ot 1. din. Juma va hayit kunlarida imom xatibning sunnatdan keyingi (farzdan oldingi) vaʼzxonligi; diniy pand-nasihat.
Namozdan keyin semiz va takabbur Boʻrixon hazrat eshon minbarga chiqib, xutba boshladi. — M. Muhammadjonov, Turmush urinishlari
Oʻrta asrlarda xutbaning muhim siyosiy ahamiyati boʻlgan. — OʻzME
2. Nikohlash vaqtida oʻqiladigan duo.
Qozi nikoh xutbasini oʻqishga kirishdi — S. Ayniy, Esdaliklar
— Afandi, shaytonning xotinining oti nima? — deb soʻradi imom. — Nikoh kuni siz xutba oʻqigan ekansiz-ku, bilmaysizmi? — Latifalar
- Nomiga xutba oʻqitmoq yoki nomini xutbaga qoʻshib oʻqitmoq Bir kuni Abu Ubayd Qobusning oʻgʻli Manuchehr Mahmud nomiga xutba oʻqitib, rasman uning hokimlar qatoriga oʻtgani toʻgʻrisida xabar olib keldi. — M. Osim, Ibn Sino qissasi