Hayot Foundation loyihasi
Loyiha haqida
Oʻz
Oʻz

Qidiruv

«LAB» boʻyicha 670 ta natija

Filtr
Boʻlim
Lugʻatlar Ertaklar Shevalar Resurslar
Lugʻat turi
Izohli Tarjima Terminologik Frazeologik
Tildan
Oʻzbekcha Ruscha Inglizcha Qoraqalpoqcha Fransuzcha Lotincha Turkcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Lotincha Qozoqcha Turkmancha Turkcha Forscha

← Barcha natijalar

Lugʻat maqolalari

670 ta · 1-sahifa / 34
lab
Izohli lugʻat · yana 7 ta lugʻatda

ot 1. Ogʻiz boʻshligʻining kirish qismini chegaralab turadigan harakatchan teri burmasi (Tashqi tomondan teri, ichki tomondan shilliq pardalar bilan qoplangan, uning asosini aylanma joylashgan mimika muskuli tashkil etadi).

Jahli chiqqanidan lablari pirpirab, qoshi chimirilib ketdi. — Oʻ. Hoshimov, Qalbingga quloq sol

Yoʻlchi naymi labiga qoʻyib, butun zavqi bilan chala ketdi. — Oybek, Tanlangan asarlar

2. Idishning, idish ogʻzining aylana cheti; zih.

Qumgʻonning labi. Qozon labi. Labi uchgan piyola. Xaltaning labi.

Oldiga labi uchgan taqsimchada suv qoʻydim. — Sh. Xolmirzayev, Ogʻir tosh koʻchsa

3. Qirgʻoq, yoqa, chet.

Daryo labi. Hovuz labi, Koʻlning labi.

Buloq, labiga oʻtirib, hovuchini ochganda, kaftida gʻijimlanib yotgan hoʻl roʻmolchaga koʻzi tushdi. — M. Ismoiliy, Fargʻona tong otguncha

Katta tik ariq. Ikki labi togʻ-togʻ tuproq. — I. Rahim, Chin muhabbat

4. Yerdan baland yassi sathning cheti, chekkasi.

Tomning labi. Supaning labi.

[Yoʻlchi] Ayvon labiga oʻtirib, boshini qoʻllari ostiga oldi. — Oybek, Tanlangan asarlar

Sherbek tepaning labiga, Oqsoyga yuzlanib oʻtirdi. — S. Anorboyev, Oqsoy

  • Labidan bol tommoq Juda shirin, yoqimli gap-soʻz qilmoq, suhbatda oʻta shirin (xush) muomalada boʻlmoq. Lablaringizdan bol tomadi, yonib turgan olovsiz. — K. Yashin, Hamza
  • Labidan kulgi arimaydi Doim kulib turadigan, xushchaqchaq shaxs haqida. Hamzaning quchogʻidan chiqib, toʻlib-toshib yigʻladi, lekin labidan kulgi arimasdi. — K. Yashin, Hamza
  • Labi labiga tegmaslik Juda tez, bidirlab gapirishni bildiradi. Labim labimga tegmay, bismilloni boshlab yubordim [dedi Hoji]. — E. Raimov, Ajab qishloqIsmoilov labi labiga tegmay sayrab ketdi. — Mushtum
  • Labini burmoq Eʼtiroz, norozilik belgisi sifatida labini harakatlantirmoq. Abdishukur shu ham gapmi, deganday labini burdi. — Oybek, Tanlangan asarlarKanizak labini burib, Sidiqjondan yuzini oʻgirdi. — A. Qahhor, Qoʻshchinor chiroqlari
  • Labini yigʻishtira olmaslik Kulgidan oʻzini toʻxtata olmaslik; ogʻiz-labini kulgi holatidan tiya olmaslik. Toʻpaniso kulgidan labini yigʻishtirolmay, yerga qaradi. — A. Qahhor, Qoʻshchinor chiroqlari
Toʻliq maqola →
label inglizcha
Inglizcha-oʻzbekcha lugʻat · yana 4 ta lugʻatda

/'leɪbl/

n C etiketka, yorliq, yozuv

v (labelling; labelled; US labeling; labeled) T etiketkalamoq, yorliq bermoq

  • label sb/sth (as) sth yorliq bermoq, laqab qoʻymoq, baho, xarakteristika, nom bermoq
Toʻliq maqola →
labbay
Izohli lugʻat · yana 4 ta lugʻatda

und. s. 1. Chaqiriqqa, birov chaqirganda beriladigan javob; ha.

Gʻulomjon turgan yerida labbay! deb javob berdi-da, tashqariga qarab yugurdi. — M. Ismoiliy, Fargʻona tong otguncha

Goh telefonga quloq solib, goh oʻtirganlarga qarab turgan sekretar labbay dedi-yu, trubkani qoʻyib, qogʻozlarni titkilay boshladi. — Mushtum

2. yukl. vzf. Nima deysiz?, nima dedingiz? kabi maʼnolardagi soʻroqni anglatadi.

Dunyoda kampirlarning duolarini olaylik-da, labbay? — Shukrullo, Javohirlar sandigʻi

Handalak oʻgʻirlashdagi tajribalaridan foydalanib, bu yerdagi oʻgʻrilarni tutibdilar-da, labbay? — O. Yoqubov, Er boshiga ish tushsa

  • Shoshganda labbay topilmas Shoshilib qolganda nima qilish, nima deyishni bilmaslikni, shunday holatni bildiruvchi ibora. Shoshganda labbay topilmaganidek, shaxdam yurib, xonaga kirishdi-yu, gapni nimadan boshlashni soʻrayotgandek, bir-birlariga qarab qolishdi. — Mushtum
Toʻliq maqola →
labolab

ot kt. Labigacha toʻla, liq toʻla, limmo-lim.

Darveshali, koʻnglingiz har chogʻel muhabbati bilan labolab toʻlsin. — Oybek, Navoiy

Goh toʻlib yigʻlarman ravzadil, Labolab etdi tun chogʻirim. — H. Abdunazar, Anjir guli

Toʻliq maqola →
lab-lunj

ot Lab va lunj.

— Qishloqi boʻlsang ham, bir mahmadonasanki — dedi-da, Sharofatxon lab-lunjini burib, ortiqcha kibrli yurish bilan chiqib ketdi. — Oybek, Tanlangan asarlar

  • Lab-lunji osilmoq Xafa boʻlmoq, qovogʻi solinmoq. Bugun u vahim boʻlgan kishiday har narsadan choʻchib, qoʻrqib, hadiksirab, lab-lunji osilib yurgan kechagi Madumarming boshiga sira oʻxshamas edi — M. Ismoiliy, Fargʻona tong otguncha
Toʻliq maqola →
labirint
Izohli lugʻat · yana 5 ta lugʻatda

ot 1. Bir-biriga oʻxshash koʻplab xonalari, kishi yursa adashib qoladigan chalkash yoʻllari boʻlgan ulkan inshoot, qurilma.

2. anat. Quloq ichidagi togʻay-suyakdan iborat chigʻanoqsimon qism; ichki quloq.

Toʻliq maqola →
laborant
Izohli lugʻat · yana 4 ta lugʻatda

ot 1. Laboratoriya yoki ilmiy muassasada ilmiy-texnik ishlarni bajaruvchi xodim.

Fonokabinet laboranti Rustam., unga bir joyning daragini aytdi. — D. Nuriy, Osmon ustuni

2. Laboratoriya mashgʻulotlari vaqtida professor yoki oʻqituvchiga kerakli asbob, preparat va shu kabilarni tayyorlab beruvchi yordamchi xodim.

Kimyo kafedrasining laboranti.

Toʻliq maqola →