Поиск

sft. 1. Asl, meʼyoriy, odatdagiga qara-ma-qarshi holatli; oldning aksi; teskari.

Qulahmad oʻzini kibor tutar, odam yuziga boqmay, ters qarab gapirardi. — Mirmuhsin, Choʻri

Katta hovliga ters boʻlgan panaroq joyda samovar qoʻyish bilan mashgʻul boʻldi. — Oybek, Tanlangan asarlar

Eshakka ters mindirilgan yuziga kuya surkalgan Umaralini koʻrgan Zumrad hushsiz qotib qoldi. — Oybek, Ulugʻ yoʻl

2. Qarama-qarshi tomon; teskari.

Mohi-roʻy shu koʻyi qachon meni koʻrsa, yoʻlini ters soladigan qiliq chiqardi. — S. Siyoyev, Erkaklar ertagi

— Hoy, menga qarang, — dedi Yoqutoyim shiddat bilan oynaga ters oʻgirilib S. — Anorboyev, Oqsoy

3. Oʻzaro muomala, munosabat va shu kabilarda bir-biri bilan kelishmaydigan; teskari.

Maxsum Mirobid bilan ilgari ters boʻlsa, endi apoq-chapoq, ogʻiz-burun oʻpishadi. — V. Gʻofurov, Vafodor

Shahnoz bilan ters boʻlgandan beri ikki yil oʻtib ketdi — R. Rahmon, Mehr koʻzda

4. Xulq-odob, muomalada qoʻpol; qoʻrs.

Xulqi ters, ogʻziga kelganini gapiradi, yozadi. — A. Muxtor, Chinor

Hoji soʻzini tugata olmadi. Hojining ters soʻziga chidolmagan Azizbek vahshiylarcha hayqirdi: — Nima dey-san!? A. — Qodiriy, Oʻtgan kunlar

sft. Quyoshga teskari, quyosh tushmaydigan, shimolga qaragan (togʻ, balandlik yonbagʻri, chuqurlik va shu kabilar haqida).

Unga Sherbek anavi terskay, qor yotgan qirning ortidan hali zamon ot oʻynatib chiqib qoladiganday tuyulaverdi. — S. Anorboyev, Oqsoy

Atrofini qurshagan toshlar orasidagi oʻrik-zor chorbogʻlar, kunduzi quyosh, kechasi oy nuridan yarqiraydigan xarsang toshlar, kun tushmas terskay jilgʻalar uning koʻz oldini band etib turardi. — P. Tursun, Oʻqituvchi

ot Ters holat, xususiyat, xatti-harakat, qiliq.

Terslik qilmoq.

Shaharning tersliklariga tishni tishga qoʻyib chidardim — H. Nazir, Koʻkterak shabadasi

fl. Xafa boʻlib, nimadir yoqmay (yoqtirmay) qovoq solmoq; tumtaymoq.

Otabek tersaygancha choyga kelib oʻtirdi, otasiga salom ham bermadi. A. — Qodiriy, Oʻtgan kunlar

Kampir jahl bilan tersayib oldi. — N. Aminov, Tillo tabassumlar

U [Kumush] mehmonxonaga kirgandan soʻng ham tersayib, tokchalardan nedir axtargandek yurina boshladi. — A. Qodiriy, Oʻtgan kunlar

ot Terskay boʻlish holati.

fl. 1. Oʻjarlik qilmoq, ters, teskari ish qilmoq.

Bolaning terslanadigan odati yoʻq.

2. Tumtayib olmoq, qovoq-dimogʻ qilmoq, tersaymoq.

Er-xotin indamadi, xuddi maslahatlashganday terslanib olishdi. Oraga noqulaylik choʻkdi. — R. Rahmon, Mehr koʻzda