Поиск

ot 1. Toʻgʻri fikr yurita olmaydigan, aqli noraso, esi past.

Tentak bola. Tentak toʻrini bermas. — Maqol

Ravshanbek shu yerda qip-qizil tentakka chiqib qoldi. — Ravshan

2. Aqldan ozgan, telba, devona; jinni.

Olti oyda Maryam tentak boʻlganmish, Eshon eshigida shoʻrlik oʻlganmish. — M. Alaviya

Qishda yalangoyoq yurgan kishini koʻrganlar uni, albatta, tentak boʻlsa kerak, deb oʻylaydi. — Fan va turmush

Hamshira Ahmadga tentaklarga qaragandek nazar tashladi. — F. Musajonov, Himmat

3. Shunday shaxsga nisbatlab, odatda oʻz yaqin kishisiga qarata (erkalash, yengil hazil bilan) aytiladigan soʻz.

-Darrov boʻl. tentak! — dedi kulib Tolib. — H. Shams, Dushman

— Voy tentagim-yey. doʻstning doʻstligi kishi boshiga kulfat tushganda bilinadi, qizim! — S. Anorboyev, Oqsoy

— Tentak! — dedi Adolat ham jahl, ham erkalash bilan — S. Zunnunova, Gulxan

4. koʻchma kam qoʻll. Jilovlanmagan, asov, telba.

Tentak daryo.

Men suvingdan kuch olsam, Tentak yeldan oʻch olsam. — Z. Diyor

Gohida oʻshandoq tentak xayollar Sendan voz kechmak-ka qistaydi hargiz. — R. Parfi

ot Tentakka xos ish, xatti-harakat.

Azizim, men tentaklik qilib uydan ketganim yoʻq. — Saodat

Boylik bilan ishi boʻlmagan Ahmadga Qayumxonning kerilishi tentaklikdek tuyuldi. — F. Musajonov, \im-mat

ot Qumursqa va hasharotlar bilan tirikchilik qiladigan, boshi katta, yassi, tumshugʻi keng va qisqa tun qushi.

fl. 1. Aniq bir maqsadsiz kezib yurmoq, bekorga sanqib, vaqt oʻtkazmoq, kezmoq.

U [Yormat] butun kun kuyib-yonib, boshi oqqan yerlarda jinnilarday tentirab, xufton vaqtida boynikiga sanqib kelib qoldi. — Oybek, Tanlangan asarlar

U koʻp tentirab charchagani ustiga, singlisini uzoq yolgʻizlatib qoʻyganidan xijolatda edi. — H. Nazir, Soʻnmas chaqmoqlar

Kun boʻyi tentiragani tentiragan. Hoʻkizday yigit boʻlib qolganidan xabari yoʻq. — E. Raimov, Ajab qishloq

2. Sarson-sargardon boʻlmoq, sargardonlikda yurmoq.

Senlarning zulmingdan qancha odamlar tentiradi. Oʻz qishlogʻiga oʻzi sigʻmadi. — P. Tursun, Oʻqituvchi

Axir, nima deysiz, ochmiz demay, sovuqmiz demay, ketingizda bir yil tentiradik. H. Ahmar, Kim haq?

3. koʻchma Kezmoq, esmoq; izgʻimoq.

Dashtning salqin shamoli tentirab, chodirning ipagini yengil mavjlantiradi. — Oybek, Navoiy

Yer ustida bulutlar soyasi tentirab qoldi. — M. Mansurov, Yombi

4. shv. Charchash, kasallik va shu kabilar natijasida chayqalib yurmoq, gandiraklamoq.

U [Saidiy] mast kishiday tentirar edi. — A. Qahhor, Sarob

U [Muxtorxon domla] yarim yoʻlgacha chamadonlarni ozod koʻtarib, bardam qadam tashlab bordi-yu, undan nari rangi oqarib, tizzalari qaltirab, tentiray boshladi. — A. Qahhor, Toʻyda aza

Maydon birdan qoʻzgʻaldi. Boshiga qon quyilgan, koʻzlari qip-qizil odamlarning qad koʻtarganlari tentirab ketdi, belini yozolmaganlari qichqirib yubordi. — A. Muxtor, Chinor

5. shv. Nima qilishni bilmay qolmoq, oʻzini yoʻqotib qoʻymoq; sarosimaga tushmoq; esankiramoq.

Janjalning foydasi shundan iboratki, Ehson yengilsa, tentiraydi, yordam beradigan kishi izlaydi. — A. Qahhor, Sarob

fl. Tentiramoq feʼlining orttirma nisbati.

ot Tentiramoq feʼlidan sifatdosh.