Поиск

ot Sadoqatli boʻlish, sidqidillik, vafodorlik, sadoqat.

Vatanga sodiqlik. Doʻstlarning sodiqligi. Sodiqlik koʻrsatmoq.

Adolat bu ahil er-xotinning hayotini doim havas qilar, ularni bir-biriga sodiqligi uchun hurmatlar, oʻzining ham hayoti ana shunday boʻlishini orzu qilardi. — S. Zunnunova, Gulxan

sft. 1. Sidqidildan berilgan, sadoqatli.

Sodiq doʻst.

[Avaz] Yuragi bezillab, tevarakka nolon boqib oʻziga sodiq rafiq, safdosh, aniqrogʻi, bir rahnamo izlab yurgandek edi. — S. Siyoyev, Avaz

[Bobur] Ketganlarni qaytarib kelish uchun eng sodiq beklardan birini Andijonga yubordi. — P. Qodirov, Yulduzli tunlar

Men buyuk yurt oʻgʻlidirman, Men bashar farzandiman, Lekin avval senga boʻlsam Sodiq oʻgʻlon, oʻzbegim. — E. Vohidov, Muhabbatnoma

2. Sodiq (erkaklar ismi).