Поиск

sft. 1. Toʻgʻri keladigan, talab qilingandek; juda mos keladigan, munosib.

Oʻylab koʻrsam, sarkotib odamga shundan bop sovgʻa yoʻq ekan. — N. Safarov, Hayot maktabi

Tekin boylik axtarguncha Oʻzingga bop hunar top. — Aql aqldan quvvat oladi

Qiz yigitdan gap kutar, yigit esa u bop gap qidirar edi. — P. Tursun, Oʻqituvchi

2. Belgi-xususiyati ijobiy, talab darajasida, yaxshi.

Kim minsa, shu bilar otning bopini, Sayis olar ildam otning tobini. — Hasanxon

3. Qoʻshma soʻzlarning ikkinchi qismida “mos“, “munosib“, toʻgʻri keladigan maʼnolarini ifodalaydi:

ommabop, dehqonbop, urugʻbop, etikbop kabi.

ot shv. Belgi-xususiyati talab darajasida; toʻgʻri keladigan, munosib, bop, mos.

Gʻanivoy juda bopta ish qipti, bunaqa ishni yigitning xoʻrozi qiladi. — S. Ahmad, Lochin

oying bilan magazinga chiqinglar-da, yetmaganiga qoʻshib, bitta bopta kostyum olinglar — M. Ismoiliy, Bizning roman

Oʻrniga tayin qilingan kishinglar ham bopta tushmabdi. — S. Ahmad, Hukm

1. 1 Boʻlibdi.

Yaxshi boʻpti. Ajab boʻpti.

Ish degan mundoq boʻpti. — S. Ahmad, Ufq

Endi meni koʻpchilikning ichida izza qilmoqchi boʻpti-da. — Shukrullo, Saylanma

2. Taklifga rozilikni bildiradi: boʻladi, xoʻp, mayli, yaxshi, maʼqul.

Boʻpti, hozir faqat bir shart bilan — Oʻ. Hoshimov, Qalbingga quloq sol

Boʻpti, qaynoq-qaynoq choy ichda, borib yot. — S. Ahmad, Ufq

Boʻpti, aka, polvon bola bilan ishlasak ishlabmiz-da, shu bahona bizning ham suratimiz gazetada chiqib qolsa. — S. Ahmad, Ufq

fl. 1. Ijrosini oʻrniga qoʻymoq, koʻngildagidek qilib bajarmoq, oʻrinlatib bajo keltirmoq, qoyil qilmoq.

Ammo kelin mantini yana boplabdi. — S. Ahmad, Saylanma

Xotirjam boʻling, razryadli ustamiz, boplaymiz. — S. Ahmad, Saylanma

Choyni ham xoʻp boplab damlabsiz-da, Rokiya opa. — N. Safarov, Tanlangan asarlar

2. Firib bermoq, pand bermoq.

— Bopladimmi, — dedi Nabigul ketiga qarab, — yiliga olti soʻm emish, olti tiyin bermasman! — A. Qahhor, Qanotsiz chittak

3. Adabini, taʼzirini bermoq.

Boplab poʻstagimni qoqishibdi. — Oʻ. Hoshimov, Qalbingga quloq sol

— Nisholdani maza qilib yeb oʻtirgan hov anu sallalikni kesak bilan boplaymi? — dedi — Mahmud. Oybek, Tanlangan asarlar

— E soʻramang, — dedi Islomov, — Ziyom Vazirov meni bopladi. — Mushtum

fl. Boplamoq feʼlining majhul nisbati.

fl. Boplamoq feʼlining orttirma nisbati.

fl. Boplamoq feʼlining oʻzlik nisbati.

sft. 1. Uncha mos, muvofiq emas; qoʻl kelmaydigan, nomuvofiq, yaroqsiz.

Nobop joy. Nobop yer.

Ayrim qishloq kutubxonalari nobop va koʻrimsiz xonalarga joylashgan. — Gazetadan

2. Unchalik shay emas, buzuq.

— Dehqon aka, ehtiyot boʻling, aravangiz nobop — boshini chayqab gapirdi Yoʻlchi. — Oybek, Tanlangan asarlar

Nobop yoʻlning, nobop mashinaning zahmatidan Temirjonning butun suyaklari zirqirab ogʻrir, quloqlari shangʻillardi. — J. Abdullaxonov, Oriyat

3. Xulq-atvori, yurish-turishi yomon, yaramas.

Nobop odam

Yoʻq, u bola koʻp nobop chiqdi, shariatga shak keltiradir. — M. Ismoiliy, Fargʻona tong otguncha.

4. Notinch, noqulay.

Bir oz jimlikdan soʻng Ravshan gapira boshladi: — Boʻri aka, zamon nobop, deb tunov kun Abdurahmon aka aytgan gaplar qulogʻim ostidan hali-hali sira nari ketmaydi. Atrofga qarab, odamni vahm bosadi. — S. Karomatov, Bir tomchi qon

Soʻzlovchi va u koʻzda tutayotganlarga toʻgʻri keladigan, ularning didiga mos.

Aylanay, bolam, bir bizbop sotadigan narsalaring bormi? — Luqmoni Hakim

Afsuski, ular orasida bizbop, yaʼni xalqning tili uchida turgan muhim muammolar koʻtarilgan asarlar kam uchrayapti. — Gazetadan

sft. Ishga munosib, ish uchun qulay, ish vaqtida foydalansa boʻladigan.

Ishbop kiyim.

sft. Bolalarga moʻljallangan, bolalar uchun atalgan yoki bolalar bajarishi mumkin boʻlgan.

Oʻzim ikki marta bordim. Bolabop ish yoʻq deyishadi. — Yoshlik

sft. Dala sharoitida kiyishga moʻljallangan; chidamli.

Shlyapasini, dalabop kostyumini yechib, ilgakka ildi. — S. Siyoyev, Otliq ayol

— Dalabop qattiq tirinkadan besh-olti metr olaman, — dedi Xoʻjarahmon. — A. Ubaydullayev, Hayot oqimi

sft. Ommaga tegishli, omma uchun belgilangan, moʻljallangan.

Ommabop adabiyot. Ommabop jurnal. Ommabop tilda yozilgan maqola.

Ota ommabop tilda yer islohoti haqida gapirdilar. — Sh. Xolmirzayev, Soʻnmas oʻt

sft. Qish fasliga mos.

sft. Vino (sharob) qilishga mos (uzum navo haqida).

sft. Kiyim astariga ishlatish uchun mos (mato haqida).

sft. Bozor suyadigan, xaridor yoqtiradigan; bozorgir, tezketar.

Bozorbop mol.

Ular bebozor kunlari shahardagi magazinlarni kezib, bozorbop mollarni toʻplaydilar. — Gazetadan

Katta uchastkaning tevaragi va sahni bozorbop ekinlar bilan band edi. — Oybek, Oltin vodiydan shabadalar

sft. ayn. Devorbop.

Respublikamizda gʻisht devolbop material sifatida hali asosiy oʻrinni egallay beradi. — Gazetadan

sft. Devor qurish uchun yaroqli; devor yasash uchun mos keladigan.

Respublika qurilishlarida devorbop materiallarga to-bora koʻproq ehtiyoj sezilmoqda. — Gazetadan

Bu zavod qum, gildan devorbop bloklar tayyorlab, qurilishlarga joʻnatib turibdi. — Oʻzbekiston iqtisodiy geografiyasi