Поиск

ot It, boʻri kabi hayvonlar chiqaradigan choʻziq ovozni va shu ovozga oʻxshash boshqa narsalar tovushini, jumladan, inson yigʻisidagi shu kabi ovozni bildiradi.

Uv deb kelar boʻri ovozi. — S. Joʻra

Toʻsindan dahshatli uv bilan girdibod quyun ularni oʻradi. — Oybek, Oltin vodiydan shabadalar

Birga turmayman desangiz, mayli, sudga bering. Biroq men sharmandani kechiring! Men sizning tirnogʻingizga ham arzimayman!Uv! — S. Siyoyev, Otliq ayol

ot Togʻ yonbagʻirlaridagi cheti qiyalab koʻtarilgan yerlar, pasttekislik.

Goʻyo tabiat qirlar, adirlar va uvalarga yam-yashil gilam qoʻyganday. — Gazetadan

Qarshidagi ulugʻvor togʻlar, uvalarni tomosha qilib aravada liqillab lanj boraman. — Oybek, Bolalik

Suv yoqalab kelib qolganim bu chechaklar uvasi munchalar goʻzal, doʻstim! — Mirtemir, Tingla, hayot

q.x. Dala yoki ekin maydoni ichida, chetlarida qoldirilgan boʻsh yer, tor yoʻl

Adirlarda oʻrim boradi, Uvatlarda oʻtlaydi poda — X. Saloh, Chashma

Marza, uvat, yoʻl yoqalarini haydash hisobiga maydonimizni oʻn ikki gektarga kengaytirdik — Gazetadan

ot 1. Ayb, gunoh.

Yoshgina emadigan chaqalogʻi boʻlmaganda ham mayli edi, unga qoʻl tegizmoq uvol! — I. Akram, Adolat

Mehmonlar toʻyga borib xursand boʻlishmadi. Toʻyboshining orzu-havasi uvolga, zamon soʻzi bilan aytsak, gunohga aylandi. — N. Safarov, Olovli izlar

2. Foydasiz yoki bevaqt yoʻq boʻlish, yoʻqolish; nest-nobud.

Umr uvol, uvol, bahor mevalarin, Yoshlik boʻsalarin toʻyib totmasang. — A. Muxtor

Xohishlaring boʻlmasin uvol! — H. Olimjon

3. koʻchma Birovga ozor bermaydigan, ziyon yetkazmaydigan; yuvosh, zaif.

[Akram:] Iye, hali sutdan oq, musichadek uvolman deng? O. Yoqubov, Aytsam, tilim kuyadi, aytmasam — dilim.

Boya chumolidek uvol koʻringan qizdek yigit endi kiyikdek yel quvib uchib borardi. — S. Ahmad, Choʻl burguti

4. Ogʻir, qiyin, ayanchli.

Joʻjabirdek jon, bolalariga uvol boʻldi. — N. Safarov, Uygʻonish

Oyoq-qoʻli butun boʻla turib, chumchuqdan battar uvol yashaydigan odamlar ham bor. — S. Ahmad, Qadrdon dalalar

ot 1. Uvatilgan narsaning kichik bir boʻlagi, uvalgan qismi; ushoq.

Zokir boston pidjagining yengiga yopishgan non uvogʻini chertib tashladi. — P. Qodirov, Uch ildiz

Binoning tashqi tomoni marmar taxtalar hamda marmar uvoqlari bilan pardozlangan. — Gazetadan

2. koʻchma Jussasi kichik, mayda.

[Sherbek:] Qoramol bilan uvoq molga bu yerda toʻplaydigan yem-xashagimiz bemalol. — S. Anorboyev, Oqsoy

Bunday murakkab mashinani mendek uvoqqina bir qiz boshqarishini qayoqdan bilar edi ular. — N. Safarov, Uzoqni koʻzlagan qiz

U, Dilbarxon tasavvur qilganidek, yoʻgʻon, barvasta emas, balki 55 yoshlardagi uvoqqina odam edi. — X. Toʻxtaboyev, Sadoqat

3. koʻchma Umuman, mayda, kichik.

Uvoq maqsad uchun tarixni chaplab, Homiylarni, zakiylarni sotganlar ozmi? — A. Oripov, Yillar armoni

ot 1. Kiyim, toʻshak va shu kabilarning toʻzgan, uzilgan parchasi.

Men sovuqdan saqlanish uchun uvadasi oqib yotgan koʻrpa-toʻshaklarga oʻralib olar edim. — H. Tursunqulov, Hayo-tim qissasi

Nihoyat, toʻnidan uvada olib otibdi Shunaqa, Toʻlagan aka, dushman otgan toshdan jigar otgan uvada qattiq tegadi. — A. Qahhor, Qoʻshchinor chiroqlari

2. Eskirib, sitilib, yirtilib dabdala boʻlgan kiyim-kechak; latta-putta, eski-tuski.

Chuvrindilarga oʻralgan Laʼli uvadaga oʻral -gan goʻdagini quchoqlab poʻstak ustida oʻtirardi. — H. Gʻulom, Mashʼal

Zangdan qorayib ketgan temir karavot ustida koʻrpanamo eski uvadalarga burkanib Dorobbek yotardi. — D. Nuriy, Osmon ustuni

Bolor ham xoda bozori. Paxta, uvada bozori — Ravshan

3. sft. Yirtilgan, toʻzgan, uvada holga kelgan.

Uvada kamzulda billur tugmaday Bulutlar ortidan boqadi yulduz. — A. Oripov

4. koʻchma Uvadaga oʻxshash narsa haqida.

Oppoq uvada bulutlarni shamol haydaydi. — S. Zunnunova, Goʻdak hidi

Bir yonda sudralgan qish uvadasi: Irkit qor uyumi, toʻnggan nam tuproq. — R. Bobojon

etda-betda uvada qorlar sochilib yotardi. — Mirmuhsin, Qulamas qoya