Поиск

fl. 1. Toʻshama solmoq, bosmoq, yotqizmoq, toʻshama bilan qoplamoq.

Koʻchaga tosh toʻshamoq. Botqoq yoʻlga shox toʻshamoq.

Adyolga gazeta toʻshab, mastava ichishdi. — Oʻ. Hoshimov, Qalbingga quloq sol

Ochil bilan Madumar yertoʻla kavlashni buyurishdi, yerga xashak toʻshashdi. — A. Muxtor, Chinor

2. Solmoq, yozmoq (oʻrin, palos va shu kabilarni).

Umri xola qizi bilan menga oʻrin toʻshab berdi. — Gʻayratiy, Uzoqdagi yor

Bozorov magazin roʻparasiga, ariq boʻyidagi suriga qizil gilam, ikkita koʻrpacha toʻshab, toʻrtta par yostiq tashlab qoʻyibdi. — I. Rahim, Chin muhabbat

Oydinda u [juvon] oʻziga supa oʻrtasiga oʻrin toʻshayotganini koʻrib turibman. — S. Ahmad, Taʼzim

3. koʻchma Biror narsani shunday toʻshamalarga nisbatlab ifodalaydi.

Qor boʻroni yer yuziga bir yarim qarich oppoq qor toʻshab oʻz ishini tugatdi. — P. Tursun, Oʻqituvchi

Nishab boʻlib borgan va oxiri osmon bilan tutashgan Navoiy koʻchasiga kun botishdagi imoratlar uzun soya toʻshab turardi — P. Qodirov, Uch ildiz

Shu koʻzlar yulduzday abadiy kulsin, Bahor yoʻllaringga toʻshasin chechak. — Zulfiya

ot 1. Jun, paxta singari yumshoq narsa solib tikib tayyorlangan, yotish, oʻtirish uchun toʻshaladigan buyum, anjom.

Par toʻshak. Jun toʻshak. Duxoba jildli toʻshak. Oʻz uyim —oʻlan toʻshagim. — Matal

Dilshod tokcha yonidagi toʻshakka oʻtirdi. — M. Ismoiliy, Fargʻona tong otguncha

Toʻy uchun yangi koʻrpalar qoplamoqchi boʻladilar, par toʻshaklar olmoqchi boʻladilar. — A. Qodiriy, Oʻtgan kunlar

2. Yotish uchun solingan oʻrin; ost va ustga tashlanadigan (solinadigan) narsa.

Chala yechinib, yupqa toʻshakka kirdim. — S. Siyoyev, Yorugʻlik

Top uyni toʻldirgan ahil, tinch uy-qu ogʻushidan hammalari bir zumda, goʻyo toʻshakni olov qamraganday sakrab turdilar. — Oybek, Quyosh qoraymas

Zuhra begim olti yildan beri toʻshakda yolgʻiz yotadi. Uning gulday umri bevalikda soʻlib boryapti. — P. Qodirov, Yulduzli tunlar

3. shv. Koʻrpacha, poyandoz.

ot Biror yuzaga toʻshalgan, solingan, yotqizilgan narsa, qatlam.

Poxol toʻshama. Botqoq yoʻlga bosilgan shox toʻshama.

Qalin qoʻy qiylari oʻrnidan qoʻzgʻatilib, ustiga yangi toʻshama sepib qoʻyilgan. H. Nuʼmon va A. — Shoraxmedov, Ota

U [Oynisa xola] qurtlarni ovqatlantirish, toʻshamalarini yangilash jadvalini koʻrib chiqdi. — A. Mirahmedov, Yot yuraklar

fl. Toʻshamoq feʼlining majhul nisbati.

fl. Toʻshamoq feʼlining orttirma nisbati.

fl. Toʻshamoq feʼlining birgalik nisbati.