Qidiruv

ot 1. Tergamoq feʼlidan harakat nomi.

2. huq. Jinoyat yuz bergan sharoit, uning sabablari va qatnashchilarini tekshirish, soʻroq qilish ishi; jinoiy ish boʻyicha dalillar yigʻish.

Dastlabki tergov. Tergov organlari. Tergov natijasi. Tergov oʻtkazmoq.

Sherbek rayonga joʻnadi. Uni yana tergovga chaqirishgan edi. — S. Anorboyev, Oqsoy

Rayon tergov idoralarining vakillari tomonidan jinoyat sodir boʻlgan joyda tekshirish oʻtkazilib, tegishli aktlar tuzilgandan keyin, jasadni aravaga solib, qishloqqa olib keldilar. — P. Tursun, Oʻqituvchi

fl. 1. Tekshirmoq, nazorat qilmoq; taʼqib ostiga olmoq, kuzatmoq.

Xizirov kibrlik bilan: — Maorifning ishini tergay olmaysiz. Nima qilsam, oʻzim bilaman, — dedi. — P. Tursun, Oʻqituvchi

[Mastura:] Shoh boʻlsang, sabab oʻgʻirlik qilgan fuqarolaringni tergamaysan? — A. Qahhor, Bashorat

Chol bolalarning nojoʻya harakatlarini tergab, mudirga yetkazib turar edi. — P. Tursun, Oʻqituvchi

Hammaga adolat qilding, Qoraxon, Tergamading buzuq, battol qizingni. — Ravshan

2. Nojoʻya harakatlarini nazoratda tutib, undan tiyish xatti-harakatlarini, yoʻllarini qilmoq; yomon yoʻldan qaytarib turmoq.

Men sizga oʻgʻilman, farzandingizman. Urishishga, soʻkishga, tergashga haqqingiz bor. — S. Ahmad, Qadrdon dalalar

Qayliq sizniki boʻlgandan keyin, tergash, tiyish ham siznikidir. — M. Ismoiliy, Fargʻona tong otguncha

3. huq. Tergov qilmoq; tergov, soʻroq qilib aniqlamoq.

Qoʻrboshi esa Otabekning ustida hali bunchalik tergashlar borligi uchun oʻzini bir oz toʻxtatib qoldi. — A. Qodiriy, Oʻtgan kunlar

ot 1. Birovning xatti-harakatini, yurish-turishini nazorat qilib, surishtirib, tergab turuvchi; nojoʻya ishdan, yoʻldan qaytaruvchi.

Nishonboyning koʻzlari vahshiyona chaqnab shangʻilladi: — Ha, sen tergovchimi menga? Bor-bor, oʻsha. — P. Tursun, Oʻqituvchi

2. huq. Biror ish yuzasidan dastlabki ter-gov oʻtkazuvchi lavozimli kishi.

Prokuratura tergovchisi. Xalq sudi tergovchisi.

Rayondan kelgan tergovchi uch kun ovora boʻlib, jinoyatchilarning izini topolmadi. — A. Qahhor, Qoʻshchinor chiroqlari

tergewsiz, sorap barlastırmay, sebebin anıqlamay

ot Tergovchi ishi, kasbi.

Tergovchilik qilmoq.

Tekshirishni juda yaxshi koʻrasiz-a, domla! Ilgari tergovchilik ham qilganmisiz, deyman? — M. Boboyev, Goʻzallik istab

ruschaследственное подразделениеinglizchainvestigative subdivision