Hayot Foundation лойиҳаси
Лойиҳа ҳақида
Ўз
Ўз

Қидирув

«Мирам» бўйича 41 та натижа

Филтр
Бўлим
Луғатлар Эртаклар
Луғат тури
Изоҳли Таржима Терминологик Фразеологик
Тилдан
Ўзбекча Русча Инглизча Немисча Лотинча Туркча
Тилга
Ўзбекча Русча Инглизча Қорақалпоқча Немисча Лотинча Туркча

← Барча натижалар

Луғат мақолалари

41 та · 1-саҳифа / 3
мир
Изоҳли луғат · яна 3 та луғатда

от 1. Ҳоким, ҳукмдор (пайғамбар авлодларининг унвони).

Мир Алишер.

2. Баъзи эркаклар исмининг таркибига киради, масалан

Миртемир. Мирали, Мирғиёс.

Тўлиқ мақола →
мири
Изоҳли луғат · яна 1 та луғатда

тар. Беш тийинли чақа, беш тийин.

Бир мири ҳаён, уч мири зиён. — Мақол

Дунёники мири кам икки. — Мақол

Домла уч мири пул ё битта қатлама келтириб қўйганга сира индамайдилар. — П. Турсун, Ўқитувчи

  • Миридан-сиригача Муфассал равишда, майда-чуйдасигача, батафсил. Зиёдиллага бу ҳунар ёқиб тушган, уни миридан-сиригача эгаллаб олиш учун бутун кучи, зеҳнини ишга солган эди. — Ҳ. Назир, Ўтлар туташганда
  • Миридан сирини айирмоқ (ёки ажратмоқ) Муфассал равишда, майда-чуйдасигача текширмоқ.
Тўлиқ мақола →
мироб
Изоҳли луғат · яна 4 та луғатда

от 1. Сув тақсимоти ва суғориш тармоқларини назорат қилувчи шахс.

Отанг мироб бўлгунча, даланг қулоқнинг бошида бўлсин, деганлар. — С. Нуров, Майсаларни аёз урмайди

2. с. т. Суғориш ишларини бажарувчи шахс; сувчи.

Ана, миришкор мироб, суғорар ғўзасини — Ю. Ҳамдам

Эгатлар аралаб миробми, кимдир Якка оёқ ёʻлдан қайтади ёлғиз. — Ғайратий

Тўлиқ мақола →
мирза
Изоҳли луғат · яна 2 та луғатда

от 1. тар. Ёзув-чизув ишларини олиб борган лавозимли киши; котиб.

Амлокдорнинг мирзаси белига суқилган қаламдонини очиб, қаламини қўлига олди. — С. Айний, Қуллар

2. кўчма Саводли, ўқимишли одам.

3. эск. Юқори табақаларга мансуб киши; жаноб.

Мен чўриман, сиз мирзасиз, беквачча! — Гўрўғли

4. Мирза (эркаклар исми).

  • Мирза йигит Саводли, ўқимишли ёш кишиларга ҳурмат билан мурожаат этиш шакли.
Тўлиқ мақола →
мирзо

от 1. Мирзода, амирзода, амир ўғли (Айни маънода ушбу сўз тегишли атоқли отдан кейин ёзилади масалан:

Улуғбек мирзо, Иброҳим мирзо). Аммо, бари бир ёш мирзолар катта бўлгач, ўз ота-боболари каби хунрез, золим бўладилар. — Мирмуҳсин, Меъмор

2. кт. айн. Мирза 1,2. (Айни маънода ушбу сўз тегишли атоқли отдан олдин ёзилади; масалан,

Мирзо Анвар, Мирзо Бедил). Анвар., нома ва аризаларнинг баъзиларини биринчи хона-да олдига давот, қалам қўйиб, дафтар усти-да ўтирган мирзо, муфтиларга ҳавола қилар эди. — А. Қодирий, Меҳробдан чаён

Тўлиқ мақола →
миршаб
Изоҳли луғат · яна 1 та луғатда

от 1. тар. Ўрта Осиё хонликларида тунги шаҳар соқчиси ва уларнинг бошлиғи.

— Бизни кимнинг ҳукми билан ўлдирмоқчи бўлаётирсиз?— деди хатирчилик банди, миршаб одамига. — С. Айний, Қуллар

Миршаблар томонидан қўрбоши маҳкамасига сўроққа олиб кетилган қутидор қайтиб ёʻлакка кириши билан Офтоб ойим ила Кумушга жон кирган каби бўлди. А. Қодирий, Ўтган кунлар.

2. с. Т. Милиционер.

Тўлиқ мақола →
мирзойи

от [а. + ф. — Мирзаларга хос, оид; мирзалик вазифасини бажариш]:

  • мирзойи кавуш
  • Мирзойи сабзи Сабзининг ўртапишар силиндрсимон, учи ингичка узун хили.
  • Мирзойи этик
Тўлиқ мақола →
мирғазаб

от тар. Маҳбус ва бандиларни жазолайдиган, калтаклаб, тергов қиладиган зиндон назоратчиси.

Мирғазаблар кунда келиб, уларнинг [бандиларнинг] ҳар бирини ўлгудай уриб, сўроқ қилардилар. — С. Айний, Дохунда

Тўлиқ мақола →
мириқмоқ
Изоҳли луғат · яна 3 та луғатда

фл. Ниҳоят даражада қонмоқ, қониқмоқ, тўймоқ.

Чойга мириқмоқ. Ҳикояни мириқиб эшитмоқ. Мириқиб ухламоқ.

Парвариши етган ғўзалар она сутига мириққан боладек гуркураб ўсарди. — Ш. Ғуломов, Ташаббус

Тоза ҳаводан мириқиб симирмоқ баҳонасида Расулжон тезроқ ҳовлига чиқа қолди. — Ж. Абдуллахонов, Хонадон

Тўлиқ мақола →