlamoq.

Oyxon qoʻshquloqqa qatiq ivitib qoʻygan ekan, mastavani oqlab ichdilar. — A. Muxtor, Kumush tola

3. Choyga sut aralashtirmoq.

[Qutidor:] Toʻybeka, Kumushning choyini oqlab ber-chi. — A. Qodiriy, Oʻtgan kunlar

4. maxs. Metall narsalarning sirtiga qalay yugurtirmoq.

Mis qozonni oqlamoq.

5. Donni, gʻallani tuyib, poʻstini ajratmoq, tozalamoq.

Oʻrta yashar xotin koʻylak yenglarini bilagigacha shimarib, toʻq-toʻq qilib, kelida sholi oqlaydi. — S. Ahmad, Ufq

Kuyovingiz objuvozda sholi oqlayapti. Tinch-omonlik, otasi. — H. Gʻulom, Mashʼal

6. koʻchma Biror kishining gunohsiz ekanligini tasdiqlamoq, kimsani aybdor emas deb topmoq.

Sud gunohsizlarni oqladi.

[Hamida:] Men qizni oqlab, butun gunohni uning xoʻjayiniga, yosh qizni bu qadar berahm ekspluatatsiya qilgan kishiga qoʻymoqchiman. — A. Qahhor, Adabiyot muallimi

Qodir Nabigulga Holingga voy deganday qilib qaradi. Buni Nabigul fahmlab, oʻzini oqlashga kirishdi. — A. Qahhor, Qanotsiz chittak

7. Biror harakat yoki holatning toʻgʻriligini tasdiqlamoq, haq, toʻgʻri deb topmoq.

Qiziga boʻlgan gʻazabini yuragi oqlasa, aqli qoralardi. — Sh. Rashidov, Boʻrondan kuchli

Qiz-juvonlarimizning egnidagi gʻalati-gʻalati kiyimlar haqida gap borganda, ularni nima deb oqlashni ham bilmaysan kishi. — Gazetadan

fl. Oqlamoq feʼlining majhul nisbati.

Aybdor oqlandi.

Ehtimol, haqiqiy oʻgʻri ushlanib, Himmat ham oqlanib chiqar. — Shuhrat, Umr pogʻonalari

Quyosh nuri oppoq oqlangan devorlarda koʻzni tindiruvchi yolqin bilan jimirlar edi. — P. Tursun, Oʻqituvchi

fl. Oqlamoq feʼlining orttirma nisbati.

ot 1. Oqlamoq feʼlidan sifatdosh.

Uy oqlovchi. Sholi oqlovchi.

2. huq . Sudda biror kishi yoki tarafni himoya qiluvchi yurist, advokat.

Qoralovchi gapirib, oqlovchi gapirib, Oliyaning oʻzi oxirgi soʻzdan kechib, sud hayʼati qamoq muddatini eʼlon qildi. — M. M. Doʻst, Lolazor

[Oripov:] Durust, durust Aslida-ku qoralovchibop kishisiz-u, oqlovchi boʻlib, bekorga umringiz oʻtyapti-da! Z. Said, N. — Safarov, Tarix tilga kirdi

fl. Oqlamoq feʼlining birgalik nisbati.

fl. Oqlatmoq feʼlining majhul nisbati.

fl. Oqlanmoq feʼlining birgalik nisbati.

fl. Oqlatmoq feʼlining orttirma nisbati.

ruschaоправдательный приговорinglizchaverdict on the acquittal, verdict of “not guilty”

n yur. acquitted person

ruschaоправданныйinglizchaacquitted

n yur. authentic proof

ruschaоправдательные документыinglizchasource document