Поиск

ot 1. Savol, soʻrov.

Soʻroq bermoq. Soʻroq ohangi. Soʻroq gap.

Kechir, Zaynab, ojizdir Omon, Bu soʻrogʻing jon oʻrtar yomon. — H. Olimjon, Tanlangan asarlar

Nega?, deysan, tushunmaysan, oʻz soʻrogʻingning Javobini yuragingdan tinglab koʻrasan. — Gʻ. Gʻulom, Tanlangan asarlar

2. huq. Shaxsdan koʻrsatuv va tushuntiruv olish vositasi.

Soʻroq bermoq. Soʻroq qilmoq.

Soʻroq vaqtida qiynoqqa solish, zoʻravonlik, shafqatsizlik yoki inson shaʼni va qadr-qimmatini kamsituvchi boshqa tarzdagi tazyiqqa duchor etish jinoyat hisoblanadi. — OʻzME

3. ayn. Soʻrov 4.

Axir, ular saylovchi xalq-da! Ularning soʻrogʻiga, talabiga toʻla javob berish kerak-da. — Oydin, Sadagʻang boʻlay, komandir.

sft. 1. Ruxsat olmasdan, beruxsat.

Boʻtaboy soʻroqsiz eshikni ochib kirdi. — S. Ahmad, Hukm

Vaqt ham bizdan soʻroqsiz oʻtib boryapti. — M. Qoriyev, Oydin kechalar

2. huq. Soʻroq qilmasdan; tergovsiz.

Soʻroqsiz uch kun yotib chiqibdi.

fl. 1. Soʻramoq, soʻrab-surishtirmoq.

Chol Suvonjonning sharpasini sezdi shekilli, topdingmi? deb soʻroqlab qoldi. — S. Anorboyev, Oqsoy

2. Soʻrab-soʻrab qidirmoq, surishtirmoq; daraklamoq.

Yor ishqida necha bagʻrimni dogʻ-lab, Men borayin Shahrizarni soʻroqlab. — Malikayi ayyor

Parizodni soʻroqlab, Bagʻrini oʻtda dogʻlab, Xonning eshigin qoqdi, Erib suv boʻlib oqdi. — H. Olimjon

русскийдопросанглийскийinterrogating

русскийход допросаанглийскийinterrogation process

кто, что, какой, каков, который, чей