Hayot Foundation лойиҳаси
Лойиҳа ҳақида
Ўз
Ўз

Қидирув

«ЧЎҚИМОҚ» бўйича 13 та натижа

Филтр
Луғат тури
Изоҳли Таржима Терминологик Фразеологик
Тилдан
Ўзбекча Русча
Тилга
Ўзбекча Русча Инглизча Қорақалпоқча Немисча Франсузча Арабча

← Барча натижалар

Луғат мақолалари

13 та
чўқимоқ
Изоҳли луғат · яна 4 та луғатда

фл. 1. Тумшуқ билан илиб олиб емоқ.

Жўжалар дон чўқишмоқда. Мулла билганини ўқир, Товуқ кўрганини чўқир. — Мақол

Патнисда тўртта кулча, икки бош қизил чиллаки ва қуш чўқиган қандайдир бир бош узум бор эди. — Ойбек, Танланган асарлар

2. Тумшуқ билан зарб бермоқ (қуш ва паррандаларга нисбатан).

Қарға қарғанинг кўзини чўқимайди. — Мақол

Бургут жон-ҳолатда унга [латта-путталар боғланган ходага] ташланиб, тирноқлари билан чангаллаб чўқирди. Бу — дастлабки ов — машқ эди, албатта. — Ёшлик

3. кўчма Қўл учи билан чимдиб, озгина емоқ, еб кўрмоқ, татимоқ.

[Ҳожи ва Ҳасанали] Сўзлашмасдангина, лагандан бирмунча чўқиган бўлдилар-да, қўл артдилар. А. Қодирий, — Ўтган кунлар

4. кўчма с. т. Баланд келиб, зўр чиқмоқ; қаттиқ койимоқ, уришмоқ.

Ораларида зўр-зўр адвокатларни чўқиб ташлайдиган раҳбарлари бор эмиш. — Ойбек,Улуғ ёʻл

  • Бир чўқиб, икки қарайди Жуда эҳтиёткор одам ҳақида.
  • Бир чўқишда қочирмоқ Устун чиқмоқ. Мулла Мамажон ўз даврида ялқовлик билан Алиф лайлидаги Абутанбални бир чўқишда қочирадиган киши бўлган экан. — Ғ. Ғулом, Тирилган мурда
Тўлиқ мақола →
чўқим
Изоҳли луғат · яна 1 та луғатда

от нумератив с. Сонлар билан бирга қўлланиб, асосан овқатнинг бармоқлар учи билан сиқиб олинган миқдорини билдиради.

Бир-икки чўқим ош.

Севаргул хушлар-хушламас товоқчага бир капгир ош сузди, сўнг ошдан бир чўқим оғзига солди. — Н. Қиличев, Чиғириқ

Тўлиқ мақола →
чўқинмоқ
Изоҳли луғат · яна 4 та луғатда

фл. 1. дин. Қўл учини пешонасига ва икки елкасига келтириб ибодат қилмоқ, худога сиғинмоқ (христианларда); христиан динига кирмоқ.

— Ҳа, Абжал, чўқиндингми, шапкани қанчага олдинг?! — дедим. — А. Қодирий, Кичик асарлар

2. Умуман, ибодат, сажда қилмоқ, сиғинмоқ, топинмоқ.

Бутга чўқинмоқ. Оловга чўқинмоқ.

Баримиз ўз тилимизда чўқиниб бордик, Масковдан то Берлингача сўкиниб бордик. — М. Юсуф.

3. кўчма салб. Қулларча сажда қилмоқ, сиғинмоқ, топинмоқ.

Пулга чўқинадиган одам.

Тўлиқ мақола →
чўқиламоқ
Изоҳли луғат · яна 2 та луғатда

фл. 1. Ҳадеб чўқийвермоқ, дам-бадам тўхтовсиз чўқимоқ, тўхтовсиз чўқиб емоқ.

Жўжалар чўқилаб дон емоқда. Қизилиштон чўқилаб дарахт тешмоқда.

2. кўчма Ҳадеб уришавермоқ, бўлар-бўлмасга койийвермоқ; ҳар ёндан тинмай танбеҳ бермоқ; таламоқ.

Коллектив ўртага олиб изза қилди, бўлмади. Кейин кўпчилик уни чўқилаб, кавушини тўғрилаб қўйди. — Ҳ. Назир, «Ўтлар туташганда»

3. айн. Чўқимоқ 3. Овқатдан бир-икки чўқилади.

Тўлиқ мақола →
чўқиштирмоқ
Изоҳли луғат · яна 2 та луғатда

фл. 1. шв. 1 Чўқишмоқ феълининг орттирма нисбати.

Хўрозларни чўқиштирмоқ.

2. Май косаларини ёки қадамларни бир-бирига тегизиб олмоқ, уриштирмоқ.

[Яхшибоев] Чўқиштириб ўтирмади, дадилроқ бўлай деб, қадаҳни олди-ю, шартта сипқарди. М. — М. Дўст, Лолазор

Тўлиқ мақола →