Қидирув

от Камситувчи, кулги қилувчи гап-сўз, хатти-ҳаракат; мазах, эрмак, кулги.

Бу сўзлар қўрбошига масхара бўлиб туюлди. У оғзидан кўпиклар сочди. — А. Қаҳҳор, Кўр кўзнинг очилиши.

Фотима масхара ва мазахларга чидай олмади, титраб кетди. — П. Турсун, Ўқитувчи

сфт. Масхара ифодалайдиган: истеҳзоли.

Афғон чойфурушнинг бундай масхарали пичинглари ярим соатдан бери давом этарди. — А. Мухтор, Опа-сингиллар

кўринишда самимий, лекин аслида сохта ва масхарали товуш билан Ёʻлчининг онасини ва укаларини сўради. — Ойбек, Танланган асарлар

от 1. Томошахоналарда, сайилларда ва умуман халқ кўп тўпланган жойларда томошабинларни кулдирадиган ўйинлар кўрсатувчи қизиқчи, артист.

Сирк масхарабози.

Бошқа бир жойда масхарабоз қизиқчилар ўйин кўрсатмоқдалар. — Ж. Шарипов, Хоразм

От устида виқор билан турган ҳазрат ҳалиги ерсиз деҳқон қиёфасидаги масхарабозни дарра билан бир туширди. — К. Яшин, Ҳамза

2. айн. Найрангбоз.

У бир тўп масхарабоз орасида калака бўлгандек қизариб, вагонга яқинлашди. — Ёшлик

сфт. Масхара аралаш, масхара билан, истеҳзоли.

Масхараомуз кулги.

— Ҳа, қаёққа бормоқчисиз яна? — деди Тожибой масхараомуз. — П. Турсун, Ўқитувчи

Бошлиқнинг масхараомуз кулгиси Солиҳовга қаттиқ таъсир қилди. — Н. Аминов, Суварак

фл. Масхара, мазах қилмоқ, кулмоқ.

Кечаси подшо афандини масхаралаш учун унинг отининг пастки жағини кесиб қўйди. — Латифалар.

Унинг сўз оҳангида қанча масхаралаш бўлса, шунча таҳқирлаш ҳам бор эди. — М. Исмоилий, Фарғона т. о.

от 1. Масхарабоз иши, хатти-ҳаракати.

Дор остида қизиқчилар масхарабозлик қилмоқда.

2. снт. Оғзаки драматургия асосида фаолият кўрсатган ўзбек анъанавий театри; қизиқчилик.

Масхарабозлик анъаналари, воситалари маълум даражада янги шаклдаги ўзбек театрида ўзлаштирилди. — Ўзме

3. айн. Найрангбозлик.

Бир неча минутдан кейин Ғуломжон мингбоши олдида турар, бу масхарабозликка ҳали-ҳали тушунолмай, тажанг бўлар эди. — М. Исмоилий, Фарғона т. о.