ot 1. Oʻqituvchi rahbarligida yosh avlodga savod oʻrgatib, uni maʼlumotli qiluvchi taʼlim-tarbiya muassasasi.
Boshlangʻich maktab. Internat maktab. Oʻrta maktab. Maktabga kirmoq. Bolani maktabga bermoq. Bolaga oila ham, maktab ham baravar tarbiya berishi, odob-axloq oʻrgatishi shart. — Gazetadan
2. Kasb, hunar, ixtisos oʻrganiladigan oʻquv yurti.
Musiqa maktabi. Shofyorlar maktabi. Hunar maktabi.
Toshkent xoreografiya maktabining tashkil etilganiga ellik yil toʻldi. — Saodat
3. Ilm-fan, sanʼat, adabiyot, ijtimoiy-siyosiy faoliyat sohasida biror oqim, yoʻnalish.
Maktab yaratmoq. Maktab yaratgan olim.
Hozirgi vaqtda bemalol badiiy tarjimada Oybek maktabi, Abdulla Qahhor maktabi, Mirtemir maktabi haqida gapirish mumkin. — Gʻ. Salomov, Tarjima nazariyasiga kirish
4. Oʻrganish, tajriba orttirish, oʻrnak olish manbai.
Hayot zoʻr maktab ekan, haqiqiy fikrlar vujudga kelayotir. — Oybek, Nur qidirib
- Oliy maktab Oliy oʻquv yurtlarining umumiy nomi. Ammo oliy maktab orzusi men uchun yolgʻiz puch xayol boʻlsa ham, undan voz kecha olmadim. — Oybek, Nur qidirib