Қидирув

2. биол. Ўсимлик ва ҳайвонлар тизимида бирор туркумга мансуб, алоҳида сифатга эга бўлган шакл, тасниф бирлиги

Уссури қобони — япон чўчқасининг бир тури

Ирсият туфайли узок; эволюция давомида пайдо бўлган асосий структуралар ҳамма турларда сақланиб қолади — "Фан ва турмуш"

3. Баъзи белги билдирувчи сўзлар билан қўлланиб, "тарз", "ҳолат", "аҳвол" маъноларини билдиради

Элликбоши бир минут қадар сукут қилиб, ҳалиги "икки оғиз" сўзни қай турда бошлашни ўйлади-да, жилмайиб қўйди — Ойбек, Танланган асарлар

-Бугун эрцшаб домла бизникига келган эди, — деди Султонали жиддий турда — А. Қодирий, Меҳробдан чаён

фл. 1. Оёқ узра тик вазиятда бўлмоқ.

Оёқ учида турмоқ. Саф тортиб турмоқ. Кўча бошида турган йигит. Тиз чўкиб яшагандан тик туриб ўлган яхшироқ. — Мақол

[Ёʻлчи] Қўл қовуштирмади, қандайдир хомушлик, бепарволик билан жимгина турди. — Ойбек, Танланган асарлар

Кирсам, Қўқонга кетган Қаюм понсад уч-тўрт йиги-ти билан қушбегининг қаршисида турибди. — А. Қодирий, Ўтган кунлар

2. Бирор жой-макон, вақт, ҳолатда мавжуд бўлмоқ.

Токчада турган соат. Кўча четида турган машина.

Мадраса томи қиррасида туриб, пастдан пақирда арқон билан сув тортиб олаётган йигит ғишт тарашлаб ўтирган кекса одамга ўзга тилда бир нима деди. — Мирмуҳсин, Меъмор

Ўқ отиш нуқталарида қоровул пулемётчилар турибди — Т. Рустамов, Мангу жасорат

Бир ҳафта турган бўлсак, ҳар куни олтмиш хонадондан дастурхон чиқади. — Ўзбекистон қўриқлари

Биз катта ишлар, улуғ ўзгаришлар арафасида турибмиз. — Ш. Рашидов, Янги ер ҳақида сўз

Аскарларимиз дадил туриб, душманга талафот етказар эдилар. — Газетадан

Бизнинг гапимизни икки қилмайсиз, нима хизмат бўлса, белни боғлаб шай турасиз. — Э. Раимов, Ажаб қишлоқ

Инсон қалбида улуғ ва савобли ишларни қилиш истаги борми, у тек туролмайди. — Газетадан

3. Бирор жой-маконда истиқомат қилмоқ, ҳаёт кечирмоқ; яшамоқ.

Муллажон амаким бозорга шундай яқин Гулзоробод маҳалласида турадилар. — Э. Раимов, Ажаб қишлоқ

саксон учга кирган амакимиз борлар. Шаҳарда турадилар. — Р. Файзий, Чўлга баҳор келди

Ваққос отанинг бу йил қишлоқда иши кўп бўлгани учун Омил ҳам Нодирларникида турадиган бўлди. — С. Юнусов, Кутилмаган хазина

4. Умр кўрмоқ, яшамоқ; яшаб кетмоқ.

Дунё тургунча туринг. Шу аёл билан икки йил турди. Тўнғич фарзанди турмади.

[Қумри] Боласи турмай-турмай, якка-ёлғиз арзандаси Турсунбойни, шамолни ҳам раво кўрмай, авайлаб боқиб катта қилди. — С. Аҳмад, Уфқ

5. Ўзи бирикиб келган сўз англатган жой, соҳа, вазифа ва шу кабиларда ишлаш, шундай иш-вазифани бажариш маъносини билдиради.

Мудофаада турмоқ. Қоровул турмоқ.

Тишдан қараганда эски, кўримсиз, лекин катта, сермол дўконда Мирзакаримбой билан Салимбойвачча турар эди. — Ойбек, Танланган асарлар

6. Кутган ҳолда бўлмоқ, бўлиши, юз бериши, келиши умидида бўлмоқ, шу мақсадда ўзини тутмоқ.

Бир оз турайлик-чи, зора келиб қолса. Шунча турдик, яна сабр қилайлик-чи, ишимиз юришиб қолар.

7. Ишлатилмай, сарфланмай, бузилмай, ўз мавжуд ҳолатида бўлмоқ; сақланмоқ.

Юборган нарсаларинг ҳаммаси турибди. Қирқма қовун кўп туради.

Картошка, сабзи каби маҳсулотлар махсус ўраларда яхши туради.

8. Навбатда, қаторда мавжуд бўлмоқ; бор бўлмоқ.

Чорвадорларимиз олдида жуда муҳим вазифалар турибди. — Газетадан

Бугунги кунда инсоният олдида ниҳоят муҳим муаммо турибди, у ҳам бўлса, Ер юзида тинчликни сақлаб қолиш. — Газетадан

Сизларнинг олдингизда деҳқончиликларингизни ёʻлга қўйиб юбориш вазифаси туради. — З. Саид, Н. Сафаров, Тарих тилга кирди

9. Ўзи бирикиб келган сўз англатган даража, мавқе, қиймат ва шу кабиларга эгаликни билдиради.

[Ёрмат] Ҳаммасини тушунтирди: от, арава беш минг сўм туради. — Ойбек, Танланган асарлар

Бизнинг жамиятимизда инсон нурдек покиза, нондек азиз, у ҳар қандай бойликдан юқори туради. — Газетадан

10. Ётган, ўтирган ва шу кабилар ҳолатдан гавдасини тик ҳолатга олмоқ, қаддини тикламоқ.

У ваннада қанча ётгани билан дили равшан тортмаслигини билиб, ўрнидан турди. — М. Хайруллаев, Тилла маржон

Шийпонда ўтирган Нодир бобосини кўриб, шошиб ўрнидан турди-ю, кўнгли бузилиб, салом беришниям унутди. — С. Юнусов, Кутилмаган хазина

11. Уйғониб, ўрнидан қўзғалмоқ, ўрнини тарк этмоқ.

Меъмор барвақт туриб, уч шогирди билан бирга ташқари ҳовлида нонушта қилди. — Мирмуҳсин, Меъмор

Эр-талаб булбулларнинг хонишидан барвақт туриб, узумзор, пахтазорларни айландик. — Шукрулло, Жавоҳирлар сандиғи

12. кўчма Ҳаракатга келмоқ, қўзғалмоқ, кўтарилмоқ (шамол, чанг-тўзон ва шу кабилар ҳақида).

Кейин довул турди Мўйтанлар қоча бошлади. — А. Мухтор, Қорақалпоқ қиссаси

Шамол турди, чинор япроқларининг сояси титрай бошлади. — Газетадан

13. ёрд. фл. взф. Равишдошнинг -(и)б, -а, -й қўшимчали шакллари билан қўлланиб, етакчи феъл билдирган ҳаракатнинг давомлилиги, вақтинчалик ҳаракат экани ва бошқалар маъноларни билдиради.

Қатнаб турмоқ. Сўраб турмоқ. Бақрайиб турмоқ. Ишлаб турмоқ.

Эшик очиқ бўлгани учун ичкаридан футбол комментаторининг узуқ-юлуқ овози эшитилиб турарди. — Ф. Мусажонов, Нозик масала

Сартарошлик ёмон касб эмас. Оппоқ халатларни кийиб, атир-упалар ҳиди бурқираб турган озода хонада ўтирасан. — Э. Раимов, Ажаб қишлоқ

ёқимсиз, нафратланарлирусчанеприятный, ненавистныйинглизчаunpleasant

Асïйсïз киšилäр киšикä турï Наф келтирмайдиган кишилар бошқаларнинг нафратига дучор бўлади – Люди не приносящие пользы другим, ненавистны людям –Пеопле вҳо до нот бенефит отҳерс, коме акросс ҳате оф пеопле

от 1. Туркия давлати асосий, туб аҳолисининг, миллатининг номи.

Турк халқи. Турк миллати.

2. Шу халқ, миллатга тегишли, мансуб, оид.

Турк аёли. Турк тили.

от Ҳосили кўкишроқ рангда бўладиган ва пиширилмай овқатга қўшиб ейиладиган сабзавот ўсимлиги.

Турпга сув қўймоқ. Турп тўғрамоқ.

Шўрни аритиш учун сувни кўп талаб қиладиган шолғом ва турп экиш энг яхши чора эмиш. — А. Қодирий, Обид кетмон

Кекса темирчи чучук турп билан ош ейишни севарди. — Ш. Рашидов, Қудратли тўлқин

Бу пайт графинда коняк билан икки ликопча тўғралган турп қўйиб кетди. — Ж. Абдуллахонов, Орият

Мевасидан шарбат олинганда, 20-25 процент турпи қолади. — Фан ва турмуш

от Ташқи қиёфа, авзо, важоҳат (асосан, салбий муносабат билан)

Турқи совуқ одам. Турқини бузмай гапирмоқ. Турқинг қурсин! Турқингни ел есин!

Турқи бузуқ эркакларнинг Ур уни [Ҳожарни]! У қишлоғимизга иснод келтирди! деб худди ҳайвондек ўкирганлари қулоқларим остида қайта янгради. — Ҳ. Носирова, Мен ўзбек қизиман

Шу вақт буталар орасидан кет! деган ёʻғон товуш эшитилди. Бирдан итларнинг турқи ўзгарди-қолди. — С. Анорбоев, Оқсой

Ширмонхон ҳовлига чиқди. Осмон юзини қоплаган турқи хунук булутларга ташвишли назар ташлади. — С. Зуннунова, Олов

Девор устида турган ўн икки ёшлардаги бир қиз девордан кесак кўчириб олиб, мулла Норқўзига ўқталди: — Ҳа ўл, турқинг қурсин! — А. Қаҳҳор, Майиз емаган хотин

— Отинг ўчкур, — деди ичида ўгай она Умидга тикилиб, — ҳали сен одам бўлиб қолдингми! Туришини қара, вой турқингни ел есин! — Мирмуҳсин, Умид