Qidiruv

ot tlsh. Shakl va talaffuzi, yaʼni yozilishi va aytilishi bir, ammo maʼnosi boshqa-boshqa soʻzlar, shakldosh soʻzlar.

sft. 1. Sogʻ-salomat, eson-sogʻ.

Bosh omon boʻlsa, doʻppi topilar. — Maqol

Qorategindan keldingmi, opang omonmi? — A. Qodiriy, Oʻtgan kunlar

Bu bosh bevafo dunyoda nimalarni koʻrmadi deysiz. Koʻp toʻpolonlardan omon qoldi. — S. Anorboyev, Oqsoy

Tohir omon, hech bir shikast yegan yoʻq. — S. Abdulla, Tohir va Zuhra

2. Tinch, osoyishta.

Ona yurting omon boʻlsa, rang-roʻying somon boʻlmas. — Maqol

Dunyodagi barcha tinchliksevar kishilar ona zaminning omon qolishi uchun hamjihatlik bilan oʻz xohish-irodalarini namoyish etmoqdalar. — Gazetadan

3. Omon (erkaklar ismi).

sft. Omonimga xos, tegishli.

Soʻzning omonimik xususiyati.

ot 1. Biror tildagi omonimlarning jami, yigʻindisi.

2. Tilshunoslikning omonimlarni oʻrganadigan boʻlimi.

ot tlsh. Birdan ortiq til birligining talaffuz va yozilish jihatidan bir xil boʻlish hodisasi.

ot 1. Saqlab berish, vaqtincha foydalanish yoki boshqa bir kishiga eltib berish uchun topshirilgan.

Omonat xat. Omonat pul.

2. Omonatga saqlangan pul va boshqalar narsa, buyum.

Anov kuni qoʻyib ketgan omonatga keldim. — I. Rahim, Chin muhabbat

Omonatlarni egalariga topshirganimizdan keyin, mayli kuyovtoʻra qizimizni Makkaga olib borsalar ham, monelik yoʻq. — I. Oʻktamov, Hikoyalar

3. Mijozning maʼlum bir shartlar asosida bankka qoʻygan pul mablagʻi.

4. Nomigagina, shunchaki; zoʻrgʻa.

Chol supadagi yogʻoch soʻriga omonat ilinib, niyatini aytishga soʻz topolmay qiynaldi. — Yoshlik

Toʻychi poygakdagi choʻyan pech ustiga omonat oʻtirdi-da, yerga qaragancha, indamay, papirosga zoʻr berdi. — A. Koʻchimov, Halqa

5. Vaqtinchalik.

Odam — omonat, diydor — gʻanimat. — Maqol

Jiyan ijara uyda omonat oʻtirdi. — Yoshlik

6. Puturdan ketgan yoki zoʻrgʻa ilinib turgan.

Omonat bino.

Oshpaz kosaga lagʻmon suzib, yoʻnilmagan taxtadan omonat yasalgan stol ustiga qoʻydi. — S. Ahmad, Ufq