от 1. Меҳнатга тоби ёʻқ, қўлини совуқ сувга урмайдиган аёл; оқсуяк аёл.
Ойимтилла бу келин, Аҳволига бир қаранг, Тирноқ қизил, лаб қизил, Ўсмадан қошлар таранг. — Ғ, Комилов
[Ҳаётхон:] Унга мен эмас, ойимтилла бўлиб, уйда ўтирадиган хотин керак-да. — Р. Раҳмонов, Бахт билан учрашув
2. Енгилтак, танноз аёл.
— Бу ойимтилла тоза енгилтак экан-ку, — деди ўзига-ўзи Қумри. — Мирмуҳсин, Ажрим
3. кест. Сояпарвар, иш ёқмас, хотинчалиш эркак.
Ўша ойимтиллаларнинг ишини қилолмайди деб ўйлайсизми, нархимизни кўпам ерга ураверманг. — С. Аҳмад, Қадрдон далалар