Қидирув

сфт. 1. Тириклик аломати бор, тирик.

Жонли тўқима (биол.).

Қиздан сўрабди: — Бу ерда нима қилиб ўтирибсан, бу ерда ўзингдан бошқа жонли жонивор борми? — Олтин бешик

2. Яшаб турган, барҳаёт, тирик.

Ўтмишнинг жонли шоҳиди.

Жонли гувоҳни ишга тикиб бўлмайди. — А. Қаҳҳор, Сароб

Уруш заҳматини бошидан кечирган ҳар бир одам даҳшатли у йилларнинг жонли шоҳидидир. — Н. Сафаров, Оловли излар

3. кўчма Эҳтиросли; қайноқ.

[Гулнор] Ёʻлчининг кучли, эркак нафасини, дудоқларида унинг бўсасининг жонли оловини бир лаҳза сезди. — Ойбек, Танланган асарлар

4. кўчма Тийрак, серҳаракат; шўх.

Тахтапуллик Собиржонни танир эдим мен Бокудан: Зап чавандоз, миқти, жонли, хосиятли улфат жуда. — М. Шайхзода.

Ҳақиқатда эса мингбоши хотинлари орасида энг жонли ва энг эслиги бўлган бу жувон — Султонхонга қарши очган курашининг натижасидан норози эди. — Чўлпон, Кеча ва кундуз

5. кўчма Руҳли, шўх, қизиқ; қизғин.

Бу узатиш мажлисини жонли, руҳли ўтказмоқ учун барча қизлар ўзларининг энг асл, энг нафис кийимларини кийиб ҳусн оламини яна бир қайта бежабдирлар. — А. Қодирий, Ўтган кунлар

Мелиқўзи билан бўлган жонли суҳбатда [унинг] бутун орзу-истакларини билиб олдим ва очерк ёздим. — Н. Сафаров, Оловли излар

6. кўчма Тетиклик, ғайрат, хушчақчақлик ифода этувчи; шўх, ўйноқи (кўз қараши, чеҳра ҳақида).

Ёʻлчининг чиройли кенг юзида жонли, теран маъноли кўзларида қандайдир илиқ, самимий табассум тошган эди. — Ойбек, Танланган асарлар

7. кўчма Худди ҳақиқатдагидек, чин, ҳақиқий; ёрқин.

Жонли портрет,

Жилин билан Костилиннинг саргузашти уларнинг кўз олдиларида жонли воқеадай ўта берди. — П. Турсун, Ўқитувчи

[Сайрамов] Ҳар масалани жонли мисоллар билан баён қилди. — Ойбек, Олтин водийдан шабадалар

8. кўчма Ифодали, аниқ-равшан, тушунарли.

Атоқли халқ санъаткори [Юсуфжон қизиқ] ҳаётнинг энг чигал, мураккаб томонларини жонли тил билан содда қилиб тушунтира оларди. — Т. Обидов, Юсуфжон қизиқ

Эски адабиётни яхши ўқийди, айниқса Абомуслим достонларини ўқиганда, жуда ҳам жонли чиқаради. — А. Қодирий, Обид кетмон

9. кўчма Ҳаёт қайнаган, гавжум; жўшқин.

Кундузгига қараганда сарой жонли: кишиларнинг шақиллашиб сўзлашишлари, хохолаб кулишишлари саройни кўкка кўтаргудек. — А. Қодирий, Ўтган кунлар

10. кўчма Амалий, ишбилармонларча.

Раҳбарликни қоғозда эмас, жонли раҳбарлик қилиш шаклида олиб бориш керак. — Н. Сафаров, Оловли излар.

от дин. Худо ёʻлига, азиз-авлиёларга қурбонлик учун аталган уй ҳайвони ёки товуқ, хўроз.

Жонлиқларнинг калла-почалари ҳар доим шу ерда кўзларини лўқ қилиб пойлаб ётувчи мозор шайхларига улашиларди. — М. Муҳаммаджонов, Турмуш уринишлари

Ҳотам: — Сизлар тунда келган вақтларингизда оёқларингизга жонлиқ сўяй десам, йилқилар ҳаммаси яйловда эди, — деган экан. — Шукрулло, Жавоҳирлар сандиғи

от Ҳаётийлик, жўшқинлик.

Рақснинг жонлилиги.

Жозибали декорация Буюк канал операсига жонлилик киритган. — Газетадан

ańsatlıq penen

Онлайн кундаликларни (блогларни) жойлаштириш учун блоглар платформаси ёки ушбу платформадаги алоҳида блог. Ёзувларни нашр қилиш, ўқувчилар томонидан шарҳларни қолдириш, дўстларнинг ёзувларини ўқиш каби имкониятларни беради.инглизчаLivejournalрусчаживой журнал

Живой труд

биомеханика

русча- объекты и явления живой и неживой природы;инглизча- objects and phenomena of animate and inanimate nature;

сфт. 1. Ҳаяжонга тушган ҳолатли.

Ҳамза негадир ҳаяжонли, асабий кўринарди. — Т. Обидов, Юсуфжон қизиқ

2. Безовталик, ҳаяжон ифодали.

Мирзакаримбой ҳаяжонли, титроқ товуш билан қизига фотиҳа бериб, соқолини силади. — Ойбек, Танланган асарлар

Полвонларнинг бирига муҳаббат, иккинчисига нафрат билан қараб турган халқ кўзида, унинг ҳаяжонли юзида икки дунё кураши акс этгандек эди. — М. Исмоилий, Фарғона тонг отгунча.

унинг кўзлари беқарор, хурсанд ва ҳаяжонли эди. — Ойбек, Қуёш қораймас

3. Кишини ҳаяжонга соладиган, тўлқинлантирадиган.

Ҳаяжонли филм. Ҳаяжонли асар.

Тақдир хотиралари, ўтмиш қисматининг ҳаяжонли воқеалари қалам тебратишга имкон бермасди. — Х. Ёдгоров, Ҳаёт тўлқинлари

Хонага ҳаяжонли сукунат чўккан, салқин эди. — Ў. Ҳошимов, Қалбингга қулоқ сол

от Заифлик, ҳолсизлик, кучсизлик.

от Болаларни жондан ортиқ севиш; болажон бўлиш.

Фотима холадаги болажонлик, фарзандларига бўлган муҳаббат, уларнинг тарбияси ёʻлидаги фидокорлик [филмда] ўз ифодасини топган. — Газетадан

Унинг сиймосида мушфиқ онадаги болажонликни, жафокашликни, олижанобликни кўрасиз. — Газетадан

а emotional

от Озарбайжонда яшовчи шахс, Озарбайжон фуқаро.