sft. 1. Gavdaning yurak joylashgan tomonidagi; soʻl.
Chap qoʻl. Chap yelka,
Taajjubki, uning chap oyogʻi uvushgandek, oʻng qoʻlining barmoqlari ham dir-dir titrardi. — S. Siyoyev, Yorugʻlik
2. Soʻl tomon, oʻng tomonning qarama-qarshi tomoni.
Ahmad koʻchaning chap betidan — serdaraxt va qorongʻi yoʻlakdan yurdi. — F. Musajonov, Himmat
3. koʻchma Oʻng kelmaydigan, teskari, noqulay.
— Yoʻl garchi chaproq boʻlsa ham, bu gal uncha qiynalmadim. Kechga yaqin Donoxonlar uyiga yetib bordim, — dedi Nafisa. — Gʻayratiy, Uzoqdagi yor
4. koʻchma Munosabati yaxshi emas (biror kimsa bilan).
Madaminjon qizlar bilan chap boʻlib qolgan edi. — Oybek, Tanlangan asarlar
Mirvali shu odam bilan anchagina chap edi. — S. Ahmad, Jimjitlik
Bu orada narigi ikkovining gapi yana chap tushib qol-di. — N. Norqobilov, Bekatdagi oq uycha
- Yoʻlni chap solmoq Koʻzga tashlanmaslik, chalgʻitish maqsadida toʻgʻri yoʻldan yurmay, egri, aylanma yoʻldan yurmoq. Haydarali yoʻlni chap solib, soʻqmoqlardan yurdi. — H. Nuʼmon va A. Shorahmedov, Ota[Ummatali] Yoʻlni chap solgan edi, u [Qimmatxon] quvib yetdi. Shuhrat, — Jannat qidirganlar
- Chap bermoq 1. Epchillik bilan oʻzini olib qochmoq. Avazxon oyogʻini yerga tirab, abjir-lik bilan chap berib, chap tomondan qilich soldi. — Malikayi ayyorAvtomat oʻqiga chap beramiz-a, ammo ofitserning choʻntagida granata boʻlsa-chi? — T. Rustamov, Mangu jasoratIshga chiq, desam, chap beradi, qachon qarasangiz, bozorning guli. — S. Mahkamov, Dala tongiNazarimda, Abdurazzoq ota keksalikka chap berib, yil sayin kuchiga kuch qoʻshilib bora-yotganday. — N. Safarov, Olovli izlar[Yaxshiboyev:] Mayli, hozircha oʻlimga chap berib yuribmiz, bundan keyin ham biror oʻn besh-yigirma yil moʻljalimiz bor M. — M. Doʻst, Lolazor
- Chap yoni (yoki yonboshi) bilan turibdi Kimsaning omadi yurishmagan, ishi chap-pasiga ketgan yoki serzarda boʻlib turgan kuni shunday deyiladi. Muhammad Rasul oʻz ichida: Bu kun boy chap yoni bilan turgan shekilli, deb ancha vaqtgacha kallasini osiltirib oʻtirdi. — Oybek, Tanlangan asarlar
- Chap ichakka ham yuq boʻlmaydi Juda oz, ovora boʻlib yeyishga arzimaydi (ovqat haqida).
- Chap koʻz bilan qaramoq Boshqalarga nisbatan kamsitib, eʼtiborsiz qaramoq. Kolxozda hamma narsa brigadalarga baravar taqsimlansin. Rais birovga oʻng koʻz, birovga chap koʻz bilan qaramasin. — H. Gʻulom, Senga intilaman
- Chap qoʻl Otaqoʻzi chap qoʻldagi eshikni ochdi. — O. Yoqubov, Diyonat