Қидирув

от 1. Май, ичкилик, шароб.

Бодани ақлингдан ғолиб этмагил. — Мақол

Алишер Навоий яшаган даврда эса май, бода ва ҳар хил мева шарбатлари истеъмол қилинган. — Фан ва турмуш

Иккови ҳам бир қадаҳдан бода ичгандек, атрофдаги нарсаларни кўрмас эди. — М. Осим, Карвон ёʻлларида

2. Арғувон(ий) бода

3. 1) қизил рангли бода.

Қўлимда порлайди арғувон бода. — Гулдаста

4. 2) кун ботиш пайтидаги самовий қизиллик.

Қуйди уфқнинг пиёласига Арғувоний бодасини шом. — Ёшлик

от Май, шароб ичувчи.

Табиҳи риё бирла амомангдин, аё шайх, Чин бодахўринг хум билан паймонаси яхши. — Ҳамза

Бодахўр эшон улфатлари билан май ичишиб ўлтирган экан. — Чустий, Кезгувчи бодахўр эшон

от поет. Май (ичкилик) билан савдо қилувчи, ичкиликлар сотувчи.

Жонимга наво етди-ю, кўнглумға хуруш Бир журъа била, муғбачаи бодафуруш. — Навоий

сфт. Ичкилик (май) ичишни яхши кўрувчи; майпараст, майхўр.

Бугун биз, ошиқлар, ошуфта-ю маст, Санамлар кўйида хўп бодапараст. — У. Хайём, Рубоийлар

от 1. дин. Қуллуқ қилиш, сиғиниш, топиниш ва унинг амали; намоз.

Бутун кўҳна тарих давомида диний тарбия дейилганда, асосан ибодат тушунилган. — Газетадан

мўмин-мусулмонларнинг рўза тутишдан мақсадини Оллоҳнинг бандалари уз умматларини сабр-қаноатга, меҳр-оқибатга ундайдиган ибодат деб таърифлайдилар. — Газетадан

Бутхона қўнғироғи кечки ибодатга чақириб, оғир ва узун даранглади — А. Қаҳҳор, Томошабоғ

2. Ибодат (хотин-қизлар исми).

от кт. Ғам азобидаги; ғамли, қайғули.

Бошларини қуйи солиб кетаётган ғамбода кишиларнинг кўнгилларидан шундай фикрлар ўтар эди. — М. Осим, Карвон ёʻлларида

Ёʻл азоби — гўр азоби, дегандай Хивага келаётган ғамбода Хадича ориқлаб, қоп-қора бўлиб кетди. — Ж. Шарипов, Хоразм

от Ибодат қилинадиган жой ёки уй, бино (мачит, хонақоҳ ва шу кабилар).

У [Очил] Байжунинг кўл бўйида, эски ибодатхона олдида айтган ашулаларини юм-юм йиғлаб эшитди. — П. Қодиров, Уч илдиз

от 1. дин. Узлуксиз тоат ва ибодат; тоат ва ибодатлар.

Кўкча маҳалласидаги кулбайи вайронасида тоат-ибодатга муккасидан кетган эмиш. — Ҳ. Ғулом, Машъал

Қолган умримни бир чеккада узлатда худойи таолога сиғиниб, тоат-ибодатда ўтказмоқчиман. — Мирмуҳсин, Меъмор

2. кўчма с. т. Кишининг бирор мақсад билан қилган бутун ҳаракати, уринишлари.