Қидирув

сфт. Кучсиз, куч-қуввати, дармони ёʻқ; куч-қуввати меъёрдагидан (нисбатан) кам; камқувват.

от 1. Ҳаракат-фаолиятга олиб келувчи қобилият; ҳаракатланиш, ҳаракатлантириш қобилияти; куч.

Қирқ минг элат ичида бу қизга қуввати баробар келадиган эр йигит ёʻқ. — Бўтакўз

Қаридим, иш қилишга қолмади қувват. — Ғайратий

Поезд борар қувватга тўлиб. — Ҳ. Пўлат

2. айн. Энергия.

Электр қуввати.

Шу сувнинг қувватидан уйимиз ёруғлиги. — Қ. Муҳаммадий

Улуғ кишилик ақли атомдаги қувватни Покиза умид билан қила ололди ижод. — Ғ. Ғулом

3. физ. Бир вақт бирлиги ичида бажарилган ёки бажариладиган иш миқдори.

500 мегаватт қувватга эга бўлган гидростансия. Қувват бир секундда бажарилган ишдир.

4. Корхоналарнинг ишлаб чиқариш имкониятлари мажмуи.

Мавжуд корхоналарнинг ишлаб чиқариш қувватини ошириш билан янги обектлар ҳам барпо этилди. — Фан ва турмуш

5. Куч, чидамлилик.

Чириган ёғочнинг қуввати бўлмайди.

6. кўчма Моддий, маънавий имконият; қодирлик, қурб; қобилият, лаёқат, билим.

Ўчда қаҳрамонларнинг ҳар иккаласи ҳам характер сифатида ўзларининг жозибадорлиги, маълум бир хислатларининг бўрттириб тасвирланиши билан китобхонни ўзига тортиб олиш қувватига эга. — М. Қўш-жонов, Поемадан романга

Элмурод кимда қандай ўқиш асбоби борлигини текшириб чиққандан кейин, ўқувчиларнинг қувватини синашга киришди. — П. Турсун, Ўқитувчи

Бир пиёла чойдаги қувват бир бурда нонга тенг эканлиги ҳисоблаб чиқилган. — К. Маҳмудов, Қизиқарли пазандалик

8. кўчма Далда, мадад.

Арғамчига қил қувват. — Мақол

Майин товуш эшитилди: — Келинглар раҳмат! Одамга одам қувват бўлади, минг раҳмат! — А. Қаҳҳор, Минг бир жон

Индамаса ҳам, шу ерда туриши, Ғуломжондан ниманидир кутиши йигит юрагига қувват берди. — М. Исмоилий, Фарғона тонг отгунча

от Қуввациз ҳолат; кам куч-қувватга эгалик.

Қуввацизликдан шикоят қилмоқ.

фл. Кучсизланмоқ, дармонсизланмоқ, куч-қувватдан қолмоқ.

Касалдан анча қуввацизланиб қолибди.

сфт. 1. Аниқловчи сўз билан қўлланиб, шу сўз англатган маънодаги (даражадаги) қувватга эгаликни билдиради.

Юқори қувватли электр симларини тортиш каби оғир юмушларни бажаришда қурувчиларнинг бирдан-бир ёрдамчиси ана шу вертолётлардир. — Фан ва турмуш

2. Қуввати меъёрдагига нисбатан ортиқ; кучли, бақувват.

Эли қувватлининг бели ҳам бақувват бўлади, деб қўйди кўнглида. — Шуҳрат, Жаннат қидирганлар

фл. Маъқулловчи, ёнини, тарафини олувчи ёки тасдиқловчи фикр билдирмоқ, ёқламоқ, қўлламоқ, ҳимоя қилмоқ.

Бировнинг сўзини, фикрини қувватламоқ. Ташаббусни қувватламоқ. Қарорни қувватламоқ.

— Ана у қизга ҳақ гапни айтдим, — деб Эргашойни қувватлади Шарофат хола. — Н. Сафаров, Олияхон Султонова

Гулистон кексалари, гўё кечаси билан маслаҳатлашиб чиққандек, бир-бирини қувватлаб гапира бошладилар. — И. Раҳим, Чин муҳаббат