фл. 1. Мустаҳкам қилмоқ, маҳкамламоқ.
Эшикни мустаҳкамламоқ.
Шунинг учун немислар бу раённи қарийб икки йил давомида тинмай мустаҳкамлаган эди. — А. Қаҳҳор, Олтин юлдуз.
2. кўчма Барқарор қилмоқ, жипслаштирмоқ.
Истиқлолимизни сақлаб қолиш ва мустаҳкамлаш учун кураш—муттасил давом этадиган ўта масъулиятли ва мураккаб жараён. — Газетадан
Комплекслар, фермерларни малакали кадрлар билан мустаҳкамлаш чораларини кўриш керак. — Газетадан
3. Пухталамоқ, пухта ўзлаштириб олмоқ.
Ўтилган дарсни мустаҳкамламоқ.
Ҳар нарсани гапираверманг, ҳунарингизни мустаҳкамланг, уқувли бўлинг. — Т. Обидов, Юсуфжон қизиқ