Hayot Foundation лойиҳаси
Лойиҳа ҳақида
Ўз
Ўз

Қидирув

«ЭЛАМОҚ» бўйича 51 та натижа

Филтр
Бўлим
Луғатлар Шевалар
Луғат тури
Изоҳли Таржима Терминологик Фразеологик
Тилдан
Ўзбекча Русча Инглизча Франсузча Лотинча Туркча
Тилга
Ўзбекча Русча Инглизча Қорақалпоқча Немисча Франсузча Арабча Лотинча Туркча

← Барча натижалар

Луғат мақолалари

51 та · 1-саҳифа / 3
эламоқ
Изоҳли луғат · яна 6 та луғатда

фл. 1. Элакдан ўтказмоқ, элакдан ўтказиб тозаламоқ.

Бостирмада Зиёдахон супра ёзиб, ун элаб ўтирар эди. — А. Қаҳҳор, Қўшчинор чироқлари

Тўй арафасида куни билан қор ёғди, шундай элаб ёғдики, кўзларни очирмай қўйди. — М. Исмоилий, Фарғона тонг отгунча.

2. (фақат бўлишсиз шаклда — эламаслик) Эътибор (аҳамият) бермаслик, назар-писанд қилмаслик.

Зебихон ўзига муносиб йигит изларди. Оёғи тагида ўралашаётганларни писанд қилмас, ёʻлини тўсиб, йиғлаб, дардини айтадиганларни эламас эди. С. — Аҳмад, Уфқ

Хола қўшнисининг гапини сиртдан эламаган бўлса ҳам, аммо ичидан зил кетди. — Л. Маҳмудов, Вафо

3. кам қўлл. айн. Тебратмоқ.

Зубайда бошини элаб, ёʻқ ишорасини билдирди. — К. Яшин, Ҳамза

Тўлиқ мақола →
элак
Изоҳли луғат · яна 5 та луғатда

от Ун элаш учун ишлатиладиган, тўр қопланган ёғоч гардишдан иборат уй-рўзғор асбоби.

Сим элак. Қалин элак. Элакка кирган хотиннинг эллик оғиз гапи бор. — Мақол

Зиёдахон элакдаги кепакни оғзи тор халтачага эҳтиёт билан солди. — А. Қаҳҳор, Қўшчинор чироқлари

  • Элак бўлмаслик Хизмат қила олмаслик, хизматга ярамаслик. Қобилжон гап билмайди, гап билмагандан кейин, элга элак бўлмайди. — Ў. Умарбеков, Юлдузлар
  • Элакдан ўтказмоқ 1. Элаб тозаламоқ; эламоқ. Хом ёнғоқ пўстлоғини қуритиб, элакдан ўтказиб, хинанинг асилига келинг, деб яна пул топади. — С. Аҳмад, Сайланма;Бу ернинг табиати шунақа, янги келганларни элагидан ўтказиб олади — Ж. Абдуллахонов, Тўфон
Тўлиқ мақола →
элас

шв. Сал-пал, сезиларсиз даражада.

Дадақўзининг аянчли товуши қулоғига элас чалинди. — А. Мухтор, Бўронларда бордек ҳаловат

Чеча коридорда туриб, баланд каравотда ётган эрини элас таниди. — Ёшлик

Тўлиқ мақола →
элат
Изоҳли луғат · яна 7 та луғатда

ЭЛАТ ъбир уруғ-қабилага мансуб кишиларъ; ъқабилалар бирлашмасиъ. Бу киши менинг э л а т и м б ў л а д и. □ Ўзбек э л а т и ХИ асрда шаклланган. Бу сўз эл отидан жамлик маъносини ифодаловчи -(ä)т қўшимчаси билан ҳосил қилинган дейилади: эл + äт = элäт (ЭСТЯ, I, 343)

1. Кишиларнинг миллат шаклига келмасдан олдинги тарихий бирлиги

Кўпдир мамлакатда эллар, элатлар, Қадим ва покадим халқлар, мшиатлар. А — Орипов, Йиллар армони

2. Эл, эл-халқ, қабила. . Дорига тортди, деб карвонлар айтди

Қабила бошлиғи Олтиной ўз элатининг тўк, тинч бўлиши учун ҳамиша койғураркан — "Ўзбекистон қўриқлари"

3. Бир жойли ёки бир қабилага, уруққа мансуб кишилар (бир-бирига нисбатан). Бу киши менинг златим

Элатлар махорка ўраб, ҳузур билан торта бошладилар — Ойбек, Қуёш қораймас

Ҳа, элат, ётоққа ҳаммадан илгари кирадиган одатингиз ёʻк эди, нима бўлди? — В. Ғофуров, Вафодор

4. Юрт, диёр; мамлакат. . ■■

Эл севган киши элатга оксоқол бўлади — Мақол

Менўлсам, сеники Жамбил элатим. Ҳарна борим, бари аркон давлатим — "Равшан"

Борсанг, обод бўлар ўсган элатинг, Авж олади зиёда бўп давлатинг — "Муродхон"

Тўлиқ мақола →
эланмоқ
Изоҳли луғат · яна 2 та луғатда

фл. 1. Эламоқ 1 феълининг мажҳул ва ўзлик нисбатлари.

Эланган ун.

Замон тебранган сайин у мислсиз зўр ғалвирда эланаётган буғдойнинг жиридай четга чиқади. — А. Қаҳҳор, Сароб

2. шв. Ялинмоқ ёлвормоқ, илтижо қилмоқ.

Пўлат отадай нуроний кексаларнинг эланишлари наҳот сизнинг дилингизни юмшатолмаса. — К. Яшин, Ҳамза

Уйига милиционер юбориб юрагини пўкиллатиб қўярдим Ўзи оёғини қўлига олиб югуриб келарди эланиб! — С. Нуров, Нарвон

Тўлиқ мақола →