Qidiruv

fl. 1. Miqdor yoki hajm jihatidan koʻpaymoq; oʻsmoq; ortmoq.

Fakultetdagi talabalar soni besh yuzdan oshdi.

Paxta yildan yilga moʻl boʻlib, foydasi ham oshib turibdi. — Oybek, Tanlangan asarlar

2. Ortmoq, ortib qolmoq.

Xarajatdan besh soʻm oshib qoldi.

3. Koʻtarilmoq.

Oyim kuydi-yondi, dadamning qon bosimi oshib, kasalxonaga tushib qoldi. — S. Siyoyev, Yorugʻlik

Saodat labini jiyirib, shishachani qaytib uzatdi: — Yoʻq, besh soʻmdan oshsa olmayman — Yoshlik

Hali oftobning dami qaytmagan, Qoʻshariqning katta koʻchasidagi azamat teraklar toldan oshib, hovliga toʻrt enlikkina soya tashlagan payt edi. — S. Ahmad, Ufq

Har kun mol narxi oshadi, bozorda savdogarlarning qulogʻi tikkaygan. — Oybek, Tanlangan asarlar

4. Maʼlum bir payt chegarasidan utmoq; kechmoq; ogʻmoq.

Vaqt yarim kechadan oshdi. Soat uchdan oshdi. Ish boshlaganimga besh oydan oshdi. Yoshim qirq beshdan oshdi.

Soat oltiga belgilangan toʻy soat oʻndan oshganda boshlanibdi. — A. Qahhor, Toʻyda aza

5. Mol sotib olishda uning bahosini oshirmoq, narxiga narx qoʻshmoq, orttirmoq.

Boshqa bir raqib ilmasin, degan andisha bilan baqqol ham bir tangalab olaverdi. — Oybek, Tanlangan asarlar

6. Kuchaymoq, zoʻraymoq; yanada sezilarli, taʼsirli boʻlmoq.

Alami oshdi. Zavqim oshdi. Ixlosim oshdi. Kayfi oshdi. Gʻayrati oshdi. Ishga havasi oshdi.

Uyda oʻtiraverib, Murodning xunobi oshib ketdi. — T. Ashurov, Oq ot

Iskandar ich-ichidan jigʻibiyroni oshib, ters burilib chiqib ketdi. — M. Mansurov, Yombi

7. Takomillashmoq, yaxshilanmoq; yuqori bosqichga koʻtarilmoq.

Sotuvchining malakasi oshdi. Huquqiy ongimiz oshmoqda. Qadrlasang, qadring oshar. — Maqol

Bu hujjatni butun rayonga tarqatmoqchimiz, Sher, obroʻying oshib, choʻqqiga koʻtarilayotganingni bilyapsanmi?I. — Rahim, Ixlos

8. Biror jihatdan yoki biror sohada boshqalardan oʻtib ketmoq, oʻzmoq, zoʻr chiqmoq, orqada qoldirmoq.

Agar yengsang, zoʻr kelsang, oshsang, Doim seni toʻyga boshlayman. — E. Rahim, Yangi qadam

9. Maʼlum bir toʻsiq, chegara yoki balandlikdan oʻtmoq.

Dovon(dan) oshmoq. Devordan oshmoq. Togʻ(dan) oshmoq. Suv toʻgʻondan oshib tushyapti. Qimirlagan qir oshar. — Maqol

Shermat devordan oshib, hovliga tushdi va oyoq uchida yurgancha, burchakdagi uy oldiga keldi. — Yoshlik

Salomat qizlar bilan bogʻma-bogʻ oshib kelib, devor panasidan qoʻshiqqa quloq solardi. — S. Ahmad, Hukm

10. Qoʻldan qoʻlga, bir tashkilotdan boshqasiga oʻtmoq.

Ish tergovdan sudga oshdi.

11. Koʻpmoq, koʻpchimoq (xamir haqida).

Xamir oshdi.

1. Pishirilgan issiq ovqat

Ugra osh. Xoʻrda osh. yash Sovchilarni yaxshi soʻzlar va quyuq-suyuq oshlar bilan joʻnatib, ikkinchi kelishiga oʻylashib javob beradigan boʻldilar — A. Qodiriy, Oʻtgan kunlar

2. Umuman, har qanday ovqat, taom

Osh tuzi. Oshing halol boʻlsa, koʻchada ich! — Maqol

Elga bersang oshingni, Erlar silar boshing- — Maqol

Jon boʻlsa, jahon topilar, Osh boʻlsa, qozon topshshr — Maqol

Toʻra qozon boshidan mis tovoqda suyuq osh olib kelib, chordana quriboʻtirdi — N. Fozilov, Diydor

3. ayn. palov. . -Ultiring, oʻltiring, mehmon! — dedi usta Farfi. —

Osh damlamoq. yai Ilgarilari lagʻmon yoki osh yeyish uchun nuqul korxonadan tashqariga chiqishga majbur boʻlar edik — Gazetadan

Oshga sabzi bosildi-pishdi — A. Qodiriy, Oʻtgan kunlar

4. etn. Baʼzi munosabatlar bilan oʻtkaziladigan ziyofatlar nomining tarkibiy qismi, maye

qiz oshi, xotin oshi, arvoh oshi, maslahat oshi

fl. 1. Oshmoq 1-7, 9-10 feʼllarining orttirma nisbati.

Oylikni oshirmoq. Tovuqlar sonini oshirmoq. Hosilni oshirmoq.

Daryo suvini bahor toshirar, odam qadrini mehnat oshirar. — Maqol

Knyaz suv pulini uch baravar oshirib yuboribdi. — A. Qahhor, Qoʻshchinor chiroqlari

Odamlarning ruhini koʻtarish, hosil-dorlikni oshirish kerak. — T. Ashurov, Oq ot

Mavjud korxonalarning ishlab chiqarish quvvatini oshirish bilan yangi obyektlar ham barpo etildi. — Fan va turmush

2. s. t. Birovga berib, oʻtkazib yubormoq; pullamoq, sotmoq. Jinoyat ishini koptoksimon tergovdan tergovga, suddan sudga oshiraverdi Gazetadan.

Agar., qutichani biror yerga oshirgan boʻlsang, hali ham yaxshilikcha oʻrniga qaytar, — dedi Hoji bobo Shum bolaga. — Gʻ. Gʻulom, Shum bola

[Marasul:] Xumorxon shunaqa narsalarga oʻch, oʻshanga oshiramiz. — A. Qahhor, Ogʻriq tishlar

3. Boʻrttirmoq, mubolagʻa qilmoq.

Maqtovini oshirmoq.

— Yoʻq, siz juda oshirib yubordingiz, Sayfullaxoʻja, — dedi boshini chayqab, — sizlarnikida kuniga uch-toʻrt mahal emas, bir mahalgina issiq ovqat yer edim. — P. Tursun, Oʻqituvchi

Sidorov oshirib yuborganini tushundi. — E. Samandar, Daryosini yoʻqotgan qirgʻoq

4. Maʼlum chegara yoki balandlikdan oʻtkazmoq.

Bu safar Habibullo polvon Kullalik polvonni yelkasi uzra oshirib, otib tashladi. — T. Ashurov, Oq ot

Toʻrt-besh metr balandga yetganda, inqillab, qanordagi tuproqning yarmini yelkasidan oshirib toʻkadi-da, qolganini doʻngga opchiqib ketadi. — S. Ahmad, Ufq

ot Xamiri oshirilib, koʻpchitib tayyorlangan.

Oshirma non.

Oshirma, yaʼni xamirturush solingan xamirda har xil non yopish mumkin. — D. Siddiqov, Lazzatli taomlar

Yakka impulsga javobning choʻqqi qiymati va oʻrnatilgan rejimdagi signal qiymati oʻrtasidagi farq.ruschaпревышение, Разница между пиковым значением реакции на единичный импульс и значением сигнала в установившемся режиме.inglizchaovershoot

fl. Oshirmoq feʼlining majhul nisbati.

Oʻqituvchilarning malakasi oshirildi.

Simxayev zavodidagi yerlik ishchilar ish haqi oshirilishini talab etib, ish tashladilar. — M. Ismoiliy, Fargʻona tong otguncha

Ish prokuraturaga oshirilgan edi. A. — Muxtor, Kumush tola