Qidiruv

fl. 1. Zoʻrlik bilan yopirilib tortib olmoq, olib qoʻymoq.

Qoʻqonni talab, bizning ustimizga qoʻshin tortib kelayotgan Sulton Ahmad mirzo esa bizning podshomiz bilan bir otadan boʻlgan ogʻa-inilar. — P. Qodirov, Yulduzli tunlar

2. Talashib-tortishib xarid qilmoq.

Yangi kitobni birpasda talab ketishdi.

3. Koʻp boʻlib, birgalashib tashlanmoq, yopishmoq.

Arilar talamoq.

Bolalar baravariga Rahimni talay boshlashdi. — H. Nazir, Yonar daryo

4. Kishi yoki narsaga davomli (takror-takror) hujum qilmoq, shu tarzda yulib-yulqimoq.

Huv anavi yalanglikka qaranglar! Unda odamzod suyagi yotibdi. Bechorani qashqir talagan boʻlsa kerak. — Mirmuhsin, Meʼmor

5. koʻchma s. t. Qattiq urishib bermoq, yulib-yulqib yopishmoq.

Kichkina bir qizchadan dakki yegan ayol Ergashoyni talab berdi. — N. Safarov, Oliyaxon Sultonova

6. koʻchma s. t. Tatalamoq, tirnamoq, gʻash qilmoq.

[Alisherning] Koʻnglini shubha, gʻazab, pushaymon hislari talar edi. — M. Osim, Zulmat ichra nur

oʻzbekchatalamoq, mahkam ushlamoqruschaграбить, разорятьinglizchasteal

Bu Afrasiyab tuttï ellär talab Bu Afrosiyob ellarni oʻz tasarrufiga olib tutdi – Этот [самый] Афрасиаб, грабя, захватывал страны – This [most] Afrasiab, plundering, seized the country

fl. Talamoq feʼlining majhul nisbati.

ot 1. Yuqori darajali tugʻma qobiliyat; isteʼdod.

Birovlarga suykalib emas oʻz mehnati, talanti bilan obroʻ olishi kerak. — Mirmuhsin, Umid

Noyob talant egasi boʻlgan Yusufjon qiziq oʻz xalqining aziz farzandlaridan biridir. — T. Obidov, Yusufjon qiziq

2. Yuksak qobiliyatga, katta isteʼdodga ega boʻlgan shaxs.

Bizda yaxshi talantlar juda koʻp.

Abdulla Qodiriy, Gʻafur Gʻulom, Abdulla Qahhor kabi tugʻma talantlardan har qancha oʻrgansang arziydi. — M. Joʻra, Noshirnoma

3. Yunoniston va boshqalar ayrim qadimgi davlatlarda ogʻirlik va pul oʻlchovi birligi.

Qadimgi Rimdagi kumush yombilar bir talant ogʻirligida chiqarilgan. — Fan va turmush

sft. Yuqori darajali qobiliyatga, talantga ega boʻlgan; isteʼdodli.

Talantli bola. Talantli sozanda.

Ichi qora, hasadgoʻy kishi aqlli va talantli kishilardan oʻrganish oʻrniga, ularga baxillik qiladi. — R. Usmonov, Odobnoma

Xalq oʻzining talantli farzandi Hamid Olimjonga haykal qoʻyyapti. — N. Safarov, Olovli izlar

sft. Talanti yoʻq; isteʼdodsiz.