Hayot Foundation loyihasi
Loyiha haqida
Oʻz
Oʻz

Qidiruv

«Mir» boʻyicha 240 ta natija

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik Frazeologik
Tildan
Oʻzbekcha Ruscha Inglizcha Nemischa Fransuzcha Lotincha Turkcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Lotincha Turkcha

← Barcha natijalar

Lugʻat maqolalari

240 ta · 1-sahifa / 12
mir
Izohli lugʻat · yana 3 ta lugʻatda

ot 1. Hokim, hukmdor (paygʻambar avlodlarining unvoni).

Mir Alisher.

2. Baʼzi erkaklar ismining tarkibiga kiradi, masalan

Mirtemir. Mirali, Mirgʻiyos.

Toʻliq maqola →
miri
Izohli lugʻat · yana 1 ta lugʻatda

tar. Besh tiyinli chaqa, besh tiyin.

Bir miri hayon, uch miri ziyon. — Maqol

Dunyoniki miri kam ikki. — Maqol

Domla uch miri pul yo bitta qatlama keltirib qoʻyganga sira indamaydilar. — P. Tursun, Oʻqituvchi

  • Miridan-sirigacha Mufassal ravishda, mayda-chuydasigacha, batafsil. Ziyodillaga bu hunar yoqib tushgan, uni miridan-sirigacha egallab olish uchun butun kuchi, zehnini ishga solgan edi. — H. Nazir, Oʻtlar tutashganda
  • Miridan sirini ayirmoq (yoki ajratmoq) Mufassal ravishda, mayda-chuydasigacha tekshirmoq.
Toʻliq maqola →
mirob
Izohli lugʻat · yana 4 ta lugʻatda

ot 1. Suv taqsimoti va sugʻorish tarmoqlarini nazorat qiluvchi shaxs.

Otang mirob boʻlguncha, dalang quloqning boshida boʻlsin, deganlar. — S. Nurov, Maysalarni ayoz urmaydi

2. s. t. Sugʻorish ishlarini bajaruvchi shaxs; suvchi.

Ana, mirishkor mirob, sugʻorar gʻoʻzasini — Yu. Hamdam

Egatlar aralab mirobmi, kimdir Yakka oyoq yoʻldan qaytadi yolgʻiz. — Gʻayratiy

Toʻliq maqola →
mirza
Izohli lugʻat · yana 2 ta lugʻatda

ot 1. tar. Yozuv-chizuv ishlarini olib borgan lavozimli kishi; kotib.

Amlokdorning mirzasi beliga suqilgan qalamdonini ochib, qalamini qoʻliga oldi. — S. Ayniy, Qullar

2. koʻchma Savodli, oʻqimishli odam.

3. esk. Yuqori tabaqalarga mansub kishi; janob.

Men choʻriman, siz mirzasiz, bekvachcha! — Goʻroʻgʻli

4. Mirza (erkaklar ismi).

  • Mirza yigit Savodli, oʻqimishli yosh kishilarga hurmat bilan murojaat etish shakli.
Toʻliq maqola →
mirzo

ot 1. Mirzoda, amirzoda, amir oʻgʻli (Ayni maʼnoda ushbu soʻz tegishli atoqli otdan keyin yoziladi masalan:

Ulugʻbek mirzo, Ibrohim mirzo). Ammo, bari bir yosh mirzolar katta boʻlgach, oʻz ota-bobolari kabi xunrez, zolim boʻladilar. — Mirmuhsin, Meʼmor

2. kt. ayn. Mirza 1,2. (Ayni maʼnoda ushbu soʻz tegishli atoqli otdan oldin yoziladi; masalan,

Mirzo Anvar, Mirzo Bedil). Anvar., noma va arizalarning baʼzilarini birinchi xona-da oldiga davot, qalam qoʻyib, daftar usti-da oʻtirgan mirzo, muftilarga havola qilar edi. — A. Qodiriy, Mehrobdan chayon

Toʻliq maqola →
mirshab
Izohli lugʻat · yana 1 ta lugʻatda

ot 1. tar. Oʻrta Osiyo xonliklarida tungi shahar soqchisi va ularning boshligʻi.

— Bizni kimning hukmi bilan oʻldirmoqchi boʻlayotirsiz?— dedi xatirchilik bandi, mirshab odamiga. — S. Ayniy, Qullar

Mirshablar tomonidan qoʻrboshi mahkamasiga soʻroqqa olib ketilgan qutidor qaytib yoʻlakka kirishi bilan Oftob oyim ila Kumushga jon kirgan kabi boʻldi. A. Qodiriy, Oʻtgan kunlar.

2. s. T. Militsioner.

Toʻliq maqola →
mirzoyi

ot [a. + f. — Mirzalarga xos, oid; mirzalik vazifasini bajarish]:

  • mirzoyi kavush
  • Mirzoyi sabzi Sabzining oʻrtapishar silindrsimon, uchi ingichka uzun xili.
  • Mirzoyi etik
Toʻliq maqola →
mirgʻazab

ot tar. Mahbus va bandilarni jazolaydigan, kaltaklab, tergov qiladigan zindon nazoratchisi.

Mirgʻazablar kunda kelib, ularning [bandilarning] har birini oʻlguday urib, soʻroq qilardilar. — S. Ayniy, Doxunda

Toʻliq maqola →
miriqmoq
Izohli lugʻat · yana 3 ta lugʻatda

fl. Nihoyat darajada qonmoq, qoniqmoq, toʻymoq.

Choyga miriqmoq. Hikoyani miriqib eshitmoq. Miriqib uxlamoq.

Parvarishi yetgan gʻoʻzalar ona sutiga miriqqan boladek gurkurab oʻsardi. — Sh. Gʻulomov, Tashabbus

Toza havodan miriqib simirmoq bahonasida Rasuljon tezroq hovliga chiqa qoldi. — J. Abdullaxonov, Xonadon

Toʻliq maqola →