сфт.
1.
Бўйлама ўлчами, узунлиги унча катта бўлмаган; калта.
Қисқа ёғоч. Қисқа юбка. Қисқа ёʻл. Қисқа сочли аёл. Бўйи қисқа одам. Бўйни қисқа от. Қисқа метражли филм. Ёғочни узун, темирни қисқа кес. — Мақол
Икки ёʻловчининг қисқа соялари катта-кичик тош, турли дашт ўсимликлари устидан эгилиб борар эди. — А. Қаҳҳор, Мастон
Салимбойвачча эса, катта ёʻлга қараганда анча қисқа, ёлғизоёқ ёʻлдан ўз боғига кетди. — Ойбек, Танланган асарлар
хушбичим бурун тагида буровга келмаган қундуз мийиқ, иякни жуда ҳам чиройли ўраб олган қора қисқа соқол. — М. Исмоилий, Фарғона тонг отгунча
2.
Давомлилиги кичик, узун эмас; ихчам.
Қисқа жумла. Қисқа ахборот.
Умар Ҳайёмнинг қисқа, лекин сермазмун байтларига сингдирилган ҳаёт фалсафаси буюк, ҳаёт ва дунёдайин бепоён. — Газетадан
Ўқитувчи қисқа ифодада кўп фикр айта билиш маҳоратига эга бўлмоғи лозим. — Р. Усмонов, Одобнома
Ёнимда хаёл суриб ўтирган бек: — Борганда биласиз, домла, — деб қисқагина жавоб қилиб қўя қолди. — Ҳ. Тулом, Машъал
3.
Давомийлиги узун бўлмаган (вақт ҳақида); зид. узун.
Қисқа муддат.
Ёз кечаси қисқа. Ёʻлчи бир чимдим ухлаб кўзини очаркан, тонг отган эди. — Ойбек, Танланган асарлар
Эндиги муҳим вазифа — ўрим-йиғимни ғоят қисқа фурсатда уюшқоқлик билан ўтказишдан иборат. — Газетадан
