Поиск

back-end processorрусскийпостпроцессор, процессор файлов, процессор базы данных, процессор (программный), функционирующий на сервереузбекскийpostprotsessor, fayllar protsessori, maʼlumotlar bazasi protsessori, serverda ishlab turuvchi (dasturiy) protsessor

sft. 1. Puli yoʻq, pulsiz.

Bepul bozorga borguncha, kafan olib mozorga bor. — Maqol

Keta ber, yoʻlovchi, yoʻldan qolmagin! Bepul kelib, bizlardan gap soʻrama! — Ravshan

2. Haq olinmaydigan, pul toʻlanmaydigan; narxsiz, tekin.

Bepul bilet. Bepul yoʻllanma.

Oʻqish Baqaqurulloqda choyxonada boʻladi. Daftar, qalam bepul. — A. Qahhor, Qoʻshchinor chiroqlari

Siz bepul dorbozlik kursi borligi toʻgʻrisida eshitmagan boʻlsangiz kerak. — Mushtum

Davlatning shuncha xarajatlari bor. Bemorlarni bepul davolab, boqib yotibdi. — S. Nurov, Narvoy

sft. Uncha puxta, mustahkam boʻlmagan; omonat.

Bepand stol,

Ayvon shunaqangi bepand qurilganki, koʻrsangiz, yosh bolalarning oʻyinchoq uyi undan mustahkamroq deysiz. — Gazetadan

Yangi toʻgʻonning boshqa joylari ham shunday bepand boʻlsa-chi? — A. Muxtor, Tugʻilish

— Men judayam baxtli edim. Baxt bepand narsa boʻlar ekan, — dedi Oʻktam. — Oʻ. Umarbekov, Sevgim, sevgilim

sft. 1. Otasi yoʻq, otasi nomaʼlum, otasiz.

Fashistlarning oʻq, xanjari-la, Talay yoshlar qoldi bepadar. — Gʻayratiy

Soʻrsang naslimni, asli bepadar, Bepadar oʻgʻliman, oʻzim darbadar. — Rustam

2. Soʻkish, qargʻish vazifasida otasining tayini yoʻq; haromi maʼnolarini ifodalaydi.

Oʻz ustozini bilmagan bu bepadar, olampanohning ham betlariga oyoq qoʻyishdan toymay bu kun kechasi uni qochirib, mening hovlimga olib keldi. — A. Qodiriy, Mehrobdan chayon

Naslsiz, bepadar, badbaxt zolimning Ne bilan tugalur oxir tag-tugi. — Gʻ. Gʻulom

sft. 1. Parda tutilmagan, pardasiz; niqobsiz, ochiq.

Beparda oyna.

Senday qizlar hozir koʻcha-koʻylarda Yor tanlaydi yurib ochiq, beparda. — H. Olimjon

2. koʻchma salb. Ochiqdan-ochiq, qoʻpol ravishda aytilgan, behayolarcha, pardasiz.

Beparda gap.

Doimo beparda soʻz xalq ichra aytur beibo, Boʻlmagay deb qoʻrqaman nogoh sangsor avliyo. — Muqimiy

Elomonovga hali hech bir ayol bunday beparda gapirmagan edi, gʻalati boʻlib ketdi, jahllandi. — M. M. Doʻst, Galatepa qissalari

3. mus. Parda bogʻlanmagan yoki pardasiz (cholgʻu asbobi haqida).

sft. Eʼtiborsizlik, sovuqqonlik bilan qaraydigan; eʼtibor bermaydigan; sovuqqon, kamhafsala, loqayd.

Beparvo doʻstdan yogʻoch yaxshi. — Maqol

Boylarimiz qorni toʻqlar, xalq ahvolidan bexabar va beparvo. — Oybek, Nur qidirib

Uning kayf bilan beparvo kulishi Zuhra begimning gʻashini keltirdi. — P. Qodirov, Yulduzli tunlar

sft. 1. Oxiri, chegarasi yoʻq, nihoyatda keng; sarhadsiz.

Bepoyon sahro. Koʻz qulochi sigʻmaydigan yiroqlar. — K. Yashin, Hamza

Men kamalak goʻzalligini bepoyon samoning tabarruk zamin boʻyniga taqqan marvaridiga qiyos qilaman. — Yoshlik

2. Benihoya, behad, cheksiz.

Hamma ilmlarga bepoyon muhabbat bogʻlagan. — Oybek, Navoiy

Mangu yonar lahzalik otash, Qotib qolgan xayol bepoyon. — Guldasta

sft. Bola koʻrmagan, naslsiz, befarzand, bolasiz.

Shodi Mudarrisovichning otasi eski joʻvalik Gulposhsha degan tannoz bir bepusht juvonga oʻralashib yurdi. — D. Nuriy, Osmon ustuni

sft. 1. Pardoz-andoz qilmagan, upa-elik, oʻsma-surma qoʻyib, oʻziga oro bermagan.

Bepardoz xotin.

Onangni otangga bepardoz koʻrsatma deganlar-ku. — Oybek, Oltin vodiydan shabadalar

Qarib-chirib qolsak ham, oʻzimizni begona erkakka bepardoz koʻrsatgimiz kelmaydi. — X. Toʻxtaboyev, Shirin qovunlar mamlakati

Jumlalari poyma-poy, sodda, bepardoz lablari kuyinib titrardi. — Yoshlik

2. Jilo berilmagan, naqshlanmagan, oddiy, joʻn.

Bepardoz etik.

1. Parhez buyurilmagan yoki parhezni buzgan.

Beparhez bemor.

2. koʻchma esk. Hech narsadan hazar qilmaydigan; nopok.

Basharti siz., ul beparhez zolimni mingboshilik vazifasidan chetlatishga bel bogʻlagan boʻlsalaringiz, biz faqirlarning aqli qosirimizga bir andisha keladir. — A. Qodiriy, Oʻtgan kunlar

Payrovga amal qilinmagan; pala-partish; odob doirasidan tashqari; payrovsiz.

U [Talmontoz] bir vaqtlar Allonboyning maddohlik maʼrakalarida bepayrov askiya qilib oʻtiradigan shirinzabon gʻiybatchilaridan edi. — A. Muxtor, Qoraqalpoq qissasi

Pichoq ishlatmasdan, pichoqsiz.

sft. 1. Diqqat-eʼtibor qilmaydigan; mensimaydigan; loqaydlik bilan munosabatda boʻladigan.

Endi hammasi men bilan shunday bepisand gaplashadi, deb xayol qildi Elomonov. — M. M. Doʻst, Galatepa qissalari

Qunduz yigitning bepisand munosabatiga ensasi qotar edi. — X. Sultonov, Bir oqshom ertagi

Ayol eriga bepisand, tahqiromuz qaradi. — N. Aminov, Suvarak

2. koʻchma Hech narsa taʼsir eta olmaydigan, parvo qilmaydigan, mustahkam.

Men qoyaman endi bepisand, Kor qilmagay toj oting harchand! — A. Sher, Qadimgi kuy

1. Poshnali qilib tikilmagan, poshnasiz.

Poshnasiz etik. Poshnasiz tufli.

2. koʻchma Ogʻizga olib boʻlmaydigan, odobdan tashqari; behayo, qoʻpol.

Sizga bunday beposhna gaplar ep boʻlmaydi. — T. Murod, Ot kishnagan oqshom

Televideniyening-ku yoʻrigʻi oson, ashulachining ogʻzidan beposhna soʻz chiqishi bilan shaq etib oʻchirib qoʻysa boʻladi. — Mushtum

1. Tarozi pallasini tenglashtiruvchi toshsiz; oʻlchov toshisiz; posangisiz.

Beposangi tarozi.

2. koʻchma Oʻlchovsiz, cheksiz.

Yoshligimning tarozusi beposangi, Bir pallasi bahor toshi bilan ogʻir. — U. Nosir, Yurak

ot Eʼtiborsizlik, hafsalasizlik, begʻamlik, loqaydlik.

Nuri bunday gaplarni beparvolik bilan eshitishga urinib boqardi. — Oybek, Tanlangan asarlar

Nafratni sir tutish oson, sevgini yashirsa boʻladi, beparvolikni esa saqlash juda ham mushkul. — Aql aqldan quvvat oladi

ot Benihoyalik, cheksizlik, hadsizlik.

Yer yuzida insonga hech qanday naf keltirmay, boʻm-boʻsh yotgan bepoyonliklar juda koʻp. — J. Abdullaxonov, Toʻfon

Xor-u zorlik bepoyonligi, bemuruvvatligi bilan tantana qilardi. — M. Ismoiliy, Fargʻona tong otguncha

ot tib. Voyaga yetgan (erkak yoki ayol) organizmning nasl (avlod) qoldirishga ojizligi; tugʻdira olmaslik, tugʻmaslik.

Bepushtlikni iloji boricha barvaqt aniqlab, sabablari bartaraf qilinsa, yaxshi natijaga erishish mumkin. — OʻzME

ot Mensimaslik, loqaydlik, eʼtiborga olmaslik holati.

Yigit toʻrtta yigirma besh soʻmlikni bepisandlik bilan peshtaxtaga irgʻitdi. — Mushtum

Uning bu bepisandligi Qora Qoplonning battar jigʻiga tegib, quturtirib yubordi. — K. Yashin, Hamza