Проект Hayot Foundation
О проекте
Ру
Ру

Поиск

По запросу «DAF» — результатов: 30

Фильтр
Раздел
Словари Сказки Диалекты
Тип словаря
Толковый Переводной Терминологический
С языка
Узбекский Русский Английский Французский Турецкий
На язык
Узбекский Русский Английский Каракалпакский Немецкий Французский Арабский Турецкий

← Все результаты

Словарные статьи

30 · страница 1 из 2
daf

ot Chertib chalinadigan, doira shaklidagi yogʻoch gardishga xom teri qoplab yasalgan musiqa asbobi; childirma, doira.

Daf chalinib, bazm boshlandi. — Mirmuhsin, Oyna

Dildor yugurib borib, Davlatbaxt begimning xonasidan gʻijjak, tanbur, daf keltirdi. — Oybek, Navoiy

  • Daf boʻlmoq Yoʻq boʻlmoq, yoʻqolmoq; bartaraf boʻlmoq. Chol bobo qoʻli bilan daf boʻlinglar degandek ishora qilib qoʻydi. — X. Toʻxtaboyev, Shirin qovunlar mamlakatiKelgan balo oʻsha bilan daf boʻlsin, dedi ichida. — S. Anorboyev, Oqsoy
  • Daf qilmoq (yoki etmoq) 1. Qaytarmoq; yoʻqotmoq, bartaraf qilmoq. Qoʻy sutining qon tuflash kasalini daf qilishda foydasi katta. — K. Mahmudov, Oʻzbek tansiq taomlariHar qanday yomon nazarni daf qiladi bu isiriq. — S. Ahmad, UfqDushmanning bir necha hujumi daf etildi. — T. Rustamov, Mangu jasorat;Begunohlarga nojoʻya daf qiladiganlarni sal fahmlasang, shipshitib qoʻy: naq belini sindiramiz. — Mushtum— Vahshiyga tegmasang, u senga daf qilmaydi, — dedi Shubin. — Shuhrat, Oltin zanglamasAlijon chamadonini shildirab oqayotgan ariq boʻyiga qoʻyayotganida, qoplon sapchib turib, daf qildi. — Mirmuhsin, Chiniqish
  • Dafi savdo 1. Boshga tushgan savdoni qaytarish;
Полная статья →
dafʼa

ot 1. Marta, karra, bora.

Ilk dafʼa. Soʻng dafʼa.

Bu kun Yoʻlchi bu uyga birinchi dafʼa kirgan edi. — Oybek, Tanlangan asarlar

Shokir aka necha dafʼa sinchiklab, koʻz oʻngidan oʻtkazdi. — M. Xayrullayev, Koʻngil

Bu—erkak zotining ilk dafʼa unga befarq, qarashi edi. — Yoshlik

Feruz uni ilk dafʼa koʻriboq, Tabibiyga bashorat qilgan edi. — S. Siyoyev, Yorugʻlik

2. Bu olmoshi bilan birgalikda safar,gal soʻzlari maʼnosida qoʻllanadi.

bu dafʼa bizdan nima gunoh oʻtdi, bunday behurmat qildingiz. — Alpomish

Bu dafʼa tovush avvalgidan koʻra uzoqroqdan kelar edi. — H. Olimjon

Полная статья →
dafina

ot 1. Yerga koʻmilgan zeb-u ziynat buyumlari, qimmatbaho toshlardan iborat boylik, xazina.

Ota-bobongiz va oʻzingiz jamgʻarib qoʻygan xazina, dafinalarni bir-bir ochib bizga topshiring. — S. Ayniy, Doxunda

Oʻtgan asrning oxirlarida Fargʻona oblast Namangan uyezdida choʻponlar tasodifan metall buyumlar dafinasini topib olishgan. — Fan va turmush

2. koʻchma Sir-u asror, orzu-armon.

Dafina koʻp keng yuragimda, Qatlarim saqlar. — Mirtemir, Asarlar

Полная статья →
daftar

ot 1. Kitobcha shaklida tikilgan, muqovalangan va xat yozish yoki rasm chizish uchun moʻljallangan toza qogʻoz varaqlari.

Bir chiziqli daftar. Katak daftar. Rasm daftari.

Bolalarnikiday kulimsiragan juda jonli va qandaydir bahayo qop-qora koʻzlar daftarlar ustida oʻychan yuguradi. — Oybek, Nur qidirib

Sherali hozirgina eshitgan gaplarini apil-tapil daftariga yozgach, minbarga qarab qoldi. — S. Karomatov, Oltin qum

Otam mening otli yigit, Daftari gul xatli yigit. — Boychechak

2. Biror kimsa yoki narsa haqidagi sarguzasht hikoya.

Uning daftari uzun. Daftar qilmoq.

3. koʻchma Borliq, oʻzlik.

Har yonda goʻzallik yoymish daftarin. — A. Oripov, Yurtim shamoli

  • Veksel daftari Qarzdorlarning qarzlari va uni toʻlash muddatlari qayd etiladigan hujjat. Shunisi ham borki, veksel daftarim qayerdaligi esimda yoʻq. — K. Yashin, Hamza
  • Kundalik daftar Oʻquvchining darslarga qatnashishi, oʻzlashtirishiga oid maʼlumotlar qayd etiluvchi daftar. yuvgan kirlarini dazmol qildi, bolalarining darslarini tekshirdi, kundalik daftarlarini koʻrdi. — S. Zunnunova, Olov
  • Nota daftari Musiqa notalari qayd etilgan yoki etiladigan daftar. Simlarga qoʻngan qushlar nota daftaridagi nuqtalar-u, shamol ularga qarab, kuyni chalayotgandek edi. — S. Nurov, Maysalarni ayoz urmaydi
  • Uy daftari Bir xonadon, oilada istiqomat qiluvchilarning muayyan hududda, manzilda roʻyxatga olinganligi qayd etiluvchi rasmiy daftar.
  • Xotira (yoki kundalik) daftari Shaxsning oʻz kundalik hayoti davomida koʻrgan-kechirganlarini yozib borgan yoki yozib boradigan daftari. Maxzum domlaning xotira daftarining birinchi qismi shu bilan tamom boʻldi. — A. Qodiriy, Gʻirvonlik Mallavoy
  • Shikoyat daftari Savdo-sotiq tarmoqlari va boshqa tashkilotlarda mijozlar, fuqarolar oʻz shikoyat va takliflarini qayd etishi uchun joriy qilingan daftar. Shikoyat daftarini talab qilsa, toʻrt ellik qogʻozga dardingizni yozing, kimga desangiz, eltib beraman, dedi. — Mushtum
  • Hisob daftari Shaxslarning ism, familiyalari va ularga, ularning ish-faoliyatiga oid maʼlumotlar qayd etiluvchi daftar. Talʼat uni koʻrib qoldi shekilli, hisob daftarini paxta ustiga tashlab, chopib tushdi. — Oʻ. Hoshimov, Qalbingga quloq sol
  • Dunyo daftari Tarix sahifasi. Shu buyuk oʻgʻlingni ardoqlab dildan, Xalqim, taʼzim etsang arzigay tamom. Uning nomi bilan birga bitilgan Dunyo daftariga oʻzbek degan nom. — A. Oripov, Yillar armoni
  • Koʻngil daftari Dildagi armonlar, dard-hasratlar. Xatdir koʻngil daftari, xatdir sevgi kaptari — Yo. Mirzo, Oʻgʻil mehriKoʻngil daftarining oltin betiga Bebaho, nashʼali chechak taqdingiz. Gʻayratiy.
  • Temir daftar
  • Umr (yoki hayot) daftari Umr onlari, tarjimai qol; xotiralar. Melixon ona umr daftarini varaqladi. — GazetadanBilsin: hayot daftariga u Oʻchmas qilib mangu bitilgan. Shuhrat, — Yoshligimning davomi
  • (Hasrat) daftari Ochildi Hasrati boshlandi. Shu bahona bilan uning daftari ochilib ketdi. H. Nazir, Uzr, otaxon.Notanish juvonning rangi oqarib, hasrat daftari ochilib ketdi. — I. Rahim, Chin muhabbat— Daftarimni ochib nima qilasiz? — dedi yengil xoʻrsinib — Gulandom. Oybek, Tanlangan asarlar
Полная статья →
dafʼatan

1. Dangal ish tutadigan, qoʻrqib, hadiksirab oʻtirmaydigan; dovyurak.

Dadil bola. Dadil xotin.

Rahimberdi oʻziga ishongan, dadil yigit edi, ishlab charchamasdi. — X. Toʻxtaboyev, Felyetondan soʻng

Qadami, tovushi dadil. Har qanday mushkuldan man tortmay, tikka qarshi boradigan dovyurak odam koʻrinadi. — A. Muxtor, Asarlar

2. Shijoat bilan toʻlib toshgan; jasurona, mardonavor, shaxdam.

Dadil qadamlar.

Xalq dadil boradi. Ayniqsa xotinlar — onalar jasur. — Oybek, Tanlangan asarlar

Tursunboy togʻli qishlogʻi tomon jiddiy, dadil odim tashlab boryapti. — Oʻzbekiston qoʻriqlari

Sherimbek dadil borib, Bobur mingan boʻz otning oltin bezakli yuganidan oldi. — P. Qodirov, Yulduzli tunlar

Mehnat qilgan odam doim boshqalarning yuziga dadil qaraydi. — T. Ashurov, Oq ot

3. Qoʻrqmay, ishonch bilan, bemalol, tortinmay.

Dadil javob. Dadil tanqid.

Uzoqdan boʻlsa-da, Yoʻlchiga dadil qaraydi, baʼzan yashirin iljayadi. — Oybek, Tanlangan asarlar

Dadil tashlayotgan qadamlariga qaraganda, unda ikkilanishdan asar ham yoʻq. — Gazetadan

— Nima yordam kerak, tortinmay, dadil murojaat qilavering, — dedi Boymirzayev. — Oʻzbekiston qoʻriqlari

Maʼruf Nazarov kinematografiya, dramaturgiya sohasida ham dadil qalam tebratyapti. — X. Yodgorov, Hayot toʻlqinlari

4. Jismoniy, maʼnaviy jihatdan baquvvat; tetik, bardam.

Elmurod odamlar toʻlqinida Fotima bilan yonma-yon yurarkan, oʻzini har vaqtdagidan dadil va yengil sezdi. — P. Tursun, Oʻqituvchi

Darmoni qurigan yigit oʻzini dadil tutishga tirishar, lekin munkib-munkib ketar edi. — J. Sharipov, Xorazm

Shundan keyin Normat oʻzini yanada dadil sezdi. — I. Rahim, Chin muhabbat

5. Moddiy jihatdan oʻzini tutib olgan; boy-badavlat.

Jamoa xoʻjaligimiz bu yil ancha dadil boʻlib oldi. — Gazetadan

6. koʻchma Eng muhim, dolzarb, zaruriy.

eng dadil gʻoyalarni oʻrtaga tashlab, uni roʻyobga chiqargan irrigatorlarning mardligi haqida hikoya qiladi. — Oʻzbekiston qoʻriqlari

  • Hamyoni dadil
Полная статья →
daftarcha

ot 1. s. kichr. Daftar

Tavhidiy daftarchani ochdi va qadamini sekinlatib oʻqiy boshladi. — A. Qahhor, Asarlar

[Zokir ota] uning [Sidiqjonning] otini daftarchasiga yozib qoʻydi. — A. Qahhor, Qoʻshchinor chiroqlari

2. Bosmaxonada kitobcha shaklida tayyorlangan yondaftar yoki grafalari zarur vaqtda toʻldiriladigan rasmiy hujjat.

Fosih afandi qoʻlidagi daftarchasi bilan qalamini yerga qoʻyib, chapak chiqdi. — M. Ismoiliy, Fargʻona tong otguncha

  • Yon (yoki qoʻyin, choʻntak) daftarcha Choʻntakka solib yurishga moʻljallangan daftarcha. Yon daftarchasiga nimalarnidir yozib, koʻkka qaradi. — S. Karomatov, Oltin qumHali maʼruza aytgan kishi bilan ayol Fotimaning oʻzini, otasining ismini soʻrab, choʻntak daftarchasiga yozib olishdi. — T. Ashurov, Oq otBir piyola qahvadan keyin mehmon oʻziga kelib, keyin daftarchasini oldi. — Guldasta
  • Mehnat daftarchasi Shaxsning mehnat faoliyatiga oid rasmiy maʼlumotlar qayd etiladigan yoki etilgan daftarcha. Qayoqqa boraman, qoralangan mehnat daftarcham bilan kim meni ishga oladi. — S. Ahmad, Ufq
  • Omonat daftarchasi Omonat kassalariga qoʻyilgan mablagʻ va ularga oid maʼlumotlar qayd etib boriladigan daftarcha. [Salim Obidiy] Allaqanday zarur hujjatlarni, omonat daftarchasini roʻmolga tugdi. — Mirmuhsin, Umid.
  • Pensiya (yoki nafaqa) daftarchasi Kimsaning pensiyasi miqdori va uni toʻlab borishga oid maʼlumotlar qayd etiluvchi daftarcha. Toʻlgʻon xolamning pensiya daftarchasi bilan yuribman. — X. Toʻxtaboyev, Shirin qovunlar mamlakati
Полная статья →