Изоҳли луғат
· яна 4 та луғатда
рвш. 1. Сўзловчидан ёки сўз бораётган пайт ё ўриндан узоқ, олис.
Нари тур. Ҳечқиси ёʻқ, бир кун нари, бир кун бери. Вокзалдан нари. Тошкентдан нари.
Анварни ўзлари турган маҳалладан бир гузар нари бўлган Солиҳ махдумнинг мактабига берди. — А. Қодирий, Меҳробдан чаён
Қизлар энди нари ёт, бери ёт билан бир-бирларини итариб, суриб, кўрпани тўрт томонга тортишиб, жанжаллаша бошладилар. — А. Қодирий, Меҳробдан чаён.
2. (ч. к. билан) кўм. взф. Кейин; ўтгач.
Мактабдан нарими, берими?
- Кўздан нари Одам ёки одамлар назаридан йироқ; холи, панада. Кўздан нари — кўнгилдан нари. — Мақол
- Нари борса ёки нариси билан Ортиғи билан, кўпи билан, жуда бўлса. Нариси билан, ўн кунлик иш.У [хотин] истараси иссиққина, нари борса, йигирма беш ёшларда эди. — А. Қаҳҳор, Қўшчинор чироқлари.
- Нари олиб бориб, бери олиб келмоқ Роса қийнамоқ, қийнаб ўласи қилмоқ. Овқат ҳазм бўлмай, мени нари олиб бориб, бери олиб келди.
- Нари турсин У ёқса турсин, тугул. Бизда милтиқ нари турсин, бир косов ҳам ёʻқлигини ўзингиз яхши биласиз. — С. Айний, Қуллар.
- Ундан нари(га) Ажаб бўлибди; ҳечқиси ёʻқ. Келса келар, келмаса ундан нари(га).
- Хаёлидан (ёки кўз олдидан) нари кетмаслик Унута олмаслик, кўз олдида доим намоён бўлмоқ. Остонада ўша қиз, шунча кундан буён унинг хаёлидан нари кетмай қолган ўша қизнинг ўзгинаси турарди. — Ў. Ҳошимов, Қалбингга қулоқ солУйда ёлғиз ўтирганида ҳам, ишда ҳам Гулхайрининг назокатли боқишлари, ҳароратли лаблари кўз олдидан нари кетмай, юрагига ўт туташади. — С. Нуров, Нарвон