Қидирув

фл. 1. Мой суркамоқ, мой бермоқ.

Машинани мойламоқ. Этигини мойламоқ.

Мўйловдор бир йигит дераза мойлаётган экан. — С. Аҳмад, Сайланма

2. ёки Оғзини (томоғини) мойламоқ Пора тариқасида меҳмон қилмоқ ёки пора бермоқ.

Хумпарнинг оғзи бурнини мойлаб, қўлга олиб бўлмасмикин? Доридан ичар? — деди Олахўжа. — П. Турсун, Ўқитувчи

Улар хўжайиннинг томоғини мойладик, деб нон зуваласидан бир сиқим бир сиқим узиб қолавердилар. — Муштум

фл. Мойламоқ феълининг биргалик нисбати.

Емирилишга қарши ҳимоя учун шарсимон шарнирни мойлаш

фл. 1. Мойламоқ феълининг мажҳул нисбати.

Мойланган арава. Мойланган этик,

Ҳоким соқоли тоза қирилиб, қора мўйлови мойлангандай йилтираб турган ўзбекка юзланиб бош ирғади. — М. Исмоилий, Фарғона тонг отгунча.

2. кам қўлл. Мой босмоқ, кирланиб мойи чиқмоқ.

Эгнида кирланиб, мойланиб йилтиллаган, доғ-дуғли қора камзул. — Ойбек, Танланган асарлар.