Қидирув

сфт. 1. Эни, кенглиги унча катта бўлмаган; энсиз, камбар.

Тор лента. Топ кўча. Топ ёʻлак.

У баланд бўйли, пешонаси тор, ўткир юзли, бети ҳам соқолидай қоп-қора киши. — Ойбек, Танланган асарлар

2. Ҳажми, сиғими унча катта бўлмаган; сиқиқ.

Тор уй. Тор кийим.

Қоратой турди, тор ва дим ҳовлида бўғилган каби, эски, йиртиқ кўйлаги билан елпинди. — Ойбек, Танланган асарлар

Ушбу кенг дунё кўзимга бўлди тор! — А. Қодирий, Ўтган кунлар

Аваз ярим соатча дам тортиб ўтирди-ю, бу тор, ним-қоронғи устахонадан зерикиб чиқиб кетди. — С. Сиёев, Ёруғлик

Домла, бошида чамандагул дўппи, эгнида калта ва тор катак кўйлак. — А. Қаҳҳор, Тўйда аза

3. кўчма Чегараси, кўлами унча катта бўлмаган, чекли.

Тор соҳа. Тор доирада қўлланадиган сўзлар.

4. кўчма Жуда қаттиқ, бахил одам ҳақи-да.

Торга тор дунё, кенгга кенг дунё. — Мақол

5. Дўппи тор келмоқ Ноқулай, ночор, танг аҳволда қолмоқ, аҳволи мушкуллашмоқ.

Баъзи қаллоб одамлар учун нима кўп — важ-корсон кўп. Дўппи тор келганда, оғизларига келганни қайтаришмайди. — Газетадан

Дўппи тор келдими, дарров Жўрабоевнинг паноҳига тиқилишади. — Ш. Рашидов, Бўрондан кучли

Ёлғон чиқиб гапи, дўппи тор келса, Ҳеч ким ёʻғин пойлаб сўрайди узр! — С. Абдуқаҳҳор

кўзи тор савдогарларни сатира остига олади. — Муштум

Ўзлариям ўлгунча кўзи тор, зиқна одам, пул бўлса-бўлгани — Ғ. Ғулом, Шум бола

от 1. тар. Юқори табақага мансуб киши; зодагон, оқсуяк, аристократ.

Бу икки қаватли катта ҳовли Азлархон тўранинг ҳовлиси эди. — Ойдин, Ҳазил эмиш

2. тар. Хонлар даврида ва чор Россияси даврида Туркистонда катта амалдор, ҳоким.

Унга жавоб қилмай, ҳокимдан сўради: — Нима қилайлик бўлмаса, тўрам? — М. Исмоилий, Фарғона тонг отгунча

Элликбоши ўйлади: Маҳкамага бориб, Ҳакимбойваччанинг обрўсини дастак қиламан. Тўраларнинг оғзига уриш учун пулни бойвачча беради. Мандан нима кетади, Қабул қилаверай. — Ойбек, Танланган асарлар

3. Ҳурмат юзасидан ёки улуғлаб, кишиларнинг номига, унвонига, мансабига, шунингдек, кўчма маънода баъзи нарсаларни билдирувчи сўзларга қўшиб ишлатиладиган сўз.

[Содиқ:] Ҳа-ҳа-ҳа, балли, Мутал тўрам! — А. Қодирий, Ўтган кунлар

[Мулладўст ўзига ўзи:] Оббо, ҳай бу кун-эрта ёр-ёр, чилдирма бака-банг, қиблага қараб куёв тўрам ўтирадилар. — Ҳамза, Майсаранинг иши

Қудрат ака, паловхон тўра ўзларини жуда азиз қилиб қўйдилар, қарздормиз. — Н. Сафаров, Уйғониш

Мана, ёнига коняк тўрани қўйиб, тўнғич ҳосил билан дастурхонни безатдим. — Ш. Рашидов, Бўрондан кучли

4. кўчма Расмиятчи, расмиятпараст, бюрократ.

Бошқарма идорасига жойлашиб қолган икки-учта ўзбилармон тўранинг бебошлиги туфайли ишлар кетга кетганди. — Ш. Ғуломов, Ёрқин уфқлар

5. Тўра (эркаклар исми).

от Тўқайзор, ботқоқлик ерлардаги ўсимлик қолдиқларининг табиий чиришидан ҳосил бўлган зич масса; фойдали қазилма (ёқилғи, ўгит, хомашё сифатида ишлатилади).

Торф қазиб олиш.

от Одам танасининг елкасидан сонигача бўлган қисми ва шу қисмни ифодалаган ҳайкал.

сон 1. 4 рақами ва шу рақам билан ифодаланган сон, миқдор.

Тўрт кун. Тўрт сўм. Тўрт килограмм. Тўртдан бир улуш. Ўндан тўрт ҳисса. Тўрт баравар оширмоқ.

Тўрт атрофда садоқатли дўстлар, ҳамфикрлар. — Ш. Рашидов, Бўрондан кучли

Ёнига тўрт нафар ясовул олиб, Султонали ёʻлга тушди. — А. Қодирий, Меҳробдан чаён

Бой чой қоғозга ёзилиб, тўрт букланган хатни очди. — Ойбек, Танланган асарлар

2. Беш балли баҳо тизимида: аълодан кейинги яхши баҳо.

Ҳамма дарслардан тўрт олдим.

қонун, қоида, адолат, тинчликрусчазакон, порядок, правилаинглизчаrule

Тўрü бирлä атïн қопурдï ўрü Адолат билан номини юксалтирди – Посредством закона он возвысил свое имя – Бй лав, ҳе эхалтед ҳис наме