Hayot Foundation лойиҳаси
Лойиҳа ҳақида
Ўз
Ўз

Қидирув

«ДАН-да» бўйича 138 та натижа

Филтр
Бўлим
Луғатлар Эртаклар
Луғат тури
Изоҳли Таржима Терминологик Фразеологик
Тилдан
Ўзбекча Русча Инглизча Қорақалпоқча Франсузча Туркча
Тилга
Ўзбекча Русча Инглизча Қорақалпоқча Немисча Франсузча Арабча Қозоқча Туркманча Туркча

← Барча натижалар

Луғат мақолалари

138 та · 1-саҳифа / 7
данғ
  • данғ қотмоқ 1. Қўрқув ёки ҳайратдан эс-ҳушини ёʻқотиб қотиб қолмоқ. Жуман билан Сангин иш кийимида, юз берган воқеани ҳали ҳам англаб етмагандай, данғ қотиб турар эдилар. — А. Мухтор, Туғилиш;Бола гоҳ у ишга, гоҳ бу ишга югурар, кечалари ҳолдан тойиб, ҳориб, данғ қотиб ухлар эди. — М. Исмоилий, Фарғона т
Тўлиқ мақола →
данак
Изоҳли луғат · яна 5 та луғатда

от 1. Баъзи этли мевалар (ўрик, шафтоли ва шу кабилар) ичидаги қаттиқ пўчоқ ва мағиздан иборат уруғ.

Ўрик данаги. Шафтоли данаги.

Табиат ўзи уста деҳқон. Меъёри билан данак ташлаган, меъёри билан уруғ сочган. — С. Анорбоев, Ёʻлда ёʻлдош бўлганлар

Қаршида ўриклар аллақачон данак қотириб қолган, бу ёқларда бўлса, энди гуллаяпти. — С. Аҳмад, Жимжитлик

2. кўчма Бола, фарзанд.

Данаги ширин, данагидан мағизи ширин. — Қанотли сўзлар

  • Ширин данак Данакнинг ажратиб олинган, сиртига шакар суртилган мағзи ёки қовурилган данак. Умид Ҳафизани эскимо ва ширин данак билан сийлади. — Мирмуҳсин, Умид
  • Бошида (ёки миясида) данак чақмоқ кам. қўлл. айн. бошида ёнғоқ чақмоқ Бизга қуллуқ қилган камбағал бошимизда данак чақсинми?. — Пўлат, Танланган асарлар— О, Мастон, — деди Турғуной, —эрим миямда данак чақса ҳам, уйда ўтирганим бир давлат эди. — А. Қаҳҳор, АсарларБошда икки букилиб, кейин миямда данак чақадиганидан шу тузук. — И. Раҳим, Ихлос
  • Данагини чақмоқ кам. қўлл. айн. мағзини чақмоқ Абдуқодир улуғ халқ бошлаган азим ҳаракат ва кураш ҳақида чуқур ихлос ва ҳаяжон билан гапириб, воқеаларнинг данагини ўз билганича чақишга тиришар эди. — Ойбек, Нур қидириб
Тўлиқ мақола →
дандон
Изоҳли луғат · яна 2 та луғатда

от 1. кам қўлл.айн. Тиш.

Иш юришмаса, атала дандон синдирар. — Мақол

Ғам чекма, нон бўлиб, емоққа дандон бўлмаса, Чин мусибат будир: дандон бўлиб, нон бўлмаса. — Газетадан

2. Фил тиши, фил суягидан ясалган.

Дандон (сопли) пичоқ.

Туяларга олтин кўзалар, дандон сопли пўлат пичоқлар, олтин суви билан гул солинган эгарлар, Ҳиндистон доривор-зираворлари ортилган эди. — М. Осим, Элчилар

Саидқул пичоқни қинидан чиқарди. Дандон сопли ўткир тиғ эди. — М. М. Дўст, Лолазор

3. Шимиладиган, қаттиқ конфет тури (қоғозга ўралмаган ёки ўралган бўлади).

қизалоқлар югуриб келишарди. Шакархон пистали ҳалво, дандон сочарди. — Х. Тўхтабоев, Йиллар ва ёʻллар

Тўлиқ мақола →
дангал
Изоҳли луғат · яна 6 та луғатда

сфт. 1. Раъй-андиша, юз-хотир қилмасдан, рўйирост, очиқ.

Дангал гап. Дангал айтмоқ.

Зумрад пайтдан фойдаланиб, дангал гап бошлади. — С. Сиёев, Отлиқаёл

Нуқсонларини дангал айт, хатоларини юзига сол, кўзи очилсин. — Уйғун, Навбаҳор

Ота вазиятдан чиқишнинг ёʻлини қидира-қидира, дангалига кўчиб қўя қолди. — Э. Аъзамов, Жавоб

2. Тортинмасдан, бемалол; қўрқмасдан, шиддат билан.

Аҳмад хона эшигини тақиллатди-да, дангал ичкарига кирди. — Ф. Мусажонов, Химмат

Бу дейман, ёʻли шунақамас-ку, хўжайин, дангал кириб келавермайсизми? — А. Муҳиддин, Нуқсонбой

Шайх Назарбой нақибга ўқрайиб қараб қўйди-ю, дангал чўккалади. — С. Сиёев, Аваз

3. Ростмана, чин кўнгилдан; самимий.

Халил ака аскиячиларга ўхшаб очиқ ва дангал куларди. — Ф. Мусажонов, Ҳиммат

Бу ҳазилдан фақат Рисолат кулди. Дангал ва чиройли кулар эди. — Ф. Мусажонов, Ҳиммат

Тўлиқ мақола →