Hayot Foundation лойиҳаси
Лойиҳа ҳақида
Ўз
Ўз

Қидирув

«сояки» бўйича 19 та натижа: Ўзбекчадан

Филтр
Луғат тури
Изоҳли Таржима Терминологик
Тилдан
Ўзбекча Инглизча Туркча
Тилга
Русча Инглизча Қорақалпоқча Немисча Арабча Туркча

Луғат мақолалари

17 та
сояки

от 1. Хўраки ва винобоп узум нави.

Бир бош сояки.

2. Шу узумдан солинган вино.

Бизда асо-сан узумнинг саперави, сояки, оқ мускат каби вино сортлари, майизбоп қора кишмиш навлари ўстирилади. — М. Мирзааҳмедов, Гулистонликлар бўстонида

3. Шу узумдан қуритилган майиз.

Аҳмадхон учун маҳрамлар, Тахсимчага соп келди, Сояки, майда майиз. — Гулшанбоғ

Тўлиқ мақола →
соя
Изоҳли луғат · яна 5 та луғатда

от Дуккаклилар оиласига мансуб, ловияга ўхшаш бир йиллик ўсимлик ва унинг озиқ-овқат саноатида кенг қўлланадиган дони.

Соя унидан сут, творог, қандолат маҳсулотлари тайёрлашда фойдаланилади. — Ўзме

  • Соя солмоқ (ёки ташламоқ) 1. Соя бермоқ, соя ҳосил қилмоқ, соя қилиб турмоқ. Шипга осиғлиқ қирқинчи чироқнинг қалпоғи уй деворларининг тепа ёғига чўзиқ соя солган. — Ҳ. Ғулом, МашъалУ [Азиза] қуюқ соя таш-лаган дарахт остига ўтириб, хаёлга толди. — Ёшлик— Кумуш менга тик қаролмас, юзларига хижолат соя солган эди, — деди Камолиддин. — Т. Жалолов, Олтин қафас
  • Соя қайтди Кун ярмидан оғди, кечга қараб кетди. Кечки пайт, соя қайтганда, Анзират хола унга [Сидиқжонга] даричанинг олдидаги супага жой қилиб берди. — А. Қаҳҳор, Қўшчинор чироқлари
  • Офтобни сояга етказмай (ёки келтирмай) Бир зум ҳам кечиктирмай, дарҳол. [Холмат:] Тасаддуғингиз кетай. Дўпписини олиб кел, десангиз, ахир биз жаллод кимнинг ажази еца, пойқадамингизда офтобни сояга етказмай, бошини кесиб келтирамиз-да! — Ҳамза, Бой ила хизматчи
  • Сояда қолдирмоқ Ўз устунлиги билан кимсани панада, орқада қолдирмоқ. Йиллар ўтган сари Исломхоннинг таърифи кўп усталарни сояда қолдириб кетди. — М. Исмоилий, Одамийлик қиссаси
  • Сояда қолмоқ Панада қолмоқ, кўзга кўринмай, четда қолиб кетмоқ. Жўра полвон бригадасига андижонлик полвонларни танлаб олган эди, аммо биронтаси Азизхонга етолмас, унинг соясида қолиб кетарди. — С. Аҳмад, Уфқ
  • Сояси юпқа 1. Нозик, нимжон, заиф; [Гулчеҳра:] Келин-пошшанинг сояси жуда юпқа, тил теккизманглар унга. — Ойбек, Улуғ ёʻл
  • Соясига кўрпача солмоқ (ёки салом бермоқ) 1. Жуда ҳам ҳурмат қилмоқ, ҳурматини жойига келтирмоқ. — Қўрқдингизми? — дейди Абдужалил тегирмончи ўз даъвосига асос солиб, — қишлоқ халқи бизнинг соямизга салом беради. — А. Қодирий, Обид кетмонУ [Яхшибоев] келди нима-ю келмади нима, боғ қилмоқчи бўлса, ана, мендан бошқа мингта боғбон бор, соясига кўрпача соладиган шогирдлари кўп, майли, ўшалар экиб, ўшалар кўкартириб бера қолсин. — М. М. Дўст, Лолазор
  • Ўз соясидан қўрқмоқ (ёки чўчимоқ, ҳадиксирамоқ, ҳуркмоқ) Ҳар нарсадан қўрқмоқ, жуда ҳам қўрқоқ бўлмоқ. Қўрқоқ от соясидан ҳуркар. — МақолЯхши эмас, Фармонқул ака, нега қуёнга ўхшаб ўз соянгиздан ҳадиксирайдиган бўлиб қолдингиз? — С. Маҳкамов, Шогирд
Тўлиқ мақола →
сояли
Изоҳли луғат · яна 1 та луғатда

сфт. Сояси кўп, серсоя.

Майдоннинг юқорисидаги тевараги шосупалар, сояли дарахтлар билан ўралган сарҳовуз — С. Айний, Қуллар

Тўлиқ мақола →
соябон
Изоҳли луғат · яна 4 та луғатда

от 1. айн. Зонтик.

Шойи соябон. Соябон тутмоқ.

Бўронбек чарм шапкали бошини соябон тагига яширди. — Ҳ. Ғулом, Машъал

Нариги хонада дарс тайёрлаб ўтирган неварасига, соябон тутиб, кўчадан тезда адасини чақириб келишни айтди. — Мирмуҳсин, Умид

2. с. т. Шляпа, шапка ва шу кабиларнинг соя берувчи қисми.

Шапканинг соябони.

Бежиримгина тилла гардишли кўзойнаги-ю сер-бар похол соябони ўзига бирам ярашган Валентина ҳорғин жилмайди. — М. Мансуров, Ёмби

Рўпарасида шляпанинг кенг соябони тагидан Хуморхоннинг кўзлари ёниб турарди. — А. Мухтор, Туғилиш

3. Умуман, қуёш нуридан ёки ёмғирдан сақловчи ҳар қандай қурилма, пана.

Автобус стансияларига соябонлар қурилмоқда.

Қуёш тиккага келиб, аёвсиз қиздираётгани учун, ҳар ер-ҳар ерда соябонлар тикилган. — Н. Аминов, Ёлғончи фаришталар

Шундай гаштли кунлардан бирида практикантлар, бошларида соябон, тепа устида давра қурганча, орқаларини офтобга тоблаб, карта ўйнаб ўтиришар эди. — М. Мансуров, Ёмби

4. кўчма Паноҳ, ҳомийлик, хайрихоҳлик.

Тоғлар боши хиёбон. Бир худойим соябон. — Нурали

Қон йиғлайсиз бу кун онам меҳрибон, Отам экан ҳаммамизга соябон. — Зулфизар билан Авазхон

  • Қўлини (ёки кафтини) соябон қилмоқ Қўлини (кафтини) пешонасига қўйиб, кўзларини қуёшдан паналамоқ. Зокир ота қўлини соябон қилиб, шудгорнинг узоқ этагигача чамалаб кўрди. — Ҳ. Ғулом, Замин юлдузлари
Тўлиқ мақола →

Ҳаммасини кўриш · 17 →

Таърифлар ичида

2 та
тоифи

тоифи Меваси қизил ва йирик, кечпишар узум навларидан бири; шу узумдан қилинган вино номи. 8 гектар токзордаги нимранг, сояки, тоифи каби узум навларининг ҳар гектари

сабза

сабза Ям-яшил барра ўт, майса. Баҳор, ҳар ён ёзилган сабза. Оҳуларда шўхлик ва ғамза. Ғайратий Офтоб ҳижронида тонг сабзаларга қўнди нам, Ўйлаким, киприкларим