Hayot Foundation loyihasi
Loyiha haqida
Oʻz
Oʻz

Qidiruv

«GINA» boʻyicha 67 ta natija

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik Frazeologik
Tildan
Oʻzbekcha Ruscha Inglizcha Fransuzcha Lotincha Turkcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Turkcha

← Barcha natijalar

Lugʻat maqolalari

67 ta · 1-sahifa / 4
gina
Izohli lugʻat · yana 6 ta lugʻatda

ot 1. Biror kimsaga nisbatan dilda saqlangan xafalik, norozilik; kek.

Yaxshida gina boʻlmas. — Maqol

Gina — adovatning qoʻshnisi. — Maqol

[Husayn] Alisher, eski ginalarni unuting. Guliga boʻlgan muhabbatingiz tufayli, qadimiy doʻstlik iplarini uzmang. Uygʻun va I. — Sulton, Alisher Navoiy

[ Muhabbat] Menga boʻlgan dilidagi ginasini sezdirmaslikka intilsa-da, koʻz qarashlarida istehzo uchqunlarini sezib turardim. — . Nazir, Muhabbat

2. Shikoyat, arz-hol.

Aholiga maishiy xizmat koʻrsatish boshqarmasi rahbarlariga aytadigan ginalarimiz bor. — Gazetadan

  • Gina qilmoq Biror kishiga nisbatan dilda xafalik, kek saqlamoq; koʻngildagi xafalikni izhor qilmoq. Jahlimdan tushganimdan keyin, shunday tanamga oʻylab qarasam, bechora oʻrtogʻimdan gina qilishning hojati yoʻq ekan. — A. Qahhor, Xotinlar— Rahbar bilan soʻz urishtirib chakki qildingiz, otam, — deb toʻsatdan gina qildi Oyimxon. — P. Tursun, Oʻqituvchi
Toʻliq maqola →
ginali
Izohli lugʻat · yana 2 ta lugʻatda

sft. 1. Dilida ginasi bor, gina saqlovchi, ginador.

Ginali odam.

2. Gina bilan toʻlib-toshgan, gina aralash; ginaomuz.

Ginali gap.

— Shu vaqtgacha aytmadingiz-a? — ginali erkalandi Saodatxon. — N. Safarov, Saodatning qissasi

Toʻliq maqola →
ginador

sft. ayn. Ginali.

— Komilaning kelishini bilsam, uydan bir minut siljirmidim? — dedi Zaynab ginador tovush bilan onasiga. — Oybek, Oltin vodiydan shabadalar

Toʻliq maqola →
ginaxonlik
Izohli lugʻat · yana 2 ta lugʻatda

ot 1. Gina izhor qilish, dilda bor ginalarni ochiq-oydin aytish.

Zebo shinelini bilagiga solib kirib keldi. Ona uni koʻrdi-yu, ginaxonlikka tushdi. — Shuhrat, Shinelli yillar

[Olaxoʻja] Gapni ginaxonlikdan boshladi: — Juda qadamingni tiyib qoʻyding. Kelib togʻangdan, holing qalay, deb surishtiray ham demaysan-a. — P. Tursun, Oʻqituvchi

2. ayn. Gina 2.

  • Ginaxonlik qilmoq Gina izhor qilmoq. — Bundan chiqdi, biz ham senga hech kim boʻlolmabmiz-da, — deb ginaxonlik qildi Muso. — P. Tursun, OʻqituvchiKomil Ibodullaga ginaxonlik qildi. — H. Gʻulom, Mashʼal
Toʻliq maqola →
gina-kudurat
Izohli lugʻat · yana 1 ta lugʻatda

ot Har xil gina va noroziliklar.

Onaning gina-kudurati saraton yomgʻiridek tez oʻtib boʻlgan edi. — Shuhrat, Shinelli yillar

Otaqoʻzi, oʻgʻli bilan togʻasi oʻrtasidagi gina-kudurat koʻpga choʻzilmas, deb umid qilardi. — O. Yoqubov, Diyonat

[Lutfiniso] kelinlariga qarshi xasta koʻkragida yigʻilgan gina-kuduratni ezmalik bilan, biron soʻzni yamlamay, qizining oldiga toʻkdi. — Oybek, Tanlangan asarlar

Toʻliq maqola →
oʻpka-gina
Izohli lugʻat · yana 1 ta lugʻatda

ot Oʻpkalash, kek saqlash; ginaxonlik.

Rasulov Qishloqlarda yurib, ancha oʻpka-ginalarni yigʻib qoʻygan ekan. — I. Sulton, Burgutning parvozi

Toʻliq maqola →