kuchsiz

sft. 1. Jismoniy qobiliyati past, kuch-quvvati nisbatan oz; zaif.

— Burnidan tortsa yiqiladigan, kuchsiz, xunukkina kishi — bazzoz Abdulxoliqboy — qoshini chimirib, ingichka, xotinchalish ovozi bilan gapga aralashdi. — Oybek, Tanlangan asarlar

2. Biror ish qilish yoki ishlab chiqarish qobiliyati, quvvati boshqalardan past, oz; quvvatsiz.

Kuchsiz motor.

3. Iqtisodiy jihatdan kamquvvat, hol-qudrati nisbatan past, oz.

Hukumatga chap berib, kuchsiz xoʻjaliklarning badaniga zulukday yopishib olgan mana shunaqa odamlarning tanobini tortish kerak. — A. Qahhor, Qoʻshchinor chiroqlari

4. Taʼsir kuchi past; boʻsh.

Kuchsiz dori.

5. Zuhur etish darajasi past, oz; sekin yoki sust yuz beradigan; zaif.

Kuchsiz ovoz. Kuchsiz shamol. Kuchsiz portlash.

Doʻllar toʻgʻrisidagi beshinchi chiroq; titrab-titrab, un gardi oʻtirgan kichkina shishasidan xira, kuchsiz nur sochib turadi. — A. Qodiriy, Obid ketmon

Kampir kuchsiz xurrak torta boshladi. — Oybek, Tanlangan asarlar

6. Oʻz ish-hunarini yaxshi bilmaydigan, qobiliyati past; boʻsh.

Toʻrtinchi sinfning hammasi eng yaxshi oʻqiydigan bolalar boʻlsa ham, oʻqishda hamma darslardan kuchsiz, ruschadan esa hech tayyorlamaydigan Mirzajon Latifiy degan ham bor edi. — P. Tursun, Oʻqituvchi

7. s. t. Tarkibida oʻgʻit moddalari kam; unumsiz, oriq.

Yer kuchsiz boʻlganidan keyin, darmonsiz tanga yopishadi-da har xil dard. — S. Nurov, Narvon

8. Kam kaloriyali, yengil.

Kuchsiz ovqat.

1. schwach, schlaff

2. (boʻsh)lose, locker

3. (kasal)schwächlich, kränklich, gebrechlich

4. (yomon)schwach, schlecht, mittelmäßig

5. (ingichka, nozik)dünn, leicht, schwach

a powerless, helpless, weak, feeble

kúshsiz, kúshi joq, ázzi

weak, delicate, faint, loose, poor.