Hayot Foundation лойиҳаси
Лойиҳа ҳақида
Ўз
Ўз

Қидирув

«Лаб» бўйича 670 та натижа

Филтр
Бўлим
Луғатлар Эртаклар Шевалар Ресурслар
Луғат тури
Изоҳли Таржима Терминологик Фразеологик
Тилдан
Ўзбекча Русча Инглизча Қорақалпоқча Франсузча Лотинча Туркча
Тилга
Ўзбекча Русча Инглизча Қорақалпоқча Немисча Франсузча Арабча Лотинча Қозоқча Туркманча Туркча Форсча

← Барча натижалар

Луғат мақолалари

670 та · 1-саҳифа / 34
лаб
Изоҳли луғат · яна 7 та луғатда

от 1. Оғиз бўшлиғининг кириш қисмини чегаралаб турадиган ҳаракатчан тери бурмаси (Ташқи томондан тери, ички томондан шиллиқ пардалар билан қопланган, унинг асосини айланма жойлашган мимика мускули ташкил этади).

Жаҳли чиққанидан лаблари пирпираб, қоши чимирилиб кетди. — Ў. Ҳошимов, Қалбингга қулоқ сол

Ёʻлчи найми лабига қўйиб, бутун завқи билан чала кетди. — Ойбек, Танланган асарлар

2. Идишнинг, идиш оғзининг айлана чети; зиҳ.

Қумғоннинг лаби. Қозон лаби. Лаби учган пиёла. Халтанинг лаби.

Олдига лаби учган тақсимчада сув қўйдим. — Ш. Холмирзаев, Оғир тош кўчса

3. Қирғоқ, ёқа, чет.

Дарё лаби. Ҳовуз лаби, Кўлнинг лаби.

Булоқ, лабига ўтириб, ҳовучини очганда, кафтида ғижимланиб ётган ҳўл рўмолчага кўзи тушди. — М. Исмоилий, Фарғона тонг отгунча

Катта тик ариқ. Икки лаби тоғ-тоғ тупроқ. — И. Раҳим, Чин муҳаббат

4. Ердан баланд ясси сатҳнинг чети, чеккаси.

Томнинг лаби. Супанинг лаби.

[Ёʻлчи] Айвон лабига ўтириб, бошини қўллари остига олди. — Ойбек, Танланган асарлар

Шербек тепанинг лабига, Оқсойга юзланиб ўтирди. — С. Анорбоев, Оқсой

  • Лабидан бол томмоқ Жуда ширин, ёқимли гап-сўз қилмоқ, суҳбатда ўта ширин (хуш) муомалада бўлмоқ. Лабларингиздан бол томади, ёниб турган оловсиз. — К. Яшин, Ҳамза
  • Лабидан кулги аримайди Доим кулиб турадиган, хушчақчақ шахс ҳақида. Ҳамзанинг қучоғидан чиқиб, тўлиб-тошиб йиғлади, лекин лабидан кулги аримасди. — К. Яшин, Ҳамза
  • Лаби лабига тегмаслик Жуда тез, бидирлаб гапиришни билдиради. Лабим лабимга тегмай, бисмиллони бошлаб юбордим [деди Ҳожи]. — Э. Раимов, Ажаб қишлоқИсмоилов лаби лабига тегмай сайраб кетди. — Муштум
  • Лабини бурмоқ Эътироз, норозилик белгиси сифатида лабини ҳаракатлантирмоқ. Абдишукур шу ҳам гапми, дегандай лабини бурди. — Ойбек, Танланган асарларКанизак лабини буриб, Сидиқжондан юзини ўгирди. — А. Қаҳҳор, Қўшчинор чироқлари
  • Лабини йиғиштира олмаслик Кулгидан ўзини тўхтата олмаслик; оғиз-лабини кулги ҳолатидан тия олмаслик. Тўпанисо кулгидан лабини йиғиштиролмай, ерга қаради. — А. Қаҳҳор, Қўшчинор чироқлари
Тўлиқ мақола →
label инглизча
Инглизча-ўзбекча луғат · яна 4 та луғатда

/'leɪbl/

н К этикетка, ёрлиқ, ёзув

в (лабеллинг; лабеллед; УС лабелинг; лабелед) Т этикеткаламоқ, ёрлиқ бермоқ

  • label sb/sth (as) sth ёрлиқ бермоқ, лақаб қўймоқ, баҳо, характеристика, ном бермоқ
Тўлиқ мақола →
лаббай
Изоҳли луғат · яна 4 та луғатда

унд. с. 1. Чақириққа, биров чақирганда бериладиган жавоб; ҳа.

Ғуломжон турган ерида лаббай! деб жавоб берди-да, ташқарига қараб югурди. — М. Исмоилий, Фарғона тонг отгунча

Гоҳ телефонга қулоқ солиб, гоҳ ўтирганларга қараб турган секретар лаббай деди-ю, трубкани қўйиб, қоғозларни титкилай бошлади. — Муштум

2. юкл. взф. Нима дейсиз?, нима дедингиз? каби маънолардаги сўроқни англатади.

Дунёда кампирларнинг дуоларини олайлик-да, лаббай? — Шукрулло, Жавоҳирлар сандиғи

Ҳандалак ўғирлашдаги тажрибаларидан фойдаланиб, бу ердаги ўғриларни тутибдилар-да, лаббай? — О. Ёқубов, Эр бошига иш тушса

  • Шошганда лаббай топилмас Шошилиб қолганда нима қилиш, нима дейишни билмасликни, шундай ҳолатни билдирувчи ибора. Шошганда лаббай топилмаганидек, шахдам юриб, хонага киришди-ю, гапни нимадан бошлашни сўраётгандек, бир-бирларига қараб қолишди. — Муштум
Тўлиқ мақола →
лаболаб

от кт. Лабигача тўла, лиқ тўла, лиммо-лим.

Дарвешали, кўнглингиз ҳар чоғел муҳаббати билан лаболаб тўлсин. — Ойбек, Навоий

Гоҳ тўлиб йиғларман равзадил, Лаболаб этди тун чоғирим. — Ҳ. Абдуназар, Анжир гули

Тўлиқ мақола →
лаб-лунж

от Лаб ва лунж.

— Қишлоқи бўлсанг ҳам, бир маҳмадонасанки — деди-да, Шарофатхон лаб-лунжини буриб, ортиқча кибрли юриш билан чиқиб кетди. — Ойбек, Танланган асарлар

  • Лаб-лунжи осилмоқ Хафа бўлмоқ, қовоғи солинмоқ. Бугун у ваҳим бўлган кишидай ҳар нарсадан чўчиб, қўрқиб, ҳадиксираб, лаб-лунжи осилиб юрган кечаги Мадумарминг бошига сира ўхшамас эди — М. Исмоилий, Фарғона тонг отгунча
Тўлиқ мақола →
лабиринт
Изоҳли луғат · яна 5 та луғатда

от 1. Бир-бирига ўхшаш кўплаб хоналари, киши юрса адашиб қоладиган чалкаш ёʻллари бўлган улкан иншоот, қурилма.

2. анат. Қулоқ ичидаги тоғай-суякдан иборат чиғаноқсимон қисм; ички қулоқ.

Тўлиқ мақола →
лаборант
Изоҳли луғат · яна 4 та луғатда

от 1. Лаборатория ёки илмий муассасада илмий-техник ишларни бажарувчи ходим.

Фонокабинет лаборанти Рустам., унга бир жойнинг дарагини айтди. — Д. Нурий, Осмон устуни

2. Лаборатория машғулотлари вақтида профессор ёки ўқитувчига керакли асбоб, препарат ва шу кабиларни тайёрлаб берувчи ёрдамчи ходим.

Кимё кафедрасининг лаборанти.

Тўлиқ мақола →