Қидирув

от Талашмоқ феълидан сифатдош.

фл. 1. Зўрлик билан ёпирилиб тортиб олмоқ, олиб қўймоқ.

Қўқонни талаб, бизнинг устимизга қўшин тортиб келаётган Султон Аҳмад мирзо эса бизнинг подшомиз билан бир отадан бўлган оға-инилар. — П. Қодиров, Юлдузли тунлар

2. Талашиб-тортишиб харид қилмоқ.

Янги китобни бирпасда талаб кетишди.

3. Кўп бўлиб, биргалашиб ташланмоқ, ёпишмоқ.

Арилар таламоқ.

Болалар бараварига Раҳимни талай бошлашди. — Ҳ. Назир, Ёнар дарё

4. Киши ёки нарсага давомли (такрор-такрор) ҳужум қилмоқ, шу тарзда юлиб-юлқимоқ.

Ҳув анави ялангликка қаранглар! Унда одамзод суяги ётибди. Бечорани қашқир талаган бўлса керак. — Мирмуҳсин, Меъмор

5. кўчма с. т. Қаттиқ уришиб бермоқ, юлиб-юлқиб ёпишмоқ.

Кичкина бир қизчадан дакки еган аёл Эргашойни талаб берди. — Н. Сафаров, Олияхон Султонова

6. кўчма с. т. Таталамоқ, тирнамоқ, ғаш қилмоқ.

[Алишернинг] Кўнглини шубҳа, ғазаб, пушаймон ҳислари талар эди. — М. Осим, Зулмат ичра нур

ўзбекчаталамоқ, маҳкам ушламоқрусчаграбить, разорятьинглизчаsteal

Bu Afrasiyab tuttï ellär talab Бу Афросиёб элларни ўз тасарруфига олиб тутди – Этот [самый] Афрасиаб, грабя, захватывал страны – Тҳис [мост] Афрасиаб, плундеринг, сеизед тҳе коунтрй

фл. 1. Таламоқ феълининг биргалик нисбати.

2. Ўзиники қилиш учун тиришиб ёпишмоқ, айтишмоқ, олишмоқ.

Жой талашмоқ.

Талашиб, тортишиб, кўпроқ олган бир аёл ўз насибасидан Бувинисонинг косасига озгина солиб берди. — П. Турсун, Ўқитувчи

Йигит, бошлиқ билан пул талашиб, айтишиб қолгани эсига тушиб, яна зардаси қайнади. — М. Мансуров, Ёмби

3. Даъволашиб уруш-жанжал қилмоқ, низолашмоқ, уришмоқ.

Тахт талашмоқ.

Нега подшолар уришади? — Ер-сув талашиб уришади! — П. Турсун, Ўқитувчи

Қайнсинглисининг уй-жойини талашиб нима қиларди? — Буниси ўзига аён. — Газетадан

4. Баҳслашмоқ, тортишмоқ.

Деворга орқасини бериб, ёнма-ён турган ўрта ёшдаги икки аёл нима ҳақидадир талашмоқда эдилар. — Н. Сафаров, Олияхон Султонова

Баҳслашадилар, ҳар ким ўз ёнидаги билан талашади. — А. Қодирий, Улоқса

от 1. Қатъият билан қилинган сўров, илтимос.

Лекин нима қилсин, раҳбарнинг буйруғи, талаби. — Ҳ. Шамс, Душман

Замира кўпчиликнинг талаби билан ўрнидан турар экан, қизил атлас кўйлагининг ранги юзига ургандай, қип-қизариб кетди. — П. Қодиров, Уч илдиз

2. Бажарилиши, бўлиши шарт ва тақозо этиладиган нарса (нарсалар).

Олий ўқув юртига кириш талаблари. Стандарт талабларига жавоб бермоқ.

Бироқ жангнинг энг масъулиятли пайтида устав талабини бажариш имкони бўлмади. — И. Раҳим, Чин муҳаббат

Мантиқ талаби шу эрур, шоҳим. — С. Сиёев, Ёруғлик

3. Эҳтиёж, истак.

Унинг талаби катта. Маданий молларга талаб кучаймоқда.

Ҳозирча у бу ҳужжат билан мамлакат талабини қондиришга — маориф фронтига боради — П. Турсун, Ўқитувчи

4. иқт. Харидор, истеъмолчининг бозор-да муайян товарларни, неъматларни сотиб олиш истаги.

Муайян товарга ёки товарлар тўпламига барча харидорлар билдирган талаб йиғиндиси бозор талаби дейилади. — Ўзме

5. с. т. Талабгор, хоҳловчи.

Талаб борми?У билан курашишга талаб чиқмади.

Кулич келиб ялаб-ялаб, Икки ёв урушга талаб. — Ширин билан Шакар

6. сфт. Отларга бирикиб, ўша отдан англашилган нарсани истайдиган, унга муҳтож, талабгор маъносини билдиради (Бундай бирикмаларнинг аксарияти қўшма сўзга айланган).

Сув талаб экинлар. Изоҳ талаб ибора. Чопиқ талаб ғўзалар.

Ўктамнинг қовжироқ лаблари чойталаб эди. — Ойбек, Олтин водийдан шабадалар

Чунончи, Алпомиш, Манас —умр бўйи тирноқ кўрмай, фарзанд талаб бўлиб юрган чол ва кампирнинг ўғиллари. — Ғ. Саломов, Таржима назариясига кириш