Қидирув

от Денгиз ёки дарё қирғоғида кемалар турадиган ва таъмирланадиган, юк юклаш ва туширишга мўлжалланган, кемаларни ноқулай об-ҳаводан муҳофаза қилувчи иншоотлари бўлган, махсус жиҳозланган жой.

Денгиз порти, Порт осмонини қора тутун қоплади. — Ҳ. Ғулом, Замин юлдузлари

Дунёдаги энг гавжум порт Ротердам (Голландия) ҳисобланади. — Газетадан

от Бинонинг меъморий жиҳатдан алоҳида ишлов берилган, бир қадар ажралиб турадиган олд, кириш қисми.

от 1. Кучли денгиз тўлқини, узоқ давом этадиган довул, бўрон.

Денгиз пўртанаси.

Пўртана ҳамма ерда шовқин-сурон кўтармоқда. Десантчи кемалар унсиз бўғозга яқинлашдилар. — Т. Рустамов, Мангу жасорат

Кейин Тошкентда ҳам пўртана кўтарилди! Ниҳоят Бухорода. — Ш. Холмирзаев, Қил кўприк

2. кўчма Туғён, эҳтирос.

Сезмакдаман, тўлмоқдадир паймонанг. Ўт олмоқда юрагингда пўртана. — Э. Охунова, Мен тонгни уйғотдим

Мейлаев ғазабим пўртанасини лом-мим демай кузатиб турди. — Х. Султонов, Онамнинг юрти

Лекин бу —

юрагидаги пўртана кўлмакка айланди, деган гап эмас. — Шарқ юлдузи

от 1. Китоб, дафтар, ҳужжат кабилар солиб олиб юриладиган дастали ва қопқоқли махсус сумка.

Ҳафиза портфелини айвонга отиб юбориб, ичкарига, уйга кирди-да, ечинмай, ўзини каравотга ташлади. — Мирмуҳсин, Умид

Портфелни олиб, эшик олдига бориб турдим. — С. Сиёев, Ёруғлик

Айниқса, отам олиб берган янги портфелнинг ҳиди бошқача туюларди. — Газетадан

2. Нашриётларда, газета, журнал муҳарририятларида навбатдаги нашр учун тўпланган қўлёзма материаллар мажмуи.

Муҳарририят портфелида анчагина мақола бор.

от 1. Реал ҳаётда мавжуд бўлган бир ёки бир неча кишининг ёки рассом тасаввуридаги қиёфанинг тасвири ёки фотограф томонидан ишланган сурати.

Декан чиқиб кетганидан кейин Гавҳар нам ўтиб кетган газетани варақлади. Иккинчи саҳифанинг чап томонида Гавҳарнинг катта портрети босилганди. — Ў. Ҳошимов, Қалбингга қулоқ сол

Чап девордаги гилам устига қоқилган Шамси Тўраевичнинг портретига тикилиб қолди Баширжон. — Н. Аминов, Қаҳқаҳа

Рассом ижодида портрет жанри асосий ўрин эгаллайди. — Газетадан

2. кўчма Адабий асарда персонажлар қиёфасининг тавсифи, тасвири.

Л. Толстой портрет устаси эди.

Драматик достонларда ҳам портрет, пейзаж бўлади. — УТА

сфт. Кўтариб юришга, бир жойдан иккинчи жойга кўчиришга қулай, енгил ва ихчам.

Портатив фотоаппарат

Бундай вазиятда [юрак хуружида] беморга универсал портатив асбоб — электрокардиограф ёрдамга келади. — Газетадан